Luke 12:21 - Chishemanituu Utayimuwin: Kaa Uskaach Testament

²¹ Jesus kaa itwet, “Ekun maak mwehch e ishinaakuhch awen wiya kaa maauchihtamaasut chekwaayuu. Namui miisitisiyuu iteyimikuu Chishemanituu e kanawaapamikut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᒌᓴᔅ ᑳ ᐃᑗᑦ, ᐁᑯᓐ ᒫᒃ ᒬᐦᒡ ᐁ ᐃᔑᓈᑯᐦᒡ ᐊᐌᓐ ᐎᔭ ᑳ ᒫᐅᒋᐦᑕᒫᓱᑦ ᒉᒀᔫ᙮ ᓇᒧᐃ ᒦᓯᑎᓯᔫ ᐃᑌᔨᒥᑰ ᒋᔐᒪᓂᑑ ᐁ ᑲᓇᐙᐸᒥᑯᑦ᙮

Luke 12:21 Iomraidhean Croise

Luke 12:33

Ataawekw aniyuu chekwaayuu e ishi tipiyeusiyekw ekw che miyekuch kaa chistimaatisiitwaau aniyuu shuuliyaayuu. Wesh uu ishi ihtuutamekwe Chishemanituu chika tipahamaakuwaau nete kihchikiishikuhch. Wesh taan che ishi tipahamaataakw Chishemanituu namui nihtaa chika uhchi iskwaapayuu wesh namui nihtaa chika chii kachemutamaakunaawaau kaye manichuushach namui chika chii wanaachihtaauch.

Luke 16:11

Ekaa maak taapweucheyimikuyine kuiskw chechii ishi naanaakachihtaayin uu weyuutisiiwin utah aschiihch kaa ihtakuhch, namui chika uhchi taapweucheyimikuun chihchiwe miisitisiiwin chechii naanaakachihtaayin.

Luke 6:24

Yaakwaakw chiyawaau kaa miisitisiyekw anuhchiish, wesh mitun shaash chitayaanaawaau e wehteyihtaakuhch pimaatisiiwin.

Romans 2:5

An maak e ishpish suuhcheyimuwiin mikw chitihtuuten etituu aahkwaach chechii ishi wiyaaskunisk Chishemanituu aniyuu e chiishikaayich taanit cheshtinaash kuiskw che ishi wiyaaskunaat aniyuuh kaa machituutamiyich.

2 Corinthians 6:10

Ihtakun e ishi misimeyihtamaahch. Yaapach maak nimiywaatenaan. Namui niweyuutisiinaan. Yaapach maak nitihtutawaanaanich awenichii chechii ayaatwaau chihchiwe weyuutisiiwiniyuu. Aat ekaa chekwaan tipiyeusiyaahch, yaapach misiwe chekwaan e tipiyeusiyaahch nitishinaakusinaan.

1 Timothy 6:9

Ekw maak anichii muush etituu kaa wii ayaatwaau chekwaayuu kata nachishkamuch e ishi kakwechihiikutwaau aniyuu kaye maak aniyuu che ishi ati nanaahkuu machinanituweyihtahkwaau muyaam e nakwaatikutwaau kata ishinaakuniyuu. Waawaach tekash chika chii wanaachihiikuuch uyuu.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

Revelation 2:9

Nichischeyihten taan e ishi nanehkaateyimuhiikuyekw. Nichischeyihten e chistimaatisiyekw mikw maak yaapach chimiisitisiinaawaau. Nichischeyihten taan e ishpish machaayimuumitaakuch anichii Jewa nititiskaanesinaan kaa itwetwaau, ekaa maak Jewa itiskaanesitwaau. Machimanituu e ihtaayich uhchiyuuch anichii.