Luke 14:35 - Chishemanituu Utayimuwin: Kaa Uskaach Testament

³⁵ Ekw maak namui mitun chika chii wiyeshiitaapatan waawaach kaye anite nihtaauchihchikan aschiihch. Ekush maak nitawaach kata wepinikanuu. Yaakwaau nituhta chechii nisituhtaman taan nihaau waa ishi wiihtamaataan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐁᒄ ᒫᒃ ᓇᒧᐃ ᒥᑐᓐ ᒋᑲ ᒌ ᐎᔦᔒᑖᐸᑕᓐ ᐙᐙᒡ ᑲᔦ ᐊᓂᑌ ᓂᐦᑖᐅᒋᐦᒋᑲᓐ ᐊᔅᒌᐦᒡ᙮ ᐁᑯᔥ ᒫᒃ ᓂᑕᐙᒡ ᑲᑕ ᐌᐱᓂᑲᓅ᙮ ᔮᒀᐤ ᓂᑐᐦᑕ ᒉᒌ ᓂᓯᑐᐦᑕᒪᓐ ᑖᓐ ᓂᐦᐋᐤ ᐙ ᐃᔑ ᐐᐦᑕᒫᑖᓐ᙮

Luke 14:35 Iomraidhean Croise

Matthew 11:15

Wii nisituhtamukw maak taan kaa ishi pehtamekw.”

Matthew 13:9

Ekw Jesus kaa ati itaat, “An awen kaa uhtaukaaut e nihiihtahk maak, yaakwaau kata wii nituhtam.”

Mark 4:23

Nituhtamukw maak, an awen kaa uhtaaukaaut e nahiihtahk maak yaakwaau kata wii nituhtam.”

Luke 13:8

Ekw maak an kaa naanaakachihtaat aniyuu nihtaauchihchikanh chii iteu, ‘Ekaawii pitamaa pischeyim, miin peyakw pipun kata ishikaapuu. Nika muunahwaau anite waaskaa, ekw che ashtaayaan anite chekwaan chechii uhchi miyu nihtaauchit.

Luke 8:8

Pasch anite e miyuskamikaayich ekute kaa pahchihtiniyikwaau, uyuu maak naashch chii miyu nihtaauchiniyuuh, ekw maak mistahii miichim kaa nihtaauchiniyich anit shuuminihch uhchi, taan aniyuuh kaa wii ishpish nihtaauchihtaat. An awen kaa uhtaaukaaut e nahiihtahk maak, yaakwaau kata wii nituhtam.”

Luke 9:44

“Chischisikw yaaitei taan che ititakuch. Chika pachishtinaakanuuch iinuuch chechii ihtuutawaatwaau taan waa ihtuutuwaatwaau Iinuu Ukusisaan.”

John 15:6

Awen ekaa niya e ihtaayaan kaa ishi pimaatisiit wepinaakanuu mwehch taan e ihtuutaakanuuhch watihkun, nipuu maak chek. Anihiih maak watihkun kaa wepinikanuuhkwaau maamuushtinikanuuh ekw mechishtawepinikanuuhkwaau ekw maak e ati ishkwaatekwaau.

Revelation 2:11

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich kakwechihiiwewiniyuu namui chika uhchi aahkuhiikuuch niishu nipuwiniyuu.”

Revelation 2:17

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich taan che ishi kakwechihiikutwaau machi chekwaayuu nika ashamaauch aniyuu kihchikiishikw aaihkunaauh kaa kaayaakanuyich. Nika miyaauch asinii e waapaapischisiyich anit mesinaateyich e uskaayich ishinihkaasuwiniyuu. Namui maak awen chischeyihtam uyuu ishinihkaasuwiniyuu mikw an awen che miyaakanuukwe eukun che chischeyihtahk.”

Revelation 2:29

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh.”

Revelation 2:7

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii awenichii che shaakuuchistaatwaau machaatisiiwiniyuu nika miyaauch chechii miichitwaau miinsa anit uhchi pimaatisiyuu mistikuhch. Eukuu mistikw kaa ihtaat anite Chishemanituu unihtaauchihchikan aschiihch.”