Luke 12:47 - Chishemanituu Utayimuwin: Kaa Uskaach Testament

⁴⁷ Jesus miin kaa ati wiihtamuwaat, “Aapachihaakan kaa chischeyihtahk taan e ishi nituweyihtamiyich uchimaam chechii ihtuutahk ekaa maak ayeskuwiihiitisute chechii ihtuutahk aniyuu kaa itashumaakanuut kata mista papasistehwaakanuu e waweshihaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᒌᓴᔅ ᒦᓐ ᑳ ᐊᑎ ᐐᐦᑕᒧᐙᑦ, ᐋᐸᒋᐦᐋᑲᓐ ᑳ ᒋᔅᒉᔨᐦᑕᐦᒃ ᑖᓐ ᐁ ᐃᔑ ᓂᑐᐌᔨᐦᑕᒥᔨᒡ ᐅᒋᒫᒻ ᒉᒌ ᐃᐦᑑᑕᐦᒃ ᐁᑳ ᒫᒃ ᐊᔦᔅᑯᐐᐦᐄᑎᓱᑌ ᒉᒌ ᐃᐦᑑᑕᐦᒃ ᐊᓂᔫ ᑳ ᐃᑕᔓᒫᑲᓅᑦ ᑲᑕ ᒥᔅᑕ ᐸᐸᓯᔅᑌᐦᐙᑲᓅ ᐁ ᐗᐌᔑᐦᐋᑲᓅᑦ᙮

Luke 12:47 Iomraidhean Croise

Luke 12:41

Peter chii itweu, “Utipeyihchikeu niyaan aa mikw chitayimihiinaan uu tipaachimuwin kaa wiihtaman maak misiwe awen e ayimihaaute.”

Luke 12:46

iskutak uchimaam takushiniyichen ekaa peshuweyimaat kaye ekaa chischeyihtahk, ekw che waweshihaakanuut mitun chechii wawiisacheyihtahk. Ekw maak anite che itishahwaakanuut ekaa kaa taapwehtamiyich e ihtaayich chechii ishi nanehkaateyimut.”

John 12:48

An awen yaatuweyimikwe, kaye ekaa nenahiihtamukwe nimiywaachimuwiniyuu, chika wiyaaskunaakanuu. Aniyuu uhchi taan kaa itweyaan eukw aniyuu che uhchi wiyaaskunaakanuut maahchishtai chiishikaayiche.

John 19:11

Ekw Jesus kaa nishkweushihaat e itaat, “Mikw chesuwaat Chishemanituu e chii miisk aniyuu chechii ihtuut eukun wehchi ihtakuhch an chechii ihtiyin. An maak awen chiya e ihtaayin kaa ishi pachischisuwaasit eukw etituu mechi ihtuutahk.”

John 9:41

Jesus kaa nishkweushihaat e itaat, “Ekaa waapahtamekw namui chipaa uhchii itikunaawaau e machituutamekw, mikw maak e itweyekw niwaapahtenaan, ekut wehchi chischeyihtaakusiyekw e machituutamekw.”

ᐊᐸᔅᑕᓚᒡ 17:30

Weskach iinuuch ekaa uhchi chischeyihtahkwaau taan nihaau e iteyihtaakusiyich Chishemanituu chii ushiheuch manituuhkaan, namui maak pitamaa uhchi waweshihiikuuch Chishemanituu. Anuhchiish maak Chishemanituu itashumeu iinuuh misiwe utah aschiihch chechii kweskaatisiyich.

James 4:17

An awen kaa chischeyihtahk taan chipaa ishi miyutuutam ekaa maak ihtuutahk machituutam an awen.