Luke 15:6 - Chishemanituu Utayimuwin: Kaa Uskaach Testament

⁶ Ekw che wiishaamaat uwiichewaakanh che itaat, ‘Wiichi miyeyihtamuumikw wesh nimiskawaau an nimaanishchaanishim kaa wanihiik.’ ”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᒉ ᐐᔖᒫᑦ ᐅᐐᒉᐙᑲᓐᐦ ᒉ ᐃᑖᑦ, ᐐᒋ ᒥᔦᔨᐦᑕᒨᒥᒄ ᐌᔥ ᓂᒥᔅᑲᐙᐤ ᐊᓐ ᓂᒫᓂᔥᒑᓂᔑᒻ ᑳ ᐗᓂᐦᐄᒃ᙮

Luke 15:6 Iomraidhean Croise

Luke 1:58

Iskutak maak piyehtamiyich uwaahkumaakan kaye misiwe iinuu anit peshuch kaa ihtaayich, naashch taapwe chii miyeyihtamiyuu e chii pehtahkwaau taan kaa ishi miyutuutamaakut Utipeyihchikeu.

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

Luke 15:24

Wesh uu nikus mwehch e chii nipit chii ishinaakusuu ekw muyaam miin e pimaatisiit eukw e ishinaakusit, mwehch e chii wanishinit ekw maak miin e miskawaakanuut.’ Ekw maak kaa muuchikahtaatwaau.”

Luke 15:5

Iskutak maak miskawaate naashch taapwe chika miyeyihtam, ekw utihtiminihch ekut che tehtahaat, che nituu chiiwehtahaat.

Luke 15:7

Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”

John 15:14

Chiyawaau maak chika wiichewaakanitutaatinaawaau ihtuutamekwe taan e itashumitakuch.

John 3:29

Muyaam uschinaapewaan wiya tipeyimeu aniyuu uschiskwewaan. Aniyuu maak uwiichewaakanh an uschinaapewaan, aniyuu kaa wiichihiiweyich ashuwaapamikuu che ishpish takushinit kaye miyeyihtamiyuu iskutak piyehtaakut. Ekun maak mwehch kaye niya e ishpish miyeyihtamaan shaash e ihtaat an kaa pechi itishahukut Chishemanituu.

ᐊᐸᔅᑕᓚᒡ 11:23

Iskutak maak tekushihk Barnabas anite, wiyaapahtamuwaat maak Chishemanituu taan e ishi shaweyimaayich aniyuu iinuu, chii miyeyihtam. Chii siihchimeu maak chechii yaaichikaapuyich kaye suuhk muush che wii nanihiiwehaayich Utipeyihchikeu.

ᐊᐸᔅᑕᓚᒡ 15:3

Ekw kaa ituhtetwaau anite kaa itishahukutwaau aniyuu umaamuuayimihaau. Phoenicia kaye Samaria chii shaapuweshkamuch e waawiihtamuwaatwaau aniyuu umaamuuayimihaau anite kaa ihtaayich e taapweyimaayich Jesus aniyuu ekaa Jewa kaa itiskaanesitwaau. Naashch taapwe chii miyeyihtamiyuu aniyuuh wiichishaanimaauh iskutak piyehtamiyich uyuu.

Philippians 1:4

Kaye naashch taapwe nimiyeyihten, tahtwaau e ayimiheshtamaatakuch.

Philippians 2:17

Maaskuuch nika nipahiikuun. Ekw maak an taapishkun tekash e chii pachishteyihtamuuhkw Chishemanituu chipimaatisiiwinuuh aat nipahiikuyaane nika miyeyihten kaye taapishkun chika miyeyihtenaanuu wesh ekut che uhchi asich pachishtinamuwaakanuut Chishemanituu taan e ishi taapweyimekw.

Philippians 4:1

Ekw maak niichishaanitikw, chiyawaau naashch kaa saachihiitakuch, muush kaa mwestaatitakuch. Nuwach chimiyeyihtamahiinaawaau kaye chimaamihchihiinaawaau chechii tipaachimitakuch. Eukw uu kaa ishi aayimuutamaatakuch e nitaweyimitakuch chechii yaaichikaapuyekw e taapweyimekw Utipeyihchikeu.

1 Thessalonians 2:19

Naashch maak miin chichii wii waapamitinaawaau wesh chiyawaau e ihtaayekw uhchipayuu chechii ayaayaahch aspeyimuwin. Chiyawaau e ihtaayekw uhchipayuu wehchi muuchicheyihtamaahch. Kaye maak chiyawaau e ihtaayekw uhchipayuu naashch chechii cheshtinaateyimuyaahch chechii aayimuutamaahch taan kaa ishi pechi miywaapatisiyaahch iskutak takushihke Chitipeyihchikeminuu Jesus.

1 Peter 2:10

Anite weskach namui kuuhchi utiiniimitutaakuwaau Chishemanituu ekw maak anuhchiish weutiiniimitutaataakw. Anite weskach namui chuuhchi chistimaacheyimikuwaau ekw maak anuhchiish ekw chestimaacheyimitaakw.

1 Peter 2:25

Wesh mwehch maanishchaanishach e wanishihkwaau chichii ishinaakusinaawaau. Anuhchiish maak shaash kaau chichii peshiikunaawaau chechii nuushuushkuwekw an maanishchaanishuiinuu kaa naanaakachihiitaakw kaye kaa kanuweyimaat chitahchaahkuwaauh.