Luke 12:31 - Chishemanituu Utayimuwin: Kaa Uskaach Testament

³¹ Uste iteyihtaakun niishtam chechii naanituu chischeyihtamuwekw Chishemanituu uchisheuchimaawin ekw maak che ihtuutamekw taan e ishi nituweyihtahk Chishemanituu ekw maak mikw che ishi miitaakw aniyuu chekwaayuuh kaa nuuhtepayekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᐅᔅᑌ ᐃᑌᔨᐦᑖᑯᓐ ᓃᔥᑕᒻ ᒉᒌ ᓈᓂᑑ ᒋᔅᒉᔨᐦᑕᒧᐌᒄ ᒋᔐᒪᓂᑑ ᐅᒋᔐᐅᒋᒫᐎᓐ ᐁᒄ ᒫᒃ ᒉ ᐃᐦᑑᑕᒣᒄ ᑖᓐ ᐁ ᐃᔑ ᓂᑐᐌᔨᐦᑕᐦᒃ ᒋᔐᒪᓂᑑ ᐁᒄ ᒫᒃ ᒥᒄ ᒉ ᐃᔑ ᒦᑖᒄ ᐊᓂᔫ ᒉᒀᔫᐦ ᑳ ᓅᐦᑌᐸᔦᒄ᙮

Luke 12:31 Iomraidhean Croise

Matthew 6:33

Uste iteyihtaakun suuhk chechii naanituweyihtamuwekw Chishemanituu uchisheuchimaawin kaye ukuiskutaatisiiwin, ekw maak che miitaakw misiwe taan e ishi nuuhtepayiwekw.

Luke 10:42

Peyakw wesin chekwaan naashch nituweyihtaakun, Mary maak shaash chii wiyaapahtamaasuu aniyuu chekwaayuu uste e miywaashiyich e nituweyihtaakuniyich. Namui maak aweyuu chika chii miskamikuu aniyuu.”

Luke 12:30

Misiwe awen e itiskaanesit utah aschiihch ekaa kaa taapweyimaat Chishemanituu muush maamituneyihtamihiikuu uyuu chekwaayuu. Kuuhtaawaau maak chischeyihtam misiwe taan e ishi nituweyihtamekw.

John 6:27

Ekaawii aapatisikw mikw e wii uhchistamaasuyekw miichim an che wiinipayihch, teyakuch wii uhchistamaasuk an miichim kaachiche che ihtakuhch. Iinuu Ukusisa chika miikuwaau miichimiyuu ekaa nihtaa che uhchi wiinipayihch. Wesh Chishemanituu Uhtaawiimaau chii nuukuhtaau taapwe e naheyimaat.”

Romans 8:31

Misiwe maak uu e chischeyihtamahkw maau chechii itweyihkw, taapwe Chishemanituu waachihiikuwaauhkwe namui awen chika chii shaakuuchihiikunuu.

1 Timothy 4:8

Ihtakuniyuu kiipaa taan e ishi wiichihiikut awen e sasaaupayihut. Ekw maak an awen suuhk muush kaa wii nanihiiwehaat Chishemanituu eukw uyuu etituu che wiichihiikut anuhchiish utah e pimaatisiit kaye maak anite ishi niishtaamihch.

Hebrews 13:5

Ekaa wii chika uhchi ishinaakusinaawaau chechii saachihtaayekw shuuliyaau. Chipaa miyeyihtenaawaau taan e ishi ayaayekw. Wesh Chishemanituu chii itweu, Namui wiiskaat chika uhchi nakatitinaawaau, namui wiiskaat chika uhchi ishinaakusinaawaau ekaa chechii piskaatitakuch.