Luke 15:18 - Chishemanituu Utayimuwin: Kaa Uskaach Testament

¹⁸ Nika chistuhten che nituwaapamak nuuhtaawii che itak, Nuuhtaa, nichii machitutawaau Chishemanituu kaye chiya chichii machituutaatin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᓂᑲ ᒋᔅᑐᐦᑌᓐ ᒉ ᓂᑐᐙᐸᒪᒃ ᓅᐦᑖᐐ ᒉ ᐃᑕᒃ, ᓅᐦᑖ, ᓂᒌ ᒪᒋᑐᑕᐙᐤ ᒋᔐᒪᓂᑑ ᑲᔦ ᒋᔭ ᒋᒌ ᒪᒋᑑᑖᑎᓐ᙮

Luke 15:18 Iomraidhean Croise

Matthew 3:6

Mushe chii wiihtamuch taan kaa ishi machituutamuwaakupanenich ekw maak kaa siikahaahtaakutwaau John anite Jordan siipiihch.

Matthew 6:14

“Ekw maak miin kaa itwet wepeyihtamuutwaawenich kutakach taan kaa ishi wanituutaaskwaau, Kuuhtaawii kihchikiishikuhch kaa ihtaat chika wepeyihtamaakw.

Matthew 6:9

Eukw uu che ishi ayimihaayekw. Nuuhtaawiinaan kihchikiishikuhch kaa ihtaayin, nitayimihaanaan chitishinihkaasuwin chechii chischeyihtaakunuuhch e chisteyihtaakuhch.

Matthew 7:11

Aat e ishpish machaatisiyekw eyuwehch chichischeyihtenaawaau chechii miyu miyekuch chitawaashiimuwaauch chekwaayuu. Etituu maak Kuuhtaawaau kihchikiishikuhch kaa ihtaat chika miyu miiweu taan e ishi nituweyihtamuwaakanuut.”

Luke 11:2

Jesus chii iteu, “Maau che ishi ayimihaayekw, ‘Nuuhtaawiinaan, kihchikiishikuhch kaa ihtaayin, nitayimihaanaan chitishinihkaasuwin e payehchisiimakahch chechii chisteyihtaakuhtaakanuuhch. Chuuchimaawin katawii utihchipayuu. Chititeyihtamuwin katawii ihtuutaakanuu utah aschiihch, taapishkuuch kihchikiishikuhch.

Luke 15:17

Chek maak iskutak kaa kuiskukuteyich umaamituneyihchikan, chii iteyihtam, ‘Aat e itashiitwaauh nuuhtaawii utaapachihaakanh misiwe e tepimiichisuyitwaau yaapach ayuupayuuch miichimiyuu, niya maak chekaat nikauhkaten.

Luke 15:19

Namui nitepicheyihtaakusin chechii ukusitutawiyin, pechi aapachihiih maak mwehch e ishi aapachihiitwaau chitaapachihaakanich.’ ”

Luke 15:21

Kaa itaat an ukusisimaau aniyuu uhtaawii, ‘Nuuhtaa, nichii machituutawaau Chishemanituu kaye chiya chichii machituutaatin. Namui nitepicheyihtaakusin nikus chechii iishinihkaasiyin.’

Luke 18:13

Ekw maak an naapeu kaa maamuushtinahk chisheuchimaau shuuliyaayuu kaa itaapatisit, iskutak e ayimihaat waahyuusiis anit chii uhchikaapuu taanit kaa niipuyich aniyuu Pharisee namui kaye mechim uhchi tastasaapuu kihchikiishikuhch wesh chii kushikuteheu. Chii itweu, ‘Chishemanituu pechi chistimaacheyim e machituutamaan. Ekw Jesus miin kaa ati itwet iskutak kaa chiishi tipaachimut.’