Luke 15:2 - Chishemanituu Utayimuwin: Kaa Uskaach Testament

² Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᕓᕆᓰᒡ, ᐁᒄ ᒫᒃ ᐊᓂᒌ ᑳ ᒋᔅᑯᑕᒫᒉᑣᐤ ᐐᔓᐌᐎᓂᔫ ᒌ ᐋᔨᒨᒣᐅᒡ ᒌᓴᔅ ᐁ ᐃᑗᑣᐤ, ᐆ ᓈᐯᐤ ᐐᒉᐙᑲᓂᑐᑕᐌᐤ ᐊᓂᔫ ᑳ ᒪᒑᑎᓯᔨᒡ ᑲᔦ ᐐᒋᒦᒋᓲᒣᐤ᙮

Luke 15:2 Iomraidhean Croise

Matthew 11:19

Ekw maak Iinuu Ukusisa chii miichisuu kaye chii minihkweu, chii itweyuuh maak aweyuuh, ‘Kanawaapamaahkw maa uu naapeu, taapwe kaa ukaasichimit kaye taapwe wiihchipeu, e uwiichewaakanit umachaatisiyuuh, kaye aniyuuh nitamukw kaa ihtitwaau kaa maamuushtinamiitwaauh chisheuchimaau shuuliyaayuu.’ Mikw maak taan e ishi pimaatisiit awen ekut e nuukuniyich taan e ishi kachehtaaweyihtahk.”

Matthew 9:11

Pasch maak Phariseech chii waapameuch uyuuh ekw kaa itaatwaau aniyuu chischinuhamuwaakanh, “Chekwaan wehchi wiichimiichisuumaat chichiskutamaachesiimuwaau aniyuuh Chisheuchimaau shuuliyaayuu kaa maamuushtinamiyich kaye aniyuuh kutak kaa machaatisiyich.”

Luke 15:3

Ekw Jesus kaa wiihtamuwaat uyuu tipaachimuwiniyuu.

Luke 19:7

Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.”

Luke 5:30

Ekw maak Phariseech kaye anichii wiishuwewiniyuu kaa chiskutamaachetwaau kaa ayimihaatwaau Jesus uchischinuhamuwaakaniyuuh e itaatwaau, “Chekwaan wehchi wiichimiichisuumekuch anichii kaa maamushtinahkwaau chisheuchimaau shuuliyaayuu kaa itaapatisitwaau kaye anichii kutakach umachihtwaauch.”

Luke 7:34

Chii pechi takushinuu Iinuu Ukusisa e miichisut kaye e minihkwet. Chichii itwenaawaau maak, ‘Kanawaapamaahkw maa uu naapeu, nuwach kaa ukaasichimit kaye nuwach wiihchipeu, e uwiichewaakanit umachaatisiyuuh, kaye aniyuuh kaa maamuushtinamiyich Chisheuchimaau shuuliyaayuu kaa itaapatisitwaau.’

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

ᐊᐸᔅᑕᓚᒡ 11:3

Kaa itaatwaau aniyuu Peter, “Chichii ituhten anite anichii iinuuch e ihtaatwaau ekaa Jewa kaa itiskaanesitwaau, waawaach kaye chichii wiichimiichisuumaauch,” chii iteuch.

Galatians 2:12

Maau kaa ihtit. Kaa takushihk anit Antiochihch namui wiyesh uhchi iteyihtam e wiich miichisuumaat maanh aniyuuh ekaa Jewa kaa itiskaanesiitwaauh kaa taapwehtamiitwaauh. Chek James chii pechi itishahweu pasch Jewa iinuuh kaa taapwehtamiitwaau. Naashch yaakwaau chii iteyihtamihiikuuch Jewa ayimiheu wiishuwewinh uchii. Misiwe aweyuuh kaa taapwehtamiyich chii iteuch chechii chischinuwaachishwaakanuyich. Peter maak chii kushteu uyuuh Jewa ekw namui miin uhchi wiich miichisuumeu aniyuuh ekaa Jewa kaa itiskaanesiitwaauh.

1 Timothy 1:15

Eukw maak uu tiyaapwemakahch itwewin, Christ Jesus e chii pechi takushihk utah aschiihch chechii pimaachihaat umachihtwaau. Maauch maak kaa machaatisiit nichii iteyihtaakusin niya.