Luke 14:11 - Chishemanituu Utayimuwin: Kaa Uskaach Testament

¹¹ Wesh awen mistahii kaa wii iteyimikusiit Chishemanituu chika tipihteyimuhiikuu. An maak kaa tipihteyimitisut eukw an che chisteyihtaakuhiikut Chishemanituu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐌᔥ ᐊᐌᓐ ᒥᔅᑕᐦᐄ ᑳ ᐐ ᐃᑌᔨᒥᑯᓰᑦ ᒋᔐᒪᓂᑑ ᒋᑲ ᑎᐱᐦᑌᔨᒧᐦᐄᑰ᙮ ᐊᓐ ᒫᒃ ᑳ ᑎᐱᐦᑌᔨᒥᑎᓱᑦ ᐁᐅᒄ ᐊᓐ ᒉ ᒋᔅᑌᔨᐦᑖᑯᐦᐄᑯᑦ ᒋᔐᒪᓂᑑ᙮

Luke 14:11 Iomraidhean Croise

Matthew 23:12

Wesh awen mistahii kaa wii iteyimikusiit kata ihtakuniyuu taan che ihtuutawaakanuut anit chechii uhchi niihteyimitisuut. An maak kaa tipihteyimitisut eukun an mistahii che iteyihtaakuhiikut Chishemanituu.”

Luke 1:51

Chii waapahtiiweu taan e ishpish suuhkaatisiit. Kaye chii aschetishihweu aniyuuh aweyuu naashch kaa chihkaateyimishuyich ekw maak namui uhchii ihtuutamiyuuh aniyuuh chekwaayuuh kaa iteyihtamihiikuyich chechii ihtuutamiyich.

Luke 1:52

Utapuwiniihch chii uhchi niihtineu aniyuu naashch kaa uchimaaweyihtaakusiyich chisheuchimaau ekw kaa chisteyihtaakuhaat aniyuu kaa tipihteyihtaakusiyich.

Luke 14:12

Ekw Jesus kaa itaat aniyuu naapeu kaa wiishaamikut e makusheyich, “E makusheyin maa, ekaawii mikw chiwiichewaakanich wiishaamach maak chiichiinuuch maak chiwaahkumaakanich maak e miisitisiitwaau awenichii anit peshuch e wiichimatwaau, wesh katachii ishinaakuniyuu kaye chiya eshkw chechii wiishaamiskwaau, chechii ihtuutaaskwaau kaye chiya taan aniyuu kaa ishi ihtuutuutwaau.

Luke 18:14

Chiwiihtamaatinaawaau maak, uu naapeu chii chiiweu taapwe e kuiskunaakusit Chishemanituu e kanawaapamikut. Namui wii an Pharisee. An awen mistahii kaa iteyimisut kata tipihteyihtaakuhiikuu Chishemanituu ekw an kaa tipihteyimitisut awen eukw che chisteyihtaakuhaakanuut.”

James 1:9

Chiichishaanuu kaa chistimaatisiit chipaa miyeyihtam Chishemanituu e chisteyihtaakuhiikut.

James 4:10

Tipihteyimitisuustuwaahkw Utipeyihchikeu ekw maak che uhpinitaakw.

James 4:6

Mikw maak Chishemanituu etituu mistahii miyeu shaweyihchichewiniyuu aniyuu aweyuu wiya e ihtaat kaa ishi pimaatisiyich. Wesh itashteu Chishemanituu utayimuwinihch, Chishemanituu nishkuushtuweu aniyuuh kaa chisteyimisuyitwaauh mikw maak shaweyihchichewiniyuu miyeu aniyuu kaa tipihteyimisuyitwaauh.

1 Peter 5:5

Ekw maak chiyawaau kaa uschipimaatisiyekw chipaa nanihiihtuwaawauch anichii kaa wiichihiiwetwaau e pimipayihtaakanuyich ayimiheukamikuyuu. Misiwe maak e tashiyekw chipaa atushkaatunaawaau e tipihteyimitisuyekw wesh itashteyuu Chishemanituu utayimuwin, Chishemanituu namui nahaapameu aniyuu chihchiwe kaa iteyimisuyich, ekw aniyuu kaa tipihteyimisuyich chishewaatutaweu.

1 Peter 5:6

Tipihteyihtaakuhiisukw maak e nanihiihtuwekw Chishemanituu an kaa suuhkaatisiit, wesh chika uhpinikuwaau taanit iteyihtahke wiya che uhpinitaakw.