Luke 11:47 - Chishemanituu Utayimuwin: Kaa Uskaach Testament

⁴⁷ Chekwaan chika ishi machipayinaawaau. Naashch chichii miyuuhtaanaawaau anit kaa chiskahaakanuutwaau aniyehkaanaanich uchischiwehiichesuuch. Aniyehkaanaanich maak chuuhtaawaauch e chii nipahaatwaau uyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᒉᒀᓐ ᒋᑲ ᐃᔑ ᒪᒋᐸᔨᓈᐙᐤ᙮ ᓈᔥᒡ ᒋᒌ ᒥᔫᐦᑖᓈᐙᐤ ᐊᓂᑦ ᑳ ᒋᔅᑲᐦᐋᑲᓅᑣᐤ ᐊᓂᔦᐦᑳᓈᓂᒡ ᐅᒋᔅᒋᐌᐦᐄᒉᓲᒡ᙮ ᐊᓂᔦᐦᑳᓈᓂᒡ ᒫᒃ ᒎᐦᑖᐙᐅᒡ ᐁ ᒌ ᓂᐸᐦᐋᑣᐤ ᐅᔫᐦ᙮

Luke 11:47 Iomraidhean Croise

Matthew 23:27

“Chekwaan chika ishi machipayinaawaau chiyawaau kaa chiskutamaacheyekw wiishuwewin ekw maak chiyawaau Phariseech mikw kaa ayimihehkaasuyekw. Mwehch chiipaikamikw anit uschich naashch e miyunaakuhtaakanuuhch ekw mikw anite piihch pisikw nipuwin ekw maak e wiinaach chekwaan e ishinaakuhch ekun e iteyihtaakusiyekw chipimaatisiiwiniwaahch.

Luke 11:48

Chiwaapahtiiwenaawaau maak e naheyihtamuwekw uyuu e chii ihtitwaau kuuhtaawaauch. Wiyawaau chii nipaheuch uyuuh uchischiwehiichesuuh chiyawaau maak chichii miyunaakuhtaanaawaau anit kaa chiskahaakanuutwaau.

ᐊᐸᔅᑕᓚᒡ 7:51

Stephen etituu kaa ati itwet, “Chischisitaau maa, aniyuu taan kaa ishpish suuhchishtikwaanetwaau aniyehkaanaanich weskach chiwaahkumaakanuuch ekun mwehch kaye chiyawaau e ishpish suuhchishtikwaaneyekw. Ekaa taapwehtamekw anite chitehiiwaahch, kaye ekaa wii nituhtamuwekw Chishemanituu utayimuwin. Mwehch aniyehkaanaanich chiwaahkumaakanuwaauch e iteyihtaakusiyekw ekaa uhchi wii nanihiihtuwaatwaau Kaa payehchisiyich Ahchaahkwa.

1 Thessalonians 2:15

Anichii Jewa kaa itiskaanesitwaau eukw anichii kaa nipahaatwaau Utipeyihchikeu Jesus ekw maak aniyuuh uchischiwehiichesuuh. Kaye niyaan maak nichii nanehkachihiikunaanich. Naashch taapwe namui naheyimikuuch Chishemanituuh. Kaye maak misiwe aweyuuh uhkaateuch.