Luke 12:32 - Chishemanituu Utayimuwin: Kaa Uskaach Testament

³² “Ekaawii sechisikw, e chikawaashishiyekw, wesh Kuuhtaawaau kihchikiishikuhch kaa ihtaat naashch taapwe naheyihtamihiikuu chechii miitaakw uchisheuchimaawin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐁᑳᐐ ᓭᒋᓯᒄ, ᐁ ᒋᑲᐙᔑᔑᔦᒄ, ᐌᔥ ᑰᐦᑖᐙᐤ ᑭᐦᒋᑮᔑᑯᐦᒡ ᑳ ᐃᐦᑖᑦ ᓈᔥᒡ ᑖᐺ ᓇᐦᐁᔨᐦᑕᒥᐦᐄᑰ ᒉᒌ ᒦᑖᒄ ᐅᒋᔐᐅᒋᒫᐎᓐ᙮

Luke 12:32 Iomraidhean Croise

Matthew 14:27

Mikw maak tiiwehch Jesus chii ayimiheu e itaat, “Chiyaameyihtamukw, eukw wesin niya, ekaawii kushtaachikw.”

Matthew 20:16

Ekw Jesus kaa ati itwet, “Eukw maak che uhchi utaahch ishi pachishtinaakanuutwaau anichii niikaanihch kaa itahiisutwaau ekw anichii maahchishtai kaa ishi pachishtinisutwaau niikaanaanihch chikaa ishi pachishtinaakanuuch.”

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 7:15

“Ayaakwaamiishtawaahkuch machi uchischiwehiichesuuch. Mwehch maanishchaanishach ishinaakusuuch utah uschich mikw maak piihch anite upimaatisiiwiniwaahch mwehch mahiihkanich iteyihtaakusuuch.”

Luke 10:21

Ekut maak Jesus naashch taapwe kaa muuchicheyihtamiskaakut Kaa payehchisiyich Ahchaahkwa. Chii itweu maak, “Nuuhtaa, chiya kaa tipeyihtaman kihchikiishikw kaye aschii chinanaaskumitin, wesh chinakaahamuwaauch anichii kaa kachehtaaweyihtahkwaau ekaa chechii nisituhtamuwaakupanenich uyuuh chekwaayuu. Ekw anichii ekaa naashch kaa kachehtaaweyihtahkwaau chichii ihtuutawaauch wiyawaau chechii nisituhtahkwaau. Ehe, Nuuhtaa eukun uu kaa ishi naheyihtamihiikuyin chechii ihtuutaman.”

John 18:36

Ekw Jesus kaa itwet, “Namui utah aschiihch uhchipayuu nuuchimaawin. Utah chii uchiimakanikupane nuuchimaawin anichii nitaapachihaakanich suuhk chipaa maasihtaauch ekaa chechii pachishtinikuyaan anite Jewa iinuuch e ihtaatwaau. Namui utah aschiihch uhchipayuu nuuchimaawin.”

ᐊᐸᔅᑕᓚᒡ 20:28

Suuhk maak naanaakatuweyimisukw kaye suuhk wii miyu kanuweyimaahkuch aniyuuh Kaa payehchisiit Ahchaahkw kaa miitaakw chechii naanaakachihiimekw. Yaakwaau ishi kanuweyimaahkuch umaamuuayimihaauch, wesh Chishemanituu wiya chii tipahahweu uyuuh iskutak Ukusisa kaa pachishtinaat chechii nipahaakanuyich.

ᐊᐸᔅᑕᓚᒡ 20:29

Nichischeyihten wesh iskutak chii chistuhteyaane, che utihtitaakuch awenichii ekaa kuiskw ishi chiskutamaachetwaau naashch ekaa nanihekaatisiitwaau muyaam mahiihkanich e iteyihtaakusitwaau, chika wii wanaachihtaauch chitaapwehtamuwinuwaayuu.

Romans 6:23

Wesh nipuwinihch ituhtahiikuu awen machihtwaawiniyuu. Ekw an awen kaa wiichewaat Jesus Christ Chitipeyihchikeminuuh Chishemanituuh sehchei miikuu kaachiche pimaatisiiwiniyuu.

1 Corinthians 1:21

Ekw maak e ishpish kachehtaaweyihtahk Chishemanituu chii ihtuutam ekaa kachehtaaweyihtamuwinihch chechii uhchi chischeyimikut aweyuuh. Teyakuch chii naheyihtamihiikuu chechii pimaachihaat aniyuu aweyuuh kaa taapwehtamiyich aniyuu chiishkwe ayimuwiniyuu kaa ishinihkaataakanuyich aniyuu wiyaawiihtamuhkw.

Philippians 2:13

Wesh Chishemanituu muush aapatisiihkahtam chipimaatisiiwinuuh. Chitihtuutaakunuu chechii naniheyihtamihiihkw kaye chiwiichihiikunuu chechii ihtuutamukw aniyuu e ishi naheyihtahk.

2 Thessalonians 1:11

Euk maak uu wehchi muush ayimiheshtamaataahch. Nitutamuwaanaan Chishemanituu chechii tepicheyihtaakusiyekw chechii ishi pimaatisiyekw aniyuu taan kaa ishi nituweyimitaakw chechii ishi pimaatisiiwekw. Nitutamuwaanaan chechii miitaakw suuhkaatisiiwiniyuu chechii ihtuutamekw misiwe e ishi pukuseyimikuyekw chechii ishi miyutuutamekw. Kaye chechii wiichihiitaakw chechii chiistaawekw aniyuuh chekwaayuuh kaa ihtuutamuwekw e taapwehtamekw.

2 Thessalonians 1:5

Ekut maak utah che uhchi chischeyihtamekw taan e ishpish kuiskw ihtit Chishemanituu e wiyaaskunichet. An maak taan e ispayekw chika tepicheyihtaakusinaawaau chechii wiichihiiweyekw anite Chishemanituu uchisheuchimaawinihch.

Hebrews 12:28

Eukw maak uyuu chipaa uhchi nanaaskumaanuu Chishemanituu e miitahkw chisheuchimaawiniyuu an ekaa nihtaa chechii ihtuutaakanuuhch chechii aahchipayihch. Ekw maak nuuchiishtuwaataau aniyuu wii e ishi nituweyimitahkw chechii ishi nuuchiishtuuhkw kaye chechii miyu atushkuuhk naashch e chisteyimahkw.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

2 Peter 1:11

Ekut kaye chechii uhchi mikw ishi piihtakahiikuyekw Chitipeyihchikemanuu kaye Chipimaachihiiweminuu Jesus Christ uchimaawinihch, aniyuu kaachiche che ihtakuniyich.

Revelation 1:6

Chii ihtuutam chechii masinaasuuhkw anite uchisheuchimaawinihch e atushkaamahkw Chishemanituuh Uhtaawii e ayimiheuchimaau aapatisuuhkw. Wiya chika chisteyihtaakuhaakanuu kaye chika tipeyichicheu kaachiche kaye kaachiche. Amen.

Revelation 22:5

Namui wiiskach chika uhchi tipiskaau anit. Namui kaye kata uhchi nituweyihtamuch waashtenamaakanh kaye namui chika uhchi nitaweyimeuch piisim chechii waashtenamaakutwaau. Wesh aniyuu e ishpish chiihkaayaashtuweyich Chishemanituu eukw uyuu che uwaastenimaakanitwaau. Kaachiche maak kata chisheuchimaauch.