Luke 11:9 - Chishemanituu Utayimuwin: Kaa Uskaach Testament

⁹ Wesh chititinaawaau, nitutamaakw taan e ishi nituweyihtamekw, chika miikunaawaau maak, naanituweyim Chishemanituu ekw maak che miskawat. Paapaawahiiche chishtuhkan ekw maak che aapahamaakuyin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐌᔥ ᒋᑎᑎᓈᐙᐤ, ᓂᑐᑕᒫᒄ ᑖᓐ ᐁ ᐃᔑ ᓂᑐᐌᔨᐦᑕᒣᒄ, ᒋᑲ ᒦᑯᓈᐙᐤ ᒫᒃ, ᓈᓂᑐᐌᔨᒻ ᒋᔐᒪᓂᑑ ᐁᒄ ᒫᒃ ᒉ ᒥᔅᑲᐗᑦ᙮ ᐹᐹᐗᐦᐄᒉ ᒋᔥᑐᐦᑲᓐ ᐁᒄ ᒫᒃ ᒉ ᐋᐸᐦᐊᒫᑯᔨᓐ᙮

Luke 11:9 Iomraidhean Croise

Matthew 21:22

Mikw taan che ishi nitutamaawekwe e ayimihaayekw, taapwehtamukw shaash e ayaayekw ekw maak che miikuyekw an kaa ishi nitutamaayekw.”

Matthew 21:31

Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

Matthew 6:29

Ekw maak chiwiihtamaatinaawaau, aat aniyuu e chii ishpish miisitisiit aniyaa chisheuchimaau Solomon namui uhchi ishpish miywaashiyuuh uchekwaanimh e ishpish miywaashiyikwaauh waapikunh.

Mark 11:24

Ekw maak e ititakuch, mikw taan che ishi nitutamaawekwe e ayimihaayekw, taapwehtamukw shaash e ayaayekw ekw maak che miikuyekw an kaa ishi nitutamaayekw.

Mark 13:37

Uu che ititakuch, nititaauch kaye kutakach awenich, Ayeskuwiishtuukw.”

Luke 11:10

Wesh tahtu awen kaa nitutamaat chika miyaakanuu. Kaye tahtu awen kaa naanituweyimaat Chishemanituu chika miskaweu, kaye tahtu awen kaa paapaawahiichet kata aapahamuwaakanuu.”

John 14:13

Nika ihtuuten taan e ishi nitutamaayekw nitishinihkaasuwin aapachihtaayekwe, ekw maak che nuukuhch e ishpish chisteyihtaakusit Chishemanituu aniyuu uhchi taan e ishi ihtuutamiyich Ukusisa.

John 15:16

Namui chiyawaau kuuhchi wiyaapaminaawaau, niya eukw kaa wiyaapamitakuch. An maak e chii wiyaapamitakuch chititeyimitinaawaau chechii miyu miinisuuyekw kaye muush chechii miyu miinisuuyekw. Ekw maak Uhtaawiimaau che miitaakw taan mikw che ishi nitutamuwekw nitishinihkaasuwin e aapachihtaayekw.

John 15:7

Niya maak e ihtaayaan muush ishi pimaatisiyekwe kaye nititwewinh piihchishkaakuyekwe mikw taan che ishi nitutamaawekwe chekwaan eukun an che ihtuutamaakuyekw.

John 4:10

Chii iteu maak Jesus aniyuuh iskweu, “Chischeyihtamuuhpane chekwaayuu e wii miiwet Chishemanituu kaye chischeyimiyin awen e aawiyaan, chiya chipaa kakwechimin chechii minihiitaan. An maak kaa pimaachihiiwemakahch nipii eukun an chipaa minihiitin.”

Romans 2:7

Aniyuuh aweyuuh muush kaa miyutuutamiyich e pukuseyimuyich chechii miyu kanawaapamikuyich Chishemanituu kaye chechii miywaachimikuyich kaye chechii miikuyich kaachiche chechii pimaatisiyich, kata miyeu kaachiche chechii pimaatisiyich.

2 Corinthians 6:2

Wesh Chishemanituu utayimuwinihch itashteu e chii itwet, Anit kaa iteyihtamihiikuyaan chechii nituhtaataan chichii nituhtaatin e ayimihaayin. Anit kaa nituweyihtaman wiichihiikusiiwin ekut kaa pimaachihiitaan. eukw uyuu kaa itwet Chishemanituu ekw maak niya waahtamaataan, anuhchiish nihiipayuu chechii pimaachihuyin. Anuhchiish pimaachihiiweu Chishemanituu.

Hebrews 11:6

Namui awen chika chii naheyihtamiheu Chishemanituu paatish taapweyimaate. Wesh an awen kaa wii pechi naataat Chishemanituu chipaa taapwehtam e ihtaayich Chishemanituu kaye e miyutuutawaayich aniyuu suuhk kaa wii chischeyimikut.

Hebrews 4:16

E ayaauhkw maak chisheayimiheuchimaau uyuu e iteyihtaakusit namui wiiskaat chipaa uhchi sechisinaanuu chechii naatahkw Chishemanituu, an muush waa miyutuutamaatahkw. Naatahkwe chika miyutuutamaakunuu kaye chika wiichihiikunuu iskutak nitaweyihtamuhkwe chechii wiichihiikuyihkw mekwaach nachishkamuhkwe e aayimihch.

James 1:5

E ihtaakwe awen ekaa chischeyihtahk taan nihaau che ishikaapuushtahk chekwaayuu e nachishkahk Chishemanituu chipaa nitutamuweu kachehtaaweyihtamuwiniyuu. Chika miikuu maak. Wesh Chishemanituu weyuuch miyeu misiwe aweyuuh taan e ishi nitaweyihtamaakut chekwaayuu.

James 5:15

Uchii maak kaa ayimihaatwaau aniyuu e taapweyimaatwaau Chishemanituu ekut che uhchi miinuwaatisiyich aniyuu kaa aahkusiyich. Tipeyihchikeuh chika wanishkaanikuu an kaa aahkusit kaye kaa machituutamukwe chika wepeyihtamaakuu.

1 John 3:22

Chika miikunuu chekwaayuu e ishi nitaweyihtamuuhkw, e ihtuutamuhkw taan e itashumitahkw kaye e ihtuutamuhkw aniyuu chekwaayuuh neheyihtamihiikut.

Revelation 2:24

Misiwe maak chiyawaau Thyatira kaa ihtaayekw ekaa kaa aapatahtamekw uu kaa ishi machi chiskutamaakaanuuhch, chiyawaau ekaa kaa chischeyihtamuwekw machimanituu uchiimuuch ihtuwinh, namui chinitaweyihtamaatinaawaau kutach chekwaan chechii ihtuutamekw,