Luke 12:24 - Chishemanituu Utayimuwin: Kaa Uskaach Testament

²⁴ Maamituneyimach maa kaahkaachuuch, namui nihtauchihtaauch chekwaayuu kaye namui maauchihtaauch miichimiyuu, namui ushihtaauch ashtaasunikamikw maak teshipitaakan anit che ashtaatwaau umiichimuwaau yaapach maak Chishemanituu ashamikuuch. Chiyawaau maak etituu mistahii chititeyihtaakusinaawaau ishpishaat anichii piyeshiishach.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒫᒥᑐᓀᔨᒪᒡ ᒫ ᑳᐦᑳᒎᒡ, ᓇᒧᐃ ᓂᐦᑕᐅᒋᐦᑖᐅᒡ ᒉᒀᔫ ᑲᔦ ᓇᒧᐃ ᒫᐅᒋᐦᑖᐅᒡ ᒦᒋᒥᔫ, ᓇᒧᐃ ᐅᔑᐦᑖᐅᒡ ᐊᔥᑖᓱᓂᑲᒥᒄ ᒫᒃ ᑌᔑᐱᑖᑲᓐ ᐊᓂᑦ ᒉ ᐊᔥᑖᑣᐤ ᐅᒦᒋᒧᐙᐤ ᔮᐸᒡ ᒫᒃ ᒋᔐᒪᓂᑑ ᐊᔕᒥᑰᒡ᙮ ᒋᔭᐙᐤ ᒫᒃ ᐁᑎᑑ ᒥᔅᑕᐦᐄ ᒋᑎᑌᔨᐦᑖᑯᓯᓈᐙᐤ ᐃᔥᐱᔖᑦ ᐊᓂᒌ ᐱᔦᔒᔕᒡ᙮

Luke 12:24 Iomraidhean Croise

Matthew 10:31

Ekaawii maak kushtaachikw wesh chiyawaau uste chititeyimikuwaau Chishemanituu ishpishaat mihchetu piyeshiishah e iteyimaat.”

Matthew 3:12

Uu che takushihk chika iteyihtaakusuu mwehch naapeu kaa payehchihtaat pahkweshikaniminaahtikw anit chechii uhtinaat pahkweshikan kaye maak pahkaanishtaau aniyuu kaa miywaayikwaauh anite ashtaasuukamikuhch. Ekw aniyuu ekaa wiyesh chechii itaapataniyikwaauh ishkwaasam anite ekaa nihtaa aashtuweyich ishkuteyuu.” Eukw maak uyuu kaa itaat John siikahaahtaacheu aniyuu iinuu kaa pechi nituhtaakut e kacheskwet.

Matthew 6:26

Maamituneyimich maa piyeshiishach, namui nihtaauchihtaauch chekwaayuu kaye namui maauchihtaauch miichimiyuu, yaapach maak Kuuhtaawiih kihchikiishikuhch kaa ihtaayich kanuweyimikuuch. Chiyawaau maak uste chititeyihtaakusinaawaau ishpishaat piyeshiishach.

Mark 6:26

Nuwach chii macheyihtam an chisheuchimaau uyuu kaa ishi kakwechihcheyimuyich, waawaach wii shaash e chii itaat cheshtinaash che ihtuutamuwaat mikw taan che ishi nitaweyihtamiikwen kaye maak aniyuu e chii mihchetinaanuyich anit mekwaach uyuu kaa itaat kiipaa namui uhchi wii piikunam aniyuu taan kaa itaat.

Luke 12:18

Uu maak nika ihtin chii itweu, nika piikuhen aniyuu misiwe nitashtaasunikamikw ekw che ushihtaayaan etituu e mishaakwaau chechii chiskashtaayaan misiwe kaa ishi nihtaauchihtaayaan kaye maak misiwe nichekwaanim.

Luke 12:23

Wesh pimaatisiiwin uste chisteyihtaakun ishpishaat miichim, ekw maak miiyuu uste chisteyihtaakun ishpishaat e chichishkaman chekwaan.

Luke 12:7

Chiyawaau maak uste chititeyimikuwaau Chishemanituu ishpishaat aniyuu piyeshiisha e iteyimaat, waawaach chistikwaaniyaapiiwaauh chii achihtaakanuu e tahtwaapekahkwaau. Ekaawii maak kushtaachikw wesh yaapach chiyawaau uste chititeyihtaakusinaawaau e kanawaapamitakw Chishemanituu ishpishaat e mihchetitwaau piyeshiishach.”