Luke 12:8 - Chishemanituu Utayimuwin: Kaa Uskaach Testament

⁸ “Awen wiihtamuwaate kutak aweyuu e taapweyimit, Iinuu Ukusisa kaye kata itweyuuh e utiiniimitutaakut anite Chishemanituu utenchilamh e ihtaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐊᐌᓐ ᐐᐦᑕᒧᐙᑌ ᑯᑕᒃ ᐊᐌᔫ ᐁ ᑖᐺᔨᒥᑦ, ᐄᓅ ᐅᑯᓯᓴ ᑲᔦ ᑲᑕ ᐃᑗᔫᐦ ᐁ ᐅᑏᓃᒥᑐᑖᑯᑦ ᐊᓂᑌ ᒋᔐᒪᓂᑑ ᐅᑌᓐᒋᓚᒻᐦ ᐁ ᐃᐦᑖᔨᒡ᙮

Luke 12:8 Iomraidhean Croise

Matthew 8:20

Ekw Jesus kaa itaat, “Mahcheshuuch ihtakuniyuu uwaatakuwaauh, piyeshiishach kaye ihtakuniyuu uwachishtunawaauh, mikw maak Iinuu Ukusisa namui ayaayuuh taanit chechii waweyishiniyiyich chechii iiwepiyich.”

Luke 15:10

Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”

2 Timothy 2:12

Kanawaach che siipiiwesiistamuwaauhkwe nanehkaateyimuwin, chika wiich tipeyihchikemaanuu. Kaye maak itweyihkwe ekaa chischeyimahkw, kaye wiya chika iteu ekaa chischeyimitahkw.

1 John 2:23

Wesh awen kaa aatuweyimaat Ukusiisimaau aatuweyimeu kaye Uhtaawimaau. Ekw maak an awen kaa itwet e taapweyimaat Ukusisimaau taapweyimeu kaye Uhtaawiimaauh.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”

Revelation 2:13

Nichischeyihten anit waachiyekw, machimanituu e uchimaaut anit. Aat maak anit e wiichiyekw yaapach namui chipuuniinaawaau e taapweyimiyekw. Namui kuuhchi chiiwekaapuushtunaawaau aat anit mekwaach kaa nipahaakanuut aniyaa kaa nuushuushkuut Anitipas, an kuiskw kaa chii ishi tipaachimit. Anit waachiyekw ekut kaa nipahaakanuut, anite machimanituu waachit.