Luke 13:3 - Chishemanituu Utayimuwin: Kaa Uskaach Testament

³ Namui, nituhtamukw maa che ititakuch, chiishpin ekaa kweskaatisiyekwe ekun mwehch kaye chiyawaau che ishi nishuuwanaachihiikuyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᓇᒧᐃ, ᓂᑐᐦᑕᒧᒄ ᒫ ᒉ ᐃᑎᑕᑯᒡ, ᒌᔥᐱᓐ ᐁᑳ ᑴᔅᑳᑎᓯᔦᑴ ᐁᑯᓐ ᒬᐦᒡ ᑲᔦ ᒋᔭᐙᐤ ᒉ ᐃᔑ ᓂᔔᓈᒋᐦᐄᑯᔦᒄ᙮

Luke 13:3 Iomraidhean Croise

Matthew 12:45

Uyuu maak wiyaapahtahk e ishinaakuniyich ekw chestuhtet, niyaanituweyimaat niishwaashch machiahchaahkwa uste e iteyihtaakusiyich e iteyihtaakusit wiya, chechii wiichimikut anite aniyuu naapeu piihch e ihtaayich. Ekw maak an naapeu etituu chika iteyihtaakuhiikuu aniyuu niishwaashch machiahchaahkwa taan kaa iteyihtaakusit niishtam, mikw e chii peyakushiyich. Ekun maak che ispayitwaau anichii anuhchiish awenichii kaa machaatisiitwaau.”

Matthew 22:7

Iskutak maak an chisheuchimaau chescheyihtahk uyuu e chii ihtinaanuyich chii mistachishuwaasuu. Ekw kaa itishahwaat ushimaakanishim chechii nituu nipahaayich aniyuu kaa nipahaayich utaapachihaakan ekw kaye kaa ati ishkwaasamuwaat aniyuu utihtaawiniyuu.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Luke 13:2

Ekw Jesus kaa itaat, “Chititeyihtenaawaau aa aniyuu e chii nipahaakanuutwaau e nuukuniyich uste wiyawaau e chii machituutamuwaakupanenich ishpishaat kutakach iinuuch utah Galileehch.

Luke 13:4

Chichischisinaawaau aa yaanaaneushaap iinuuch anite ihtaawinihch Siloam kaa ishinihkaateyich kaa nipitwaau e chii patakahukutwaau kaa ishpaanaayich waaskaahiikaniyuu. Chititeyihtenaawaau aa e chii nuukuniyich wiyawaau uste e chii machaatisiitwaau ishpishaat kutakach awenichii anit Jerusalemihch kaa ihtaatwaau.

Luke 13:5

Namui, nituhtamukw maa, chiishpin ekaa kweskaatisiyekwe kaye chiyawaau chika nishuunaatisiinaawaau.”

Luke 24:47

Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.