Luke 13:8 - Chishemanituu Utayimuwin: Kaa Uskaach Testament

⁸ Ekw maak an kaa naanaakachihtaat aniyuu nihtaauchihchikanh chii iteu, ‘Ekaawii pitamaa pischeyim, miin peyakw pipun kata ishikaapuu. Nika muunahwaau anite waaskaa, ekw che ashtaayaan anite chekwaan chechii uhchi miyu nihtaauchit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᒄ ᒫᒃ ᐊᓐ ᑳ ᓈᓈᑲᒋᐦᑖᑦ ᐊᓂᔫ ᓂᐦᑖᐅᒋᐦᒋᑲᓐᐦ ᒌ ᐃᑌᐤ, ᐁᑳᐐ ᐱᑕᒫ ᐱᔅᒉᔨᒻ, ᒦᓐ ᐯᔭᒄ ᐱᐳᓐ ᑲᑕ ᐃᔑᑳᐴ᙮ ᓂᑲ ᒨᓇᐦᐙᐤ ᐊᓂᑌ ᐙᔅᑳ, ᐁᒄ ᒉ ᐊᔥᑖᔮᓐ ᐊᓂᑌ ᒉᒀᓐ ᒉᒌ ᐅᐦᒋ ᒥᔪ ᓂᐦᑖᐅᒋᑦ᙮

Luke 13:8 Iomraidhean Croise

Luke 13:7

Ekw kaa itaat aniyuu naapeu kaa naanaakachihtaayich aniyuuh unihtaauchihchikanh, ‘Kanawaapahta maa, meshikum pipun nichii takushin utah, nishtu pipun ishpish, chechii nituu chischeyimak uu misishuuminaahtikw e miinishukwe. Namui maak chekwaan nimisken chechii nihtaauchihch anit, naatwaakahuu ekush, sheshkwaaht kaa chimasut anit aschiihch.’

Luke 13:9

Chek maak miinishuute miin pipuniyiche chika miyeyihtenaanuu. Ekaa maak miinishuute, ekush chika naatwaakahwaakanuu.’ ”

Luke 14:35

Ekw maak namui mitun chika chii wiyeshiitaapatan waawaach kaye anite nihtaauchihchikan aschiihch. Ekush maak nitawaach kata wepinikanuu. Yaakwaau nituhta chechii nisituhtaman taan nihaau waa ishi wiihtamaataan.”

Romans 10:1

Niichishaanitikw, mwaauch e ishi pukuseyimuyaan nitehiich kaye mwaauch e ishi nitutamuuk chekwaayuu Chishemanituu eukw chechii pimaachihutwaau niich Israel iinuuch.

Romans 11:14

Wapamitwaawenich niich Jewa iinuuch e waawiihtamaatakuch miywaachimuwin chika chii ishinaakuniyuu chechii ihtuutaakutwaau pasch kaau chechii nituwaapamaatwaau Chishemanituuh ekw maak che pimaachihutwaau.

2 Peter 3:9

Taapaa pwaashtawiyuu Utipeyihchikeu chechii ihtuutahk taan aniyuuh kaa itwet che ihtuutahk. Pwaashtawiyuu iteyimeuch maak kutakach awenichii. Chisiipiiwesiistaakuwaau wesin, ekaa waachi peyakw aweyuu nitaweyimaat chechii wanaatisiyich, wesh misiwe aweyuuh nituweyimeu chechii nakatamiyich umachaatisiiwiniyuu.