Luke 12:4 - Chishemanituu Utayimuwin: Kaa Uskaach Testament

⁴ “Chiwiihtamaatinaawaau niwiichewaakanitikw, ekaawii kushtaahkw awen kaa nipahaat aweyuu wesh taapaa wiyesh chika chii ihtuutaweu ahchaahkw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒋᐐᐦᑕᒫᑎᓈᐙᐤ ᓂᐐᒉᐙᑲᓂᑎᒄ, ᐁᑳᐐ ᑯᔥᑖᐦᒄ ᐊᐌᓐ ᑳ ᓂᐸᐦᐋᑦ ᐊᐌᔫ ᐌᔥ ᑖᐹ ᐎᔦᔥ ᒋᑲ ᒌ ᐃᐦᑑᑕᐌᐤ ᐊᐦᒑᐦᒄ᙮

Luke 12:4 Iomraidhean Croise

Matthew 10:28

Ekaawii kushtaahkuch awenichii kaa nipahaatwaau aweyuuh. Chika chii nipaheuch aweyuu kaye chika chii wanaachihtaauch miiyuuyuu mikw maak namui chika chii wanaachiheuch ahchaahkwa. Chishemanituu maak eukw kushpaniishtuwaahkw an chechii wanaachihtaat miiyuuyuu kaye ahchaahkwa chechii wanaachihaat machishkutehch.

John 15:13

Namui ihtaau awen uyuu chechii ishpish saachihiiwet, mitun chechii pachishtinahk upimaatisiiwin uwiichewaakanh chechii pimaatisiyich.

ᐊᐸᔅᑕᓚᒡ 20:24

Namui maak mitun wiyesh nititeyihtamihiikun nipimaatisiiwin tepiyaahch iskutak chiishipayihche nipimaatisiiwin utah aschiihch chii chiishitaayaane taan kaa itashumit Utipeyihchikeu Jesus che itaapatisuuch, eukw uyuu chechii waawiihtamuch miywaachimuwiniyuu. Utah maak miywaachimuwinihch ekut e aayimuuteyich Chishemanituu ushaweyihchichewin.”

ᐊᐸᔅᑕᓚᒡ 4:13

Anichii maak kaa nishtuwiitwaau chii miskaateyihtamuweuch taan kaa ishi ayimiyich kaye aniyuu e ishpish suuhchiteheyich Peter ekw maak John e chischeyimaatwaau ekaa uhchi chiskutamuwaakanuyich. Ekut maak kaa uhchi chischeyihtahkwaau Jesus e chii wiichewaakaniyich.

Philippians 1:28

Ekaawii chika uhchi kushtaawaauch anichii wiyesh kaa wii ihtuutaataakuch miywaachimuwiniyuu e waawiihtamuwekw. Wesh ekut che uhchi chischeyihtahkwaau wiyawaau che wanaatisiitwaau kaye ekut che uhchi waapahtahkwaau chiyawaau che pimaachihiikuwekw. Chishemanituu maak wii misiwe kata ihtuutam uyuu chechii ispayiyich.

James 2:23

Chii tipipayuu maak an kaa itashtech Chishemanituu utayimuwinihch, Abraham chii taapweyimeu Chishemanituu eukw maak wehchii iteyimikut e kuiskutaatisiit. Abraham maak Chishemanituu uwiichewaakan chii ishinihkaataakanuu.

1 Peter 3:14

Aat ishinaakuhch chechii nanehkaachihiikuyekw e kuiskutaatisiyekw uhchi, chika shaweyimikuwaau Chishemanituu. Ekaawii kakushtaahkuch wiyesh e wii ihtuutaataakuch awenichii, ekaawii chika uhchi mukushkaateyihtenaawaau,

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”