Luke 15:13 - Chishemanituu Utayimuwin: Kaa Uskaach Testament

¹³ Namui chineush kaa ati tamihtinahk misiwe taan kaa ishi tipiyeusiit an ushiimaau ekw anite waahyuu aschiihch kaa ituhtet. ekute anite kaa meshtinahk ushuuliyaam e chiishkwepimaatisiit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᓇᒧᐃ ᒋᓀᐅᔥ ᑳ ᐊᑎ ᑕᒥᐦᑎᓇᐦᒃ ᒥᓯᐌ ᑖᓐ ᑳ ᐃᔑ ᑎᐱᔦᐅᓰᑦ ᐊᓐ ᐅᔒᒫᐤ ᐁᒄ ᐊᓂᑌ ᐙᐦᔫ ᐊᔅᒌᐦᒡ ᑳ ᐃᑐᐦᑌᑦ᙮ ᐁᑯᑌ ᐊᓂᑌ ᑳ ᒣᔥᑎᓇᐦᒃ ᐅᔔᓕᔮᒻ ᐁ ᒌᔥᑴᐱᒫᑎᓰᑦ᙮

Luke 15:13 Iomraidhean Croise

Luke 15:12

An maak ushiimaau chii iteu uhtaawii, ‘Nuuhtaa, pechi miih anuhchiish aniyuuh chekwaayuuh aanische che tipiyeusiyaan.’ Ekw maak uhtaawaau kaa tetaaunamaakutwaau misiwe taan kaa ishi tipiyeusiyich.

Luke 15:14

Iskutak maak misiwe kaa meshtinahk ushuuliyaam anit aniyuu aschiiyuu kaa ihtaat chii pimipayuu e wawaanihkataanuyich. Chek kaa wawaanihkatet kaye wiya.

Luke 15:30

Uu chikus kaa chiishkwepimaatisiiwaachet chishuuliyaamiyuu iskweuh e chii maayeyimaat, anuhchiish chii takushinuu, chititishuwaataayuuh maak chechii nipahaakanuyich aniyuuh kaa taahchipuhaakanuyich mistusa chechii makushihaakanuut.’

Luke 16:1

Jesus chii wiihtamuweu uchischinuhamuwaakan uyeyuu tipaachimuwin chiskutamaachewiniyuu, e itaat, “Chii ihtaau e miisitisiit naapeu e chii ayaawaat uchimaasha. An maak uchimaash chii nanaakatuweyihtamuweu misiwe taan kaa ishi ayaayich aniyuuh naapeuh. Chii pehtamiyuu maak aniyuu uchimaam nitamukw e chii itaapachihtaawaat ushuuliyaamiyuu.

Luke 16:19

Jesus chii wiihtam chischinuhamaacheu tipaachimuwiniyuu e itwet, “Peyakwaau chii ihtaau e miisitisiit naapeu naashch e shuuliyaaunaakuniyikwaau uchekwaanim, naashch e chii miisitisiyuupimaatisiit.

Ephesians 2:13

Chiyawaau kaa chii ayaawaapamekw Chishemanituu, e chii nipahaakanuut Jesus Christ ekut kaa uhchi ihtuutaataakw Chishemanituu chechii peshuwaapamekw aniyuu uhchi e wiichewekw ekw Christ.

Ephesians 2:17

Ekw maak Christ kaa takushinit, e kacheskwet chiyaameyihtamuwiniyuu e aayimuutahk anit chechii uhchi naniheyimituyich aniyuu kaa peshuwaapamaayich Chishemanituu ekw maak aniyuuh kaa ayaawaapamaayich Chishemanituu.

2 Peter 2:13

Wiyawaau maak niyaanitam chika taapishtuwaakanuuch taan kaa ishpish chii pechi ayaahkuhaatwaau aweyuu. E chiishkweyaatisiinaanuyich maak, mikw e mamachi muuchikahtaakanuyich e mekwaau chiishikaayich, eukun uyuu e iteyihtahkwaau muuchikan. Namui nihiinaakusuuch kaye wiyawaau maauch pimaaminaakusuuch anit maan e wiichi miichisuumitaakuch. Anit aniyuu mekwaach e wiichi miichisuumitaakuch ekut niyaanitam memachi muuchiteyihtamihiisutwaau e chischeyihtahkwaau taan e ishi wawiyesimitaakuch.