Luke 15:1 - Chishemanituu Utayimuwin: Kaa Uskaach Testament

¹ Peyakwaau anichii kaa maamuushtinahkwaau chisheuchimaau shuuliyaayuu kaa itaapatisitwaau chii pechi nituhtaweuch Jesus e pechi mihchetitwaau. Kaye kutakach iinuuch e chischeyimaakanuutwaau e machaatisiitwaau chii pechi takushinuuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐯᔭᒀᐤ ᐊᓂᒌ ᑳ ᒫᒨᔥᑎᓇᐦᒀᐤ ᒋᔐᐅᒋᒫᐤ ᔔᓕᔮᔫ ᑳ ᐃᑖᐸᑎᓯᑣᐤ ᒌ ᐯᒋ ᓂᑐᐦᑕᐌᐅᒡ ᒌᓴᔅ ᐁ ᐯᒋ ᒥᐦᒉᑎᑣᐤ᙮ ᑲᔦ ᑯᑕᑲᒡ ᐄᓅᒡ ᐁ ᒋᔅᒉᔨᒫᑲᓅᑣᐤ ᐁ ᒪᒑᑎᓰᑣᐤ ᒌ ᐯᒋ ᑕᑯᔑᓅᒡ᙮

Luke 15:1 Iomraidhean Croise

Matthew 5:46

Chekwaayuu chipaa uhchi miikw Chishemanituu chikaaniyuwiniyuu mikw saachihiitwaau anichii awenichii kaa saachihiiskwaau. Wesh ekun misiwaach e ihtitwaau anichii kaa machituutahkwaau.

Luke 13:30

Wesh anichii kaa iteyimaakanuutwaau ekaa chisteyihtaakusitwaau chika chisteyihtaakusuuch anite Chishemanituu uchisheuchimaawiniihch, kaye maak, anichii e chisteyihtaakusitwaau kaa iteyimaakanuutwaau namui chika uhchi chisteyihtaakusuuch anite Chishemanituu uchisheuchimaawiniihch.”

Luke 7:29

Misiwe maak aweyuu chii nituhtaakuu Jesus mechim aniyuu maauch kaa machaatisiitwaau kaa iteyimaakanuyich, aniyuu kiipaa kaa maamuushtinamiyich chisheuchimaau shuuliyaayuu kaa itaapatisitwaau. Eukunich uchii kaa nanihiihtamuwaakupanenich aniyuuh taan kaa ishi nituweyihtamiyich Chishemanituu, chii siikahaahtaakuwaakupanenich John.

Romans 5:20

Iskutak kaa pachishtinahk Chishemanituu uwiishuwewin ekut kaa uhchi chischeyihtahkwaau awenichii e ishpish weyuuch machituutahkwaau. Mikw maak taanit kaa weyuuch machituutaakanuuhch Chishemanituu ushaweyihchichewin etituu chii aapatisiimakaniyuu.

1 Timothy 1:15

Eukw maak uu tiyaapwemakahch itwewin, Christ Jesus e chii pechi takushihk utah aschiihch chechii pimaachihaat umachihtwaau. Maauch maak kaa machaatisiit nichii iteyihtaakusin niya.