Luke 16:1 - Chishemanituu Utayimuwin: Kaa Uskaach Testament

¹ Jesus chii wiihtamuweu uchischinuhamuwaakan uyeyuu tipaachimuwin chiskutamaachewiniyuu, e itaat, “Chii ihtaau e miisitisiit naapeu e chii ayaawaat uchimaasha. An maak uchimaash chii nanaakatuweyihtamuweu misiwe taan kaa ishi ayaayich aniyuuh naapeuh. Chii pehtamiyuu maak aniyuu uchimaam nitamukw e chii itaapachihtaawaat ushuuliyaamiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒌᓴᔅ ᒌ ᐐᐦᑕᒧᐌᐤ ᐅᒋᔅᒋᓄᐦᐊᒧᐙᑲᓐ ᐅᔦᔫ ᑎᐹᒋᒧᐎᓐ ᒋᔅᑯᑕᒫᒉᐎᓂᔫ, ᐁ ᐃᑖᑦ, ᒌ ᐃᐦᑖᐤ ᐁ ᒦᓯᑎᓰᑦ ᓈᐯᐤ ᐁ ᒌ ᐊᔮᐙᑦ ᐅᒋᒫᔕ᙮ ᐊᓐ ᒫᒃ ᐅᒋᒫᔥ ᒌ ᓇᓈᑲᑐᐌᔨᐦᑕᒧᐌᐤ ᒥᓯᐌ ᑖᓐ ᑳ ᐃᔑ ᐊᔮᔨᒡ ᐊᓂᔫᐦ ᓈᐯᐤᐦ᙮ ᒌ ᐯᐦᑕᒥᔫ ᒫᒃ ᐊᓂᔫ ᐅᒋᒫᒻ ᓂᑕᒧᒄ ᐁ ᒌ ᐃᑖᐸᒋᐦᑖᐙᑦ ᐅᔔᓕᔮᒥᔫ᙮

Luke 16:1 Iomraidhean Croise

Matthew 20:8

“Iskutak maak wetaakusiyich, an uchimaau chii iteu aniyuu kaa naanaakachihaayich aniyuu kaa aapatisiitwaauh, ‘Wiisaamach anichii kaa aapachihiikwaau, misiwe che kachiishiihkuutwaau aniyuu kaa aapatisitwaau. Niishtam anichii maahchishtai kaa utaaskunaakanuutwaau chiishiihkuuch, ekw miin anichii kutakach taan mikw kaa ati itiskaatutwaau e utaaskunaakanuutwaau, che ati utihtahuutwaau anichii niishtam kaa utaaskunaakanuutwaau. Eukw uchii niishtam kaa utaaskunaakanuutwaau maahchishtai che chiishiihkuutwaau.’ ”

Luke 12:42

Utipeyihchikeu chii itweu, “Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich.

Luke 15:13

Namui chineush kaa ati tamihtinahk misiwe taan kaa ishi tipiyeusiit an ushiimaau ekw anite waahyuu aschiihch kaa ituhtet. ekute anite kaa meshtinahk ushuuliyaam e chiishkwepimaatisiit.

Luke 15:30

Uu chikus kaa chiishkwepimaatisiiwaachet chishuuliyaamiyuu iskweuh e chii maayeyimaat, anuhchiish chii takushinuu, chititishuwaataayuuh maak chechii nipahaakanuyich aniyuuh kaa taahchipuhaakanuyich mistusa chechii makushihaakanuut.’

Luke 16:19

Jesus chii wiihtam chischinuhamaacheu tipaachimuwiniyuu e itwet, “Peyakwaau chii ihtaau e miisitisiit naapeu naashch e shuuliyaaunaakuniyikwaau uchekwaanim, naashch e chii miisitisiyuupimaatisiit.

Luke 16:2

Ekw kaa wiishaamikut, kaa itikut, ‘Nipehten e itaachimikuyin nitamukw e itaapachihtaayin nishuuliyaam. Mushe che wiihtaman taan nihaau kaa itaapachihtaayin. Shaash misuwaach namui chika uhchi ayaan an chitaapatisuwin.’

Luke 19:20

“Ekw miin kutak aapachihaakan kaa takushihk ekw kaa itwet, ‘Maau shuuliyaaunaapiskw, nichii maahkupitaau machunishihch.

Luke 8:3

Kaye Joanna chii wiichihiiweu. Uu iskweu Chuza chii ishinihkaasuyuuh unaapem, chii uchimaau aapatisiyuu, chisheuchimaau Herod chii atushkuweyuu. Kaye maak Susanna chii wiichihiiweu. Mihchetu maak miin kutakach iskweuch chii wiicheweuch Jesus. Tipiiwe maak ushuuliyaamuwaau chii aapachihtaauch uchii iskweuch e wiichihaatwaau Jesus kaye aniyuu uchischinuhamuwaakaniyuuh.

Titus 1:7

An awen kaa niikaanishkuwaat umaamuuayimihaauh, namui chipaa uhchi machituutam anit chechii uhchi ataameyimaakanuut chekwaayuu, wesh Chishemanituuh atushkuweu. Namui chihchiwe chipaa uhchi iteyimisuu, kaye namui tiiwehch chipaa uhchi chishuwaasuu, kaye namui chipaa uhchi wiihchipeu, kaye namui chipaa uhchi aahkuyuwesuu, kaye namui chipaa uhchi saachihtaau shuuliyaayuu.

James 4:3

E nitutamaayekw namui chimiskenaawaau taan kaa ishi nitutamaayekw wesh namui miywaashuu chekwaan wehchi nitaweyihtamekw uyuuh chekwaayuuh. Chinitaweyihtenaawaau chekwaayuuh mikw chiyawaau chechii naniheyihtamihiisuyekw taan e ishi machi nituweyihtamekw.

1 Peter 4:10

Misiwe paahpeyakw awen ihtakuniyuu taan e ishi miikut Chishemanituu kaschihuwiniyuu. Eukw maak uyuu kaschihuwiniyuu chipaa aapachihtaau e waawiichihaat kutak aweyuuh, e aashuu miyaat aweyuuh Chishemanituuh ushaweyihchichewiniyuu.