Luke 13:12 - Chishemanituu Utayimuwin: Kaa Uskaach Testament

¹² Iskutak Jesus wiyaapamaat aniyuu iskweu chii wiishaameu ekw kaa itaat, “Iskweu, shaash mitun chimiinuwaachihiikuun taan kaa itaaspineyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐃᔅᑯᑕᒃ ᒌᓴᔅ ᐎᔮᐸᒫᑦ ᐊᓂᔫ ᐃᔅᑴᐤ ᒌ ᐐᔖᒣᐤ ᐁᒄ ᑳ ᐃᑖᑦ, ᐃᔅᑴᐤ, ᔖᔥ ᒥᑐᓐ ᒋᒦᓄᐙᒋᐦᐄᑰᓐ ᑖᓐ ᑳ ᐃᑖᔅᐱᓀᔨᓐ᙮

Luke 13:12 Iomraidhean Croise

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 8:16

Iskutak maak e ati utaakushiyich, ekw kaa peshuwaatwaau awenichii mihchetu aweyuuh kaa piihchishkaakuyich machiahchaahkwa anite Jesus e ihtaayich. Jesus maak chii itashumeu chechii wiiwiyich aniyuu machiahchaahkwa aniyuu kaa piihchishkaakuyich iinuuh, kaye maak misiwe chii miinuwaachiheu aniyuu kaa aahkusiitwaauh.

Luke 13:11

Iskweu maak chii ihtaau anit machiahchaahkwa e chii piihchishkaakut e chii ihtuutaakut yaanaaneushaap pipun chechii ishpish aahkusit e chii maaskaachipiskunet ekaa uhchii kuiskukaapuut.

Luke 13:13

Kaa saaminaat. Tiiwehch maak chii uhchi kuiskukaapuu an iskweu e maamihchimaat Chishemanituu.

Luke 13:16

Ekw maak uu Jewa iskweu yaanaaneushaap pipun chii ishpish maahkupitikuu machimanituu, namui aa ishinaakuniyuu chechii aapihkunaakanuut aat e Jewa ayimiheuchiishikaayich.”