Luke 12:36 - Chishemanituu Utayimuwin: Kaa Uskaach Testament

³⁶ Muyaam aapachihaakanich chipaa ishinaakusinaawaau e ashuwaapamaatwaau uchimaamuwaauh chechii pechi chiiweyich e chii naachimakusheyich e niipuunaanuyich. Takushiniyichen tiiwehch chika aapahamuweuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᒧᔮᒻ ᐋᐸᒋᐦᐋᑲᓂᒡ ᒋᐹ ᐃᔑᓈᑯᓯᓈᐙᐤ ᐁ ᐊᔓᐙᐸᒫᑣᐤ ᐅᒋᒫᒧᐙᐤᐦ ᒉᒌ ᐯᒋ ᒌᐌᔨᒡ ᐁ ᒌ ᓈᒋᒪᑯᔐᔨᒡ ᐁ ᓃᐴᓈᓄᔨᒡ᙮ ᑕᑯᔑᓂᔨᒉᓐ ᑏᐌᐦᒡ ᒋᑲ ᐋᐸᐦᐊᒧᐌᐅᒡ᙮

Luke 12:36 Iomraidhean Croise

Luke 12:35

“Ayeskuwiikw e ashuwaapamekw Utipeyihchikeu, mitun tekash chipaa itaaspisunaawaau kaye chiwaashtenamaakanawaau chipaa saskahenaawaau.

Luke 12:37

Kata shaweyihtaakusuuch maak anichii aapachihaakanich miskaakutwaawenich aniyuu uchimaamuwaauh e chii ayeskuwiishtawaatwaau. Chiwiihtamaatinaawaau maak, an uchimaau kata ayeskuwiyuu wiya kweschiipan chechii ihtuutamuwaat taan kaa ishi ihtuutamaakut ekw maak che wiishaamaat chechii miichisuyich, mechim wiya chika wiishtuweu.

Revelation 19:7

Muuchicheyihtahtaau maak kaye sichiyesitaau. Maamihchimaataau aniyuu e ishpish chisteyihtaakusit. Wesh shaash utihchipayuu che niipuut an Maanishchaanish. Shaash chiishi ayeskuwiihkaatisuu an uschiskwewaan.

Revelation 3:20

Nituhtamukw. Niniipuun ishkwaahtemihch e paahpawahiicheyaan. An awen che pehtuukwe piihtakahiite maak nika piihchewaan anite e ihtaat ekw maak che wiich miichisuumituyaahch.