Luke 12:35 - Chishemanituu Utayimuwin: Kaa Uskaach Testament

³⁵ “Ayeskuwiikw e ashuwaapamekw Utipeyihchikeu, mitun tekash chipaa itaaspisunaawaau kaye chiwaashtenamaakanawaau chipaa saskahenaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁵ ᐊᔦᔅᑯᐐᒄ ᐁ ᐊᔓᐙᐸᒣᒄ ᐅᑎᐯᔨᐦᒋᑫᐤ, ᒥᑐᓐ ᑌᑲᔥ ᒋᐹ ᐃᑖᔅᐱᓱᓈᐙᐤ ᑲᔦ ᒋᐙᔥᑌᓇᒫᑲᓇᐙᐤ ᒋᐹ ᓴᔅᑲᐦᐁᓈᐙᐤ᙮

Luke 12:35 Iomraidhean Croise

Matthew 25:1

“Chika wiihtamaatinaawaau taan che ishinaakuhch kihchikiishikw chisheuchimaawin iskutak Iinuu Ukusisa takushihke che chisheuchimaaut. Mwehch mitaahtu ishkweshach e tahkunihkwaau uwaastenimaakanawaauh, e nituu nachishkawaatwaau uschinaapewaan.

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

Luke 12:36

Muyaam aapachihaakanich chipaa ishinaakusinaawaau e ashuwaapamaatwaau uchimaamuwaauh chechii pechi chiiweyich e chii naachimakusheyich e niipuunaanuyich. Takushiniyichen tiiwehch chika aapahamuweuch.

Ephesians 6:14

Yaaichikaapuutaau maak, e upahkuhtehuniskamuhk taapwewin kaye kuiskutaatisiiwin muyaam miskaaschikanaapiskw e chichishkamuhkw chechii ishinaakusiihkw.

Philippians 2:15

Wesh eukw uu chipaa ishi pimaatisiinaanuu e utawaashiimitutaatahkw Chishemanituu utah aschiihch mekwesiinuu kaa machaatisiitwaau e ihtaatwaau e ihtaayihkw. Ekw maak namui kata uhchi ihtakuniyuu taan chechii ishi ataameyimitahkw awen kaye mitun chika payehchinaakunh chipimaatisiiwinuuh. Mwehch achahkushach e chihkaashtuwetwaau e tipiskaayich ekun chipaa ishi waashtuwenaanuu uta aschiihch.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.