Luke 16:14 - Chishemanituu Utayimuwin: Kaa Uskaach Testament

¹⁴ Iskutak maak Phariseech piyehtahkwaau uyeyuu chii maayeyimeuch Jesus, wesh chii saachihtaauch shuuliyaayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐃᔅᑯᑕᒃ ᒫᒃ ᕓᕆᓰᒡ ᐱᔦᐦᑕᐦᒀᐤ ᐅᔦᔫ ᒌ ᒫᔦᔨᒣᐅᒡ ᒌᓴᔅ, ᐌᔥ ᒌ ᓵᒋᐦᑖᐅᒡ ᔔᓕᔮᔫ᙮

Luke 16:14 Iomraidhean Croise

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 9:24

Chii iteu, “Namui chinituweyihtaakusinaawaau utah, wiiwiikw nete, taapaa nipuu an ishkwesh mikw wesin nipaau.” Ekw kaa ushinuwaatwaau aniyuu e itweyich e maayeyimaatwaau.

Luke 12:15

Ekw Jesus misiwe kaa itaat uyuu, “Yaakwaamiikw, ekaa chechii mushteneyihtamaacheyekw e ishpish wii ayaayekw chekwaan. Wesh taapaa aniyuu e ishi weyuutisiit awen maak naashch e miisitisiikwe, namiyeyuu aniyuu che ihtuutaakut chechii uhchi ayaat kaachiche pimaatisiiwiniyuu.”

Luke 20:47

Utinamuweuch kaye misiwe taan e ishi tipiyeusiyich kaa paahpeyakuyitwaauh iskweuh kaye maak e ayimihaatwaau chineush ayimihaauch, mikw maak ayimihehkaasuch uyuu e ihtitwaau. Eukunich maak uchii ushte che aahkwaateyihtaakuniyich taan che ishi wiyaaskunikutwaau Chishemanituuh.”

Luke 23:35

Chii naaniipuuch anite awenichii e kanawaapitwaau e maayeyimikuyich aniyuu Jewa iinuuh kaa niikaanishkuwaayich e itweyich, “Chii wiichiheu kutak aweyuuh, kata wiichihiisuu maak taapwe Christ e aawiikwe, aniyuu Chishemanituu kaa wiyaapamaat.”

Luke 8:53

Ekw kaa ushinawaatwaau wesh chii chischeyimeuch taapwe e nipiyich aniyuu ishkwesha.

2 Timothy 3:2

Uste wiya kata iteyimisuu awen, kaye naashch taapwe kata saachihtaauch shuuliyaayuu. Naashch kata mamiywaachimisuuch, naashch chihchiwe kata iteyimisuuch e paashtaamutwaau, kaye naashch kata maamaayeyihcheuch. Kaye namui kata uhchi nanihiihtuweuch uniichihiikuwaauh. Namui mitun kata uhchi nanaaskumuuch chekwaayuu kaye namui mitun kata uhchi aapateyimeuch Chishemanituu.

Hebrews 11:36

Kutakach chii wausinuwaakanuuch e maayeyimaakanuutwaau anite e mihchetinaanuyich, kaye chii kusiihkuwaakanuuch kaye wawaach chii mamechimaapiskuhwaakanuuch anite chipahuutuukamikuhch.