Luke 14:15 - Chishemanituu Utayimuwin: Kaa Uskaach Testament

¹⁵ Chii ihtaayuuh naapeuh e wiitapimikut Utipeyihchikeu anit miichisunaahtikuhch. Peyakw maak aniyuu naapeuh, iskutak piyehtamiyich aniyuu kaa itwet, chii itikuu, “Nuwach shaweyihtaakusuuch anichii che miichisutwaau anite Chishemanituu uchisheuchimaawiniihch makushaanuuyiche.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᒌ ᐃᐦᑖᔫᐦ ᓈᐯᐤᐦ ᐁ ᐐᑕᐱᒥᑯᑦ ᐅᑎᐯᔨᐦᒋᑫᐤ ᐊᓂᑦ ᒦᒋᓱᓈᐦᑎᑯᐦᒡ᙮ ᐯᔭᒄ ᒫᒃ ᐊᓂᔫ ᓈᐯᐤᐦ, ᐃᔅᑯᑕᒃ ᐱᔦᐦᑕᒥᔨᒡ ᐊᓂᔫ ᑳ ᐃᑗᑦ, ᒌ ᐃᑎᑰ, ᓄᐗᒡ ᔕᐌᔨᐦᑖᑯᓲᒡ ᐊᓂᒌ ᒉ ᒦᒋᓱᑣᐤ ᐊᓂᑌ ᒋᔐᒪᓂᑑ ᐅᒋᔐᐅᒋᒫᐎᓃᐦᒡ ᒪᑯᔖᓅᔨᒉ᙮

Luke 14:15 Iomraidhean Croise

Matthew 25:10

Ekw anichii ekaa naashch kaa iipwaahkaatwaau ishkweshach kaa nituu utinihkwaau pimiyuu. Mekwaach maak e ispihtanihutwaau, chii takushiniyuu aniyuu uschinaapewaan. Anichii maak ishkweshach kaa ayeskuwiitwaau chii ati wiicheweuch e ati piihcheyich anite e makushaanuyich, ekw kaa chipahwaakanuut an chishtuhkan.”

Matthew 8:11

Chiwiihtamaatinaawaau waapanuutaahch kaye maak paashtaachiiwetinuutaahch chika uhtuhteuch awenichii che wiitapimaatwaau Abraham, Isaac ekw maak Jacob makushaanuyiche kihchikiishikw chisheuchimaawinihch.

Luke 12:37

Kata shaweyihtaakusuuch maak anichii aapachihaakanich miskaakutwaawenich aniyuu uchimaamuwaauh e chii ayeskuwiishtawaatwaau. Chiwiihtamaatinaawaau maak, an uchimaau kata ayeskuwiyuu wiya kweschiipan chechii ihtuutamuwaat taan kaa ishi ihtuutamaakut ekw maak che wiishaamaat chechii miichisuyich, mechim wiya chika wiishtuweu.

Luke 13:29

Kata takushinuuch awenichii waapanuutaahch, chiiwetinihch, shaawinihch kaye paastachiiwetinihch e uhchiitwaau che pechi miichisutwaau Chishemanituu uchisheuchimaawiniihch.

Luke 22:16

Chititinaawaau maak, namui miin nika uhchi miichin uu makushaan paatish utihchipayihche taan e ishi nisituhtaakanuuhch e ishi wiihtamaachemakahch uu makushewin anite Chishemanituu uchisheuchimaawinihch.”

Luke 22:30

chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”

Revelation 19:9

Ekw kaa pechi iishit enchil, “Masinaha uu, shaweyihtaakusuuch anichii kaa wiishaamaakanuutwaau e makushaanuyich aniyuu Maanishchaanisha uniipuu makushewiniyuu.” Ekw miin kaa ati itwet an enchil, “Eukw uyuu kaa itwet Chishemanituu, taapwemakaniyuu maak.”