Luke 12:18 - Chishemanituu Utayimuwin: Kaa Uskaach Testament

¹⁸ Uu maak nika ihtin chii itweu, nika piikuhen aniyuu misiwe nitashtaasunikamikw ekw che ushihtaayaan etituu e mishaakwaau chechii chiskashtaayaan misiwe kaa ishi nihtaauchihtaayaan kaye maak misiwe nichekwaanim.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᐆ ᒫᒃ ᓂᑲ ᐃᐦᑎᓐ ᒌ ᐃᑗᐤ, ᓂᑲ ᐲᑯᐦᐁᓐ ᐊᓂᔫ ᒥᓯᐌ ᓂᑕᔥᑖᓱᓂᑲᒥᒄ ᐁᒄ ᒉ ᐅᔑᐦᑖᔮᓐ ᐁᑎᑑ ᐁ ᒥᔖᒀᐤ ᒉᒌ ᒋᔅᑲᔥᑖᔮᓐ ᒥᓯᐌ ᑳ ᐃᔑ ᓂᐦᑖᐅᒋᐦᑖᔮᓐ ᑲᔦ ᒫᒃ ᒥᓯᐌ ᓂᒉᒀᓂᒻ᙮

Luke 12:18 Iomraidhean Croise

Matthew 6:26

Maamituneyimich maa piyeshiishach, namui nihtaauchihtaauch chekwaayuu kaye namui maauchihtaauch miichimiyuu, yaapach maak Kuuhtaawiih kihchikiishikuhch kaa ihtaayich kanuweyimikuuch. Chiyawaau maak uste chititeyihtaakusinaawaau ishpishaat piyeshiishach.

Luke 12:17

Ekw kaa iteyihtahk, ‘Shaash namui nitepishchinitaan taanite misiwe che chiskashtaayaan uyuu kaa nihtaauchihtaayaan nihtaauchihchikan. Ekw kaa maamituneyihtamihiikut taan che ihtit.

Luke 12:19

Ekw maak che itisuyaan, nuwach niweyuuchihtaan chekwaayuu anite nitashtaasunikamikuhch mihchetu pipun chechii uhchi ispayaan. Ekw maak namui nika uhchi aapatisin. Shaash nika weyuuchihtaan miichim kaye e minihkweyaan chekwaan ekw maak che muuchikahtaayaan.’

Luke 12:21

Jesus kaa itwet, “Ekun maak mwehch e ishinaakuhch awen wiya kaa maauchihtamaasut chekwaayuu. Namui miisitisiyuu iteyimikuu Chishemanituu e kanawaapamikut.”

Luke 12:24

Maamituneyimach maa kaahkaachuuch, namui nihtauchihtaauch chekwaayuu kaye namui maauchihtaauch miichimiyuu, namui ushihtaauch ashtaasunikamikw maak teshipitaakan anit che ashtaatwaau umiichimuwaau yaapach maak Chishemanituu ashamikuuch. Chiyawaau maak etituu mistahii chititeyihtaakusinaawaau ishpishaat anichii piyeshiishach.

Luke 18:4

Chineush maak an wiyaaskunichesuu namui uhchi wii naatamuweu aniyuu iskweu. Ekw chek kaa ishi maamituneyihtahk, ‘Namui nanihchiishtuwaau Chishemanituu kaye namui nitaapateyimaauch iinuuch.

Luke 18:6

Ekw Utipeyihchikeu uyeyuu miin kaa itwet, “Kanawaapahtamukw maa. Chek chii wiichiheu an machiwiyaaskunichesuu aniyuu kaa peyakuyich iskweu, wesh namui uhchi puunihiikuu e nitutamaakut chechii wiichihaat.

James 3:15

Namui Chishemanituu e ihtaat uhchipayuu uu kaa iteyihtaakuhch kachehtaaweyihtamuwin, utah aschiihch uhchiimakan, naapeu uyuu ukachehtaaweyihtamuwin, machimanituu e ihtaat uhchipayuu.

James 4:13

Nituhtamukw maa chiyawaau kaa itweyekw, “Anuhchiish maak waapahche nete ane ihtaawin chika ituhtenaanuu. Ekut che ihtaayihkw peyakw pipun. Chika ihtakun chekwaan che chihchipayihtwaasuyihkw chechii mista ushihtaayihkw shuuliyaau.”

James 4:15

Mwaau teyakuch chipaa itwen, “Iteyihtahke Utipeyihchikeu, chika pimaatisiinaanuu. Mwaau maak che ati aihtiihkw.”