Luke 12:48 - Chishemanituu Utayimuwin: Kaa Uskaach Testament

⁴⁸ Ekw an aapachihaakan ekaa kaa chischeyihtahk taan nihaau kaa ishi nituweyimikut uchimaam chechii ishi ihtuutahk ekw maak e ishi ihtuutahk chekwaayuu aniyuu ekaa chipaa ishi ihtuutamukupane kata waweshihaakanuu kaye wiya, mikw maak apishiish mikw kata pishishtehwaakanuu. Wesh chii wanipayuu ekaa uhchi chischeyihtahk e chii wanipayit. An awen mistahii kaa miyaakanuut, mistahii chika nituweyihtamaakuu Chishemanituu ekw maak an etituu mistahii kaa miyaakanuut etituu mistahii chika nituweyihtamaakuu Chishemanituu chechii ihtuutahk.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁸ ᐁᒄ ᐊᓐ ᐋᐸᒋᐦᐋᑲᓐ ᐁᑳ ᑳ ᒋᔅᒉᔨᐦᑕᐦᒃ ᑖᓐ ᓂᐦᐋᐤ ᑳ ᐃᔑ ᓂᑐᐌᔨᒥᑯᑦ ᐅᒋᒫᒻ ᒉᒌ ᐃᔑ ᐃᐦᑑᑕᐦᒃ ᐁᒄ ᒫᒃ ᐁ ᐃᔑ ᐃᐦᑑᑕᐦᒃ ᒉᒀᔫ ᐊᓂᔫ ᐁᑳ ᒋᐹ ᐃᔑ ᐃᐦᑑᑕᒧᑯᐸᓀ ᑲᑕ ᐗᐌᔑᐦᐋᑲᓅ ᑲᔦ ᐎᔭ, ᒥᒄ ᒫᒃ ᐊᐱᔒᔥ ᒥᒄ ᑲᑕ ᐱᔑᔥᑌᐦᐙᑲᓅ᙮ ᐌᔥ ᒌ ᐗᓂᐸᔫ ᐁᑳ ᐅᐦᒋ ᒋᔅᒉᔨᐦᑕᐦᒃ ᐁ ᒌ ᐗᓂᐸᔨᑦ᙮ ᐊᓐ ᐊᐌᓐ ᒥᔅᑕᐦᐄ ᑳ ᒥᔮᑲᓅᑦ, ᒥᔅᑕᐦᐄ ᒋᑲ ᓂᑐᐌᔨᐦᑕᒫᑰ ᒋᔐᒪᓂᑑ ᐁᒄ ᒫᒃ ᐊᓐ ᐁᑎᑑ ᒥᔅᑕᐦᐄ ᑳ ᒥᔮᑲᓅᑦ ᐁᑎᑑ ᒥᔅᑕᐦᐄ ᒋᑲ ᓂᑐᐌᔨᐦᑕᒫᑰ ᒋᔐᒪᓂᑑ ᒉᒌ ᐃᐦᑑᑕᐦᒃ᙮

Luke 12:48 Iomraidhean Croise

Matthew 13:12

Wesh an awen kaa ayaat nisituhtamuwiniyuu etituu mistahii chika miyaakanuu chechii nisituhtahk ekw an awen ekaa kaa nisituhtahk chika utinikanuuyuu waawaach aniyuu apishiish kaa ishi nisituhtahk.

Matthew 23:14

Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw. Naashch chiwii kuiskunaakuhiisunaawaau an uhchi chineush e ayimihaayekw, mikw maak anit e utinamuwekw maan kaa paahpeyakutwaau iskweuch taan e ishi tipiyeusiitwaau ekut e nuukuhch chihchiwe taan e iteyihtaakusiyekw. Uu maak kaa ishi ihtuutamekw etituu chiyawaau chika waweshihiikunaawaau.”

Luke 12:41

Peter chii itweu, “Utipeyihchikeu niyaan aa mikw chitayimihiinaan uu tipaachimuwin kaa wiihtaman maak misiwe awen e ayimihaaute.”

Luke 12:49

Jesus chii itweu, “Eukw uu wehchi takushiniyaan muyaam e pechi ishkwaasamaan uu aschii chechii ishinaakusiyaan. Kamaa maak shaash chii wiihtekupane.

Luke 16:2

Ekw kaa wiishaamikut, kaa itikut, ‘Nipehten e itaachimikuyin nitamukw e itaapachihtaayin nishuuliyaam. Mushe che wiihtaman taan nihaau kaa itaapachihtaayin. Shaash misuwaach namui chika uhchi ayaan an chitaapatisuwin.’

John 15:22

Ekaa uhchi pechi ayimihaauchipanenich namui chipaa uhchi ataameyihtaakusuuch machihtwaawiniyuu. Anuhchiish maak taapwe e chii pechi ayimihiikwaau kiipaa e ataameyihtaakusitwaau e chii machituutahkwaau.

ᐊᐸᔅᑕᓚᒡ 17:30

Weskach iinuuch ekaa uhchi chischeyihtahkwaau taan nihaau e iteyihtaakusiyich Chishemanituu chii ushiheuch manituuhkaan, namui maak pitamaa uhchi waweshihiikuuch Chishemanituu. Anuhchiish maak Chishemanituu itashumeu iinuuh misiwe utah aschiihch chechii kweskaatisiyich.

1 Timothy 1:11

Uu miyu chiskutamaachewin anite miywaachimuwinihch uhchipayuu. Eukuu miywaachimuwin kaa miikuyaan chechii waawiihtamaan. Anite maak an kaa chisteyihtaakusit kaye kaa shaweyihtaakusit Chishemanituu e ihtaat ekute wehchipayihch.

1 Timothy 1:13

aat naashch e chii aahkwaateyihtaakusuuch nanaahkuu e chii ishi mamaayeyimak kaye e chii papaashtaamak kaye e chii nanehkaachihiik. Mikw maak yaapach nichii chistimaacheyimikw wesh an kaa ishpish chii aanuwehtamaan namui nuuhchi chischeyihten taan nihaau kaa ihtiyaan.

1 Timothy 6:20

Chiya Timothy naanaakachihtaa taan kaa ishi miisk Chishemanituu chechii itaapatisuut. Ekaawii wiichihiyich anichii kaa ayimitutahkwaau chekwaayuuh ekaa wiichihiiwemakaniyikwaau anite ishi e Chishemanituuwaatisiinaanuyich. Ekaawii aapatihtuuch anichii kaa itihtaakusitwaau muyaam naashch mistahii e chischeyihtahkwaau chekwaayuu ekaa maak nihaau muyaam ishi kachescheyihtahkwaau.

Titus 1:3

Ekw maak wetihchipayiyich anit wiya Chishemanituu kaa iteyihtamihiikut chechii chischeyihtaakunuyich miywaachimuwiniyuu. Ekw maak misiwe awen wiyaawiihtamuuhk uyuu miywaachimuwiniyuu. Niya nichii miikw Chishemanituu chipimaachihiiweminuu chechii aapatisiihkahtamaan uu.

James 3:1

Niichishaanitikw, ekaawii chika uhchi mihchetinaawaau e chiskutamaacheyekw. Chichischeyihtenaawaau chiyaanuu kaa chiskutamaacheyihkw uste che aahkwaateyihtaakuhch taan che ishi wiyaaskunikuyihkw.