Luke 13:28 - Chishemanituu Utayimuwin: Kaa Uskaach Testament

²⁸ “Naashch taapwe suuhk chika maatuunaawaau kaye chika mamateyaapitesinaawaau iskutak waapamekwenich Abraham, Isaac, Jacob, kaye misiwe aniyehkaa uchischiwehiichesuuch e ihtaatwaau wiyawaau anite uchisheuchimaawiniihch, chiyawaau maak wiiwiiwepinikuyekwe.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᓈᔥᒡ ᑖᐺ ᓲᐦᒃ ᒋᑲ ᒫᑑᓈᐙᐤ ᑲᔦ ᒋᑲ ᒪᒪᑌᔮᐱᑌᓯᓈᐙᐤ ᐃᔅᑯᑕᒃ ᐙᐸᒣᑴᓂᒡ ᐁᑉᕋᐦᐊᒻ, ᐊᐃᓴᒃ, ᒉᑲᑉ, ᑲᔦ ᒥᓯᐌ ᐊᓂᔦᐦᑳ ᐅᒋᔅᒋᐌᐦᐄᒉᓲᒡ ᐁ ᐃᐦᑖᑣᐤ ᐎᔭᐙᐤ ᐊᓂᑌ ᐅᒋᔐᐅᒋᒫᐎᓃᐦᒡ, ᒋᔭᐙᐤ ᒫᒃ ᐐᐐᐌᐱᓂᑯᔦᑴ᙮

Luke 13:28 Iomraidhean Croise

Matthew 13:42

Ekw maak che ishiwepinaatwaau anite machishkutehch anite pisikw che maatutwaau kaye che mamateyaapitesinitwaau.

Matthew 13:50

Ekw anite machishkutehch che ishiwepinaakanuutwaau anichii kaa machaatisiitwaau, anite che maatutwaau kaye che mateyaapitesinitwaau che ishpish wiisacheyihtahkwaau.”

Matthew 22:13

Ekw an chisheuchimaau kaa itaat aniyuu ukuhpaanem, ‘Maahkupitamuwaahk usit kaye utihchii, che ishuwepinekw nete e ukaashteyaayich taanite che nanehkaateyimut anite che maatuutwaau awenichii kaye che mamatweyaapitesinitwaau.’ ”

Matthew 24:51

ekw che waweshihaakanuut mitun chechii waawiisacheyihtahk. Ekw maak che ishi pachishtinaakanuut anite kaa ayimihehkaasuyich e ihtaayich chechii nanehkaateyimut. ekute anite che maatutwaau kaye che mamateyaapiteshihkwaau che ishpish nanehkaateyimutwaau.”

Matthew 25:30

Uu maak aapachihaakan ekaa kaa wiyeshitaapatisit anite wanitipiskusiiwinihch ishiwepinaahkw. ekute anite che maatuunaanuuhch kaye che mamatweyaapitesinaanuuhch che ishpish wiisacheyihtaakanuuhch.’ ”

Luke 10:15

Ekw maak chiyawaau anit Capernaumihch kaa ihtaayekw naashch taapwe chiwii aspeyimunaawaau anite kihchikiishikuhch chechii ishi utinikuyekw. Namui maak, machishkutehch ekute che ishi wepinikuyekw.”

Luke 14:15

Chii ihtaayuuh naapeuh e wiitapimikut Utipeyihchikeu anit miichisunaahtikuhch. Peyakw maak aniyuu naapeuh, iskutak piyehtamiyich aniyuu kaa itwet, chii itikuu, “Nuwach shaweyihtaakusuuch anichii che miichisutwaau anite Chishemanituu uchisheuchimaawiniihch makushaanuuyiche.”

Luke 16:23

Machishkutehch maak e ihtaat naashch e wiisacheyihtamahchihut, chii tastasaapuu, kaa waapamaat Abraham e ayaaunaakusiyich Lazarus e wiichikaapuushtawaayich.

2 Thessalonians 1:5

Ekut maak utah che uhchi chischeyihtamekw taan e ishpish kuiskw ihtit Chishemanituu e wiyaaskunichet. An maak taan e ispayekw chika tepicheyihtaakusinaawaau chechii wiichihiiweyekw anite Chishemanituu uchisheuchimaawinihch.

2 Peter 1:11

Ekut kaye chechii uhchi mikw ishi piihtakahiikuyekw Chitipeyihchikemanuu kaye Chipimaachihiiweminuu Jesus Christ uchimaawinihch, aniyuu kaachiche che ihtakuniyich.

Revelation 21:8

Ekw anichii awenichii ekaa kaa suuhchistehetwaau chechii wiihtahkwaau e taapweyimaatwaau Jesus, anichii kaa chiiwekaapuushtahkwaau taan kaa ishi taapweyimaatwaau Jesus, anichii naashch kaa machaatisiitwaau, anichii kaa nipahaatwaau aweyuu, anichii nanaahkuu kaa ishi wiinisuu pimaatisiitwaau, anichii kaa miteuwaatisiitwaau, anichii kaa nuuchiishtuwaatwaau manituuhkaan ekw maak anichii kaa wiich nanatayitwaau machi ishkuteu saakahiikanihch chika ishuwepinaakanuuch. Eukw uu niishu nipuwin.”

Revelation 22:15

Anichii maak kaa wiinisuu pimaatisiitwaau, anichii kaa mateutwaau, anichii wiinisuwinihch kaa ishi pimiihkawaatwaau aweyuuh, anichii kaa nipahiiwetwaau ekw maak anichii kaa nuuchiishtuwaatwaau manituuhkaanh, kaye anichii kaa wiihch nanataitwaau namui kata chii piihcheuch aniyuuh ihtaawiniyuu.