Luke 13:14 - Chishemanituu Utayimuwin: Kaa Uskaach Testament

¹⁴ Ekw maak an kaa niikaanishkahk aniyuu ayimiheukamikuyuu naashch taapwe chii chishuwaasuu Jesus e chii miinuwaachihaayich aweyuu mekwaach e Jewa ayimiheuchiishikaayich. Ekw kaa itaat aniyuu kutak iinuu anit kaa ihtaayich, “Kutwaashch chiishikaau ihtakun chechii aapatisinaanuuhch, ekut chipaa pechi takushinaawaau mekwaach aniyuu e chiishikaakwaauh chechii miinuwaachihiikuyekw namui wii mekwaach e Jewa ayimiheuchiishikaach.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᒄ ᒫᒃ ᐊᓐ ᑳ ᓃᑳᓂᔥᑲᐦᒃ ᐊᓂᔫ ᐊᔨᒥᐦᐁᐅᑲᒥᑯᔫ ᓈᔥᒡ ᑖᐺ ᒌ ᒋᔓᐙᓲ ᒌᓴᔅ ᐁ ᒌ ᒦᓄᐙᒋᐦᐋᔨᒡ ᐊᐌᔫ ᒣᒀᒡ ᐁ ᒎᐗ ᐊᔨᒥᐦᐁᐅᒌᔑᑳᔨᒡ᙮ ᐁᒄ ᑳ ᐃᑖᑦ ᐊᓂᔫ ᑯᑕᒃ ᐄᓅ ᐊᓂᑦ ᑳ ᐃᐦᑖᔨᒡ, ᑯᑣᔥᒡ ᒌᔑᑳᐤ ᐃᐦᑕᑯᓐ ᒉᒌ ᐋᐸᑎᓯᓈᓅᐦᒡ, ᐁᑯᑦ ᒋᐹ ᐯᒋ ᑕᑯᔑᓈᐙᐤ ᒣᒀᒡ ᐊᓂᔫ ᐁ ᒌᔑᑳᒀᐤᐦ ᒉᒌ ᒦᓄᐙᒋᐦᐄᑯᔦᒄ ᓇᒧᐃ ᐐ ᒣᒀᒡ ᐁ ᒎᐗ ᐊᔨᒥᐦᐁᐅᒌᔑᑳᒡ᙮

Luke 13:14 Iomraidhean Croise

Matthew 12:2

Iskutak maak anichii Phariseech wiyaapamaatwaau aniyuu e ihtiyich chii iteuch aniyuu Jesus, “Chekwaan wehchi ihtuutamekw an chekwaan atuch chipaa uhchi ihtuutaakanuu e ayimiheuchiishikaach.”

Mark 5:22

Peyakw naapeu Jairus e ishinihkaasut chii pechi utisipayihuu Jesus usitiihch. Eukuu peyakw naapeu kaa niikaanishkahk ayimiheukamikuyuu.

Luke 6:11

Ekw maak kaa mistachishuwaasitwaau anichii kaa wii mamishimaatwaau Jesus, ekw kaa ayimitutahkwaau taan chechii ihtuutawaatwaau.

Luke 6:7

Anichii maak wiishuwewiniyuu kaa chiskutamaachetwaau kaye maak Phariseech yaakwaau chii naanaakachiheuch Jesus chechii aahch miinuwaachihiiweyikwen mekwaach e Jewa ayimiheuchiishikaayich. Chii wii naanituumiskamuch taanite chechii uhchi mamishimaatwaau Jesus.

Luke 8:41

Ekw kaa takushihk naapeu Jairus e ishinihkaasut, e uchimaahkahtahk Jewa ayimiheukamikuyuu, kaa pechi uchihchiihkunipayihut peshuch Jesus usitiihch naashch e nituweyimaat chechii takushiniyich anite wiichihch,

ᐊᐸᔅᑕᓚᒡ 13:15

Chii ihtaau anite awen ayimiheukamikuhch e ayimihtuwaat aniyuu iinuu ayimihewin wiishuwewinh, kaye aniyehkaanaan uchischiwehiichesuuh kaa ishi masinahamiikupanenh. Ekw maak anichii kaa niikaanishkahkwaau aniyuu ayimiheukamikuyuu kaa kakwechimaatwaau Paul ekw maak aniyuu wiichishaanimaauh chechii ayimihaayich aniyuu iinuu chechii suuhchikaapuyich.

ᐊᐸᔅᑕᓚᒡ 18:17

Ekw anichii iinuuch miiskuch aniyuu Sosthenes kaa maakunaatwaau, aniyuu kaa niikaanishkamiyich Jewa ayimiheukamikuyuu, ekw kaa kusiihkuwaatwaau anit wiiwiitamihch wiyaaskunicheukamikuhch. Namui mikw uhchi aapateyimeu an uchimaau Gallio aniyuu kaa ihtiyich.

ᐊᐸᔅᑕᓚᒡ 18:8

Crispus maak, an kaa niikaanishkahk aniyuu ayimiheukamikuyuu chii taapweyimeu Utipeyihchikeu, kaye misiwe aniyuuh anit e peyakuteusiit. Kaye maak mihchetu anit Corinth kaa ihtaatwaau iinuuch chii pehtamuch aniyuu miywaachimuwiniyuu. Chii taapwehtamuch kaye maak chii siikahaahtuwaakanuuch.

Romans 10:2

Wesh taapwe nika chii itaachimaauch taapwe e wii naheyihtamihaatwaau Chishemanituuh mikw maak namui nisituhtamuch taanite chechii uhchi naheyihtamihaatwaau.