Luke 11:48 - Chishemanituu Utayimuwin: Kaa Uskaach Testament

⁴⁸ Chiwaapahtiiwenaawaau maak e naheyihtamuwekw uyuu e chii ihtitwaau kuuhtaawaauch. Wiyawaau chii nipaheuch uyuuh uchischiwehiichesuuh chiyawaau maak chichii miyunaakuhtaanaawaau anit kaa chiskahaakanuutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁸ ᒋᐙᐸᐦᑏᐌᓈᐙᐤ ᒫᒃ ᐁ ᓇᐦᐁᔨᐦᑕᒧᐌᒄ ᐅᔫ ᐁ ᒌ ᐃᐦᑎᑣᐤ ᑰᐦᑖᐙᐅᒡ᙮ ᐎᔭᐙᐤ ᒌ ᓂᐸᐦᐁᐅᒡ ᐅᔫᐦ ᐅᒋᔅᒋᐌᐦᐄᒉᓲᐦ ᒋᔭᐙᐤ ᒫᒃ ᒋᒌ ᒥᔪᓈᑯᐦᑖᓈᐙᐤ ᐊᓂᑦ ᑳ ᒋᔅᑲᐦᐋᑲᓅᑣᐤ᙮

Luke 11:48 Iomraidhean Croise

Matthew 23:27

“Chekwaan chika ishi machipayinaawaau chiyawaau kaa chiskutamaacheyekw wiishuwewin ekw maak chiyawaau Phariseech mikw kaa ayimihehkaasuyekw. Mwehch chiipaikamikw anit uschich naashch e miyunaakuhtaakanuuhch ekw mikw anite piihch pisikw nipuwin ekw maak e wiinaach chekwaan e ishinaakuhch ekun e iteyihtaakusiyekw chipimaatisiiwiniwaahch.

Matthew 23:31

Ekut maak mitun tepaachimisuyekw taapwe e chii aanische pimaatisiyekw anite uhchi aniyehkaanaanich kaa nipahaatwaau aniyuu uchischiwehiichesuuh.

Luke 11:47

Chekwaan chika ishi machipayinaawaau. Naashch chichii miyuuhtaanaawaau anit kaa chiskahaakanuutwaau aniyehkaanaanich uchischiwehiichesuuch. Aniyehkaanaanich maak chuuhtaawaauch e chii nipahaatwaau uyuuh.

Luke 11:49

Eukw maak wehchi itwet kaa kachehtaaweyihtahk Chishemanituu, ‘Nika itishahamuwaauch anichii iinuuch uchischiwehiichesuuh, kaye apastalh. Mikw maak chika nipaheuch pasch, kaye kutak chika nanehkaachiheuch.’ Eukw maak kaa ispayiyich uyuu kaa itwet Chishemanituu.

Romans 1:32

Aat e chischeyihtahkwaau Chishemanituuh e chii wiyeyihtamiyich taapwe e iteyihtaakuniyich chechii nipiyich aniyuuh aweyuuh uyuu kaa ishi machi pimaatisiyich yaapach etituu ihtuuch wiyawaau taan waa ihtitwaau. Namui maak mikw uyuu ihtuuch, naniheyihtamihiikuuch eyuu aniyuuh aweyuuh uyuu e ishi machi pimaatisiyich.

James 5:10

Niichishaanitikw maamituneyimaahkuch maa uchischiwehiichesuuch anichii Chishemanituuh kaa pechi itishahukutwaau chechii ayimistamuwaatwaau. Naashch taapwe chii siipiiwesiyuuch e nanehkaachihaakanuutwaau. Eukun maak chipaa ihtinaawaau kaye chiyawaau.