Luke 11:8 - Chishemanituu Utayimuwin: Kaa Uskaach Testament

⁸ Chiwiihtamaatinaawaau, ekaa wii wanishkaate chechii miisk aniyuu palet aat e chii miyu wiichewaakanitutaask yaapach maak chek chika wanishkaau chechii miisk taan e ishi nituweyihtamuut, ekaa puunihiite e nituweyihtamuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒋᐐᐦᑕᒫᑎᓈᐙᐤ, ᐁᑳ ᐐ ᐗᓂᔥᑳᑌ ᒉᒌ ᒦᔅᒃ ᐊᓂᔫ ᐸᓓᑦ ᐋᑦ ᐁ ᒌ ᒥᔪ ᐐᒉᐙᑲᓂᑐᑖᔅᒃ ᔮᐸᒡ ᒫᒃ ᒉᒃ ᒋᑲ ᐗᓂᔥᑳᐤ ᒉᒌ ᒦᔅᒃ ᑖᓐ ᐁ ᐃᔑ ᓂᑐᐌᔨᐦᑕᒨᑦ, ᐁᑳ ᐴᓂᐦᐄᑌ ᐁ ᓂᑐᐌᔨᐦᑕᒨᑦ᙮

Luke 11:8 Iomraidhean Croise

Luke 11:7

Ekw maak itisk aahch an chiwiichewaakan kaa nituu pekuhiit, ‘Ekaawii pechi mukushkaachihiih wesh shaash nichii chipahwaau chishtuhkan kaye nitawaashiimach niwiihpemikuch, namui nika chii wanishkaan chechii miitaan.’

Romans 15:30

Niichishaanitikw, chitaapweyimaanuu Utipeyihchikeu Jesus Christ kaye maak Kaa payehchisiit Ahchaahkw chiwiichihiikunuu chechii saachihiituyihkw, ekun wehchi pukuseyimitakuch chechii wiichihiyekw taan e itaapatisiyaan suuhk e ayimiheshtamuyekw.

2 Corinthians 12:8

Nishtwaau maak nichii nitutamuwaau Utipeyihchikeu chechii iichenahk uyuu chekwaayuu.

Colossians 2:1

Chinituweyimitinaawaau chechii chischeyihtamekw taan e ishpish suuhk aapatisiyaan aat e aayimihuyaan chiyawaau e wii wiichihiitakuch ekw maak anichii aniyuu ihtaawiniyuu Laodicea kaa ishinihkaateyich kaa ihtaatwaau ekw maak misiwe anichii kutakach eshkw ekaa kaa chischeyimitwaau.

Colossians 4:12

Miin kutak awen e ihtaayekw e uhchiit chiwaachiyemikuwaau eukw uu Epaphras. Kaye wiya atushkuweu Christ Jesus. Muush suuhk chitayimiheshtamaakuwaau e nitutamuwaat Chishemanituuh chechii yaaichikaapuuhiitaakw tekash e nanihiihtamuwekw utiteyihtamuwiniyuu mwehch e ihtitwaau anichii kaa chiishi nihtaauchitwaau kaye tekash kaa taapweyimaatwaau Jesus.