Luke 14:28 - Chishemanituu Utayimuwin: Kaa Uskaach Testament

²⁸ Muyaam e ishinaakusit awen e wii wiyakaapuuhtaat ashuwaapiiukamikuyuu, niishtam kata wiyeyihtam taan wiyesh che ishpish ispayihiikut, kaye maak taapwe tip e ishpish ayaakwe shuuliyaayuu chechii chiishihtaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᒧᔮᒻ ᐁ ᐃᔑᓈᑯᓯᑦ ᐊᐌᓐ ᐁ ᐐ ᐎᔭᑳᐴᐦᑖᑦ ᐊᔓᐙᐲᐅᑲᒥᑯᔫ, ᓃᔥᑕᒻ ᑲᑕ ᐎᔦᔨᐦᑕᒻ ᑖᓐ ᐎᔦᔥ ᒉ ᐃᔥᐱᔥ ᐃᔅᐸᔨᐦᐄᑯᑦ, ᑲᔦ ᒫᒃ ᑖᐺ ᑎᑉ ᐁ ᐃᔥᐱᔥ ᐊᔮᑴ ᔔᓕᔮᔫ ᒉᒌ ᒌᔑᐦᑖᑦ᙮

Luke 14:28 Iomraidhean Croise

Matthew 10:22

Misiwe awenichii chika uhkaatikuwaauch e nuushuushkuwiyekw. An maak awen ekaa che nuuhtipuuniyikwe e pechi nuushuushkuut eukw an che pimaachihaakanuut.

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Luke 14:27

Awen ekaa pimuyaate utaashiteyaahtikum e pechi nuushuushkuut namui nika chii uchischinuhamuwaakanitutuwaau.

Luke 14:29

Ekaa maak niishtam nituu chischeyihtahke taan che ishpish ispayiyich chika chii ishinaakusuu chechii nuuhtepayit shuuliyaau ekw maak namui chika chii chiishihtaau aniyuu kaa ushihtaat. Waapahtamiyichen maak aweyuuh aniyuu e ispayit chika maayeyimikuu.

Luke 14:33

Ekw Jesus miin kaa ati itwet, eukun maak mwehch e ishinaakuniyich awen kaa nituweyihtahk chechii uchischinuhamuwaakanitutuuk, paatish kata pachishteyihtam misiwe chekwaayuu e ishi ayaat.”

ᐊᐸᔅᑕᓚᒡ 21:13

Mikw maak nichii itikunaan, “Chekwaan wehchi maatuuyekw, nikushikutehen e maatuuyekw. Yaapach wesh nika ituhten anite Jerusalemihch. Shaash wesin nitayeskuwiin namui mikw chechii chipahukuyaan Utipeyihchikeu Jesus utishinihkaasuwin uhchi, nitayeskuwiin kaye che wii nipahiikuwaane wiya uhchi.” Eukw uyuu kaa itikuyaahch Paul.