Luke 14:33 - Chishemanituu Utayimuwin: Kaa Uskaach Testament

³³ Ekw Jesus miin kaa ati itwet, eukun maak mwehch e ishinaakuniyich awen kaa nituweyihtahk chechii uchischinuhamuwaakanitutuuk, paatish kata pachishteyihtam misiwe chekwaayuu e ishi ayaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᐁᒄ ᒌᓴᔅ ᒦᓐ ᑳ ᐊᑎ ᐃᑗᑦ, ᐁᐅᑯᓐ ᒫᒃ ᒬᐦᒡ ᐁ ᐃᔑᓈᑯᓂᔨᒡ ᐊᐌᓐ ᑳ ᓂᑐᐌᔨᐦᑕᐦᒃ ᒉᒌ ᐅᒋᔅᒋᓄᐦᐊᒧᐙᑲᓂᑐᑑᒃ, ᐹᑎᔥ ᑲᑕ ᐸᒋᔥᑌᔨᐦᑕᒻ ᒥᓯᐌ ᒉᒀᔫ ᐁ ᐃᔑ ᐊᔮᑦ᙮

Luke 14:33 Iomraidhean Croise

Luke 14:26

“Awen waa nuushuushkuukwe taan e ishi pimaatisiyaan, niya etituu nika saachihiikw e ishpish saachihaat uhtaawii maak ukaawii, wiichiskweu, utawaashiim maak tipiiwe wiichishaan. Niya uste nika saachihiikw ishpishaat wiya e ishpish saachihtaat tipiiwe upimaatisiiwin. Ekaa maak chii ihtite namui nika chii uchischinuhamuwaakanitutuwaau.

Luke 14:32

E iteyihtamukwe maak che wanihtaahiikut aniyuu kutak chisheuchimaau kata itishahweu pasch naapeu chechii nituu nachishkawaayich aniyuu chisheuchimaau eshkw e ayaaunaakusiyich ekw che kakwechimaatwaau taanite chechii ihtitwaau ekaa chechii nitupayuuhkahtaatutwaau.

Luke 5:11

Chii seschipitamuch maak uchiimaanuwaauh kaa nakatahkwaau misiwe chekwaayuu anit, ekw kaa wiichewaatwaau Jesus.

Luke 5:28

Kaa pisikuut Levi kaa nakatahk misiwe chekwaayuu kaa ishi ayaat ekw kaa papaawiichewaat Jesus.

2 Timothy 4:10

Demas wii, shaash uste uyuu aschiiyuu saachihtaau kaye maak nichii nakatikw, anite Thessalonicahch ekute kaa ituhtet. Crescens maak wii anite Galatiahch ekute kaa ituhtet. Ekw Titus anite Dalmatiahch ekute wiya kaa ituhtet.

Hebrews 11:26

Aniyuu maak Moses e chii taapwehtahk, chii iteyihtam uste e miywaayich chechii maayeyimaakanuut aniyuu uhchi e chischeyimaat aniyuu Christ che takushiniyich ishpish wii chechii ayaat miisitisiiwiniyuu anite Egypt aschiihch. Shaash chii ayeskuweyihtam chechii pachishtinahk misiwe aniyuu wesh anite niikaanihch chii ishi ashuwaapahtam aniyuu chekwaayuu che miikut Chishemanituu e tipahamaakut.