Luke 15:7 - Chishemanituu Utayimuwin: Kaa Uskaach Testament

⁷ Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᑳ ᐃᑗᑦ ᒦᓐ ᒌᓴᔅ, ᒋᐐᐦᑕᒫᑎᓈᐙᐤ, ᒬᐦᒡ ᐁᑯᓐ ᐁ ᐃᑌᔨᐦᑖᑯᐦᒡ ᒨᒋᒉᔨᐦᑕᒧᐎᓐ ᐊᓂᑌ ᑭᐦᒋᑮᔑᑯᐦᒡ ᐃᔅᑯᑕᒃ ᐯᔭᒄ ᐅᒪᒋᐦᑣᐤ ᐁ ᓈᑖᑦ ᒋᔐᒪᓂᑑ ᐁ ᐐ ᑴᔅᑳᑎᓰᑦ, ᐅᔅᑌ ᐎᔭ ᒨᒋᒉᔨᐦᑕᒥᐦᐄᐌᐤ ᐃᔥᐱᔖᑦ ᐯᔭᑯᔥᑌᒥᑕᓅ ᐯᔭᑯᔥᑌᐤ ᑳ ᑯᐃᔅᑯᑖᑎᓰᑣᐤ ᐊᐌᓂᒌ ᔖᔥ ᐁ ᑴᔅᑳᑎᓰᑣᐤ᙮

Luke 15:7 Iomraidhean Croise

Matthew 18:13

Iskutak maak meskawaat, chiwiihtamaatinaawaau uste miyeyihtam uyuu peyakw umaanishchaanishimh kaa wanishiniyich e miskuwaat ishpishaat wii e chii ayaawaat aniyuu peyakushtemitanuu peyakushteu maanishchaanisha ekaa uhchi wanishiniyich.

Matthew 3:8

Nuukuhtaakw taapwe e kweskaatisiyekw, e nakatamekw chimachaatisiiwinawaauh.

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

Luke 15:29

Ekw kaa itaat uhtaawii, ‘Kanawaahta maa, mihchetupunh ekw kaa ishpish atushkaataan namui maak wiiskaat nuuhchi ihtin ekaa chechii nanihiihtamaan taan kaa itashuweyin. Chekwaan maak kaa pechi miyin niya chechii uhchi wiichimakushemakwaau niwiichewaakanich.

Luke 15:32

Ishinaakun taapwe chechii muuchicheyihtamuhkw wesh chiichishaan mwehch e chii nipit chii ishinaakusuu ekw maak anuhchiish mwehch miin e pimaatisiit ekun e ishinaakusit. Mwehch e chii wanishinit chii ishinaakusuu ekw maak miin e miskawaakanuut ekun e ishinaakusit.’ ”

Luke 15:6

Ekw che wiishaamaat uwiichewaakanh che itaat, ‘Wiichi miyeyihtamuumikw wesh nimiskawaau an nimaanishchaanishim kaa wanihiik.’ ”

Luke 15:8

Ekw Jesus kaa wiihtamuwaat kutachiyuu chischinuhamaacheu tipaachimuwiniyuu e itaat, “Taan e ihtit iskweu e ayaawaat mitaahtu shuuliyaaunaapiskw, peyakw maak aniyuu wanihaat. Saskaham waashtenamaakaniyuu, wepahiicheu kaye anit uwaaskaahiikanihch, tekash naanituwaapameu paatish meskawaat.

Luke 16:15

Jesus maak chii iteu, “Chitishinaakuhiisunaawaau muyaam e kuiskutaatisiyekw anite uhchishkuu iinuuch e ihtaatwaau, mikw maak Chishemanituu chischeyihtam taan chihchiwe e iteyihtaakusiyekw. Wesh aniyuuh chekwaayuuh chihchiwe kaa iteyihtamihiikutwaau awenichii Chishemanituu uhkaatam aniyuuh.”

Luke 5:32

Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Romans 7:9

Utaahch nichii ishi pimaatisiin ekaa chischeyihtamaan taan e itashuwemakahch wiishuwewin. Iskutak maak kaa chischeyihtamaan itashuwewin taan itwemakahch, ekut kaa uhchi chischeyihtamaan e machaatisiyaan kaye muyaam e nipiyaan e ishinaakusiyaan.