Luke 11:4 - Chishemanituu Utayimuwin: Kaa Uskaach Testament

⁴ Wepeyihtamuunaan nimachihtwaawinaanh, wesh kaye niyaan niwepeyihtamuwaanaan misiwe awen kaa machituutuuyimiht. Ekaawii ituhtahiinaan anite chechii ishi kakwechihiikuyaahch.’ ”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐌᐯᔨᐦᑕᒨᓈᓐ ᓂᒪᒋᐦᑣᐎᓈᓐᐦ, ᐌᔥ ᑲᔦ ᓂᔮᓐ ᓂᐌᐯᔨᐦᑕᒧᐙᓈᓐ ᒥᓯᐌ ᐊᐌᓐ ᑳ ᒪᒋᑑᑑᔨᒥᐦᑦ᙮ ᐁᑳᐐ ᐃᑐᐦᑕᐦᐄᓈᓐ ᐊᓂᑌ ᒉᒌ ᐃᔑ ᑲᑴᒋᐦᐄᑯᔮᐦᒡ᙮

Luke 11:4 Iomraidhean Croise

Matthew 18:35

Ekw Jesus miin kaa itwet, “Ekun maak mwehch che ihtuutaakuyekw Nuuhtaawii kihchikiishikuhch kaa ihtaat, ekaa wepeyihtamuwekwenich chiichishaanuwaauch chitehiiwaahch uhchi.”

Matthew 26:41

Yaakwaamiikw kaye ayimihaakw ekaa chechii shaakuuchihiikuyekw kakwechihiiwewin. Wesh chitahchaahkuwaahch naashch taapwe kuiskw chiwii ihtinaawaau mikw maak chiyaasiwaahch namui mitun chisaapisiinaawaau.”

Luke 11:5

Ekw Jesus kaa itaat aniyuu uchischinuhamuwaakan, “E chii nituwaapamat aahch chiwiichewaakan e aapihtaatipiskaayich e chii nituu auhaasumat chekwaayuu, ekw maak kaa itat an chiwiichewaakan, ‘Pechi auhiih maa nishtu paletich wesh niwiichewaakan nipechi chiiutamukw

Luke 13:4

Chichischisinaawaau aa yaanaaneushaap iinuuch anite ihtaawinihch Siloam kaa ishinihkaateyich kaa nipitwaau e chii patakahukutwaau kaa ishpaanaayich waaskaahiikaniyuu. Chititeyihtenaawaau aa e chii nuukuniyich wiyawaau uste e chii machaatisiitwaau ishpishaat kutakach awenichii anit Jerusalemihch kaa ihtaatwaau.

Luke 22:46

Jesus maak chii iteu, “Taan e ihtiyekw wehchi nipaayekw. Wanishkaakw che ayimihaayekw ekaa chechii shaakuuchihiikuyekw kakwechihiiwewin.”

Luke 8:13

Ekw an shuumin anite e asiniyuuniyich kaa pahchishihk mwehch eukw e ishinaakusitwaau awenichii kaa pehtahkwaau Chishemanituu utayimuwiniyuu e taapwehtahkwaau kaye maak naashch e miyeyihtamihiikutwaau. Muyaam maak an nihtaauchihchikanh ekaa yaaich nihtaauchiniyikwaau utipiih eukw e ishinaakusitwaau anichii aat weipishchiish kaa taapwehtahkwaau. Iskutak kakwechihiiwewiniyuu nechiskahkwaau ekut shaash pehchishihkwaau.

John 17:15

Namui wii chinitutamaatin chechii utinatwaau utah aschihch uhchi, chinitutamaatin chechii kanuweyimatwaau ekaa chechii pischeyimikutwaau machimanituuh.

1 Corinthians 10:13

Misiwe e ishi kakwechihiikuyihkw, ekun e ishi kakwechihaakanuut misiwe awen. Mikw maak Chishemanituu kuiskw ihtuu. Namui chika uhchi pachishtinikunuu paashich chechii ishi kakwechihiikuuhkw ekaa chii ishikaapuushtamuhkw kakwechihiiwewin. Anit aniyuu mekwaach e kakwechihiikuuhkw chika waapahtiikunuu Chishemanituu taanite chechii uhchi shaapushkamihkw an kakwechihiiwewin. Eukw uyuu e ishi wiichihiitahkw ekaa chechii shaakuuchipitikuuhkw aniyuu taan e ishi kakwechihiikuuhkw.

Colossians 3:13

Siipiiwesiistaatukw. Wepeyihtamaatukw tahtwaau e wanituutaakuyekw. Chinituweyihtaakusinaawaau chechii wepeyihtamaatuyekw mwehch Utipeyihchikeu kaa ishi wepeyihtamaataakw.

2 Thessalonians 3:3

Tepicheyihtaakusuu maak Utipeyihchikeu chechii taapweucheyimaakanuut. Chika ihtuutaakuwaau chechii suuhchikaapuwekw neshta chika miyu kanuweyimukuwaau ekaa chechii wanaachihiitaakw machimanituu.

2 Timothy 4:18

Wesh Utipeyihchikeu nika wiihkuchihiihkw misiwe taan che ishi utihtahukuyaan chekwaan e maayaatahch kaye wiya nika peshiikw anite aniyuu uchimaawiniyuu kihchikiishikuhch kaa ihtakuniyich. Wiya kata wii chisteyihtaakuhaakanuu kaachiche neshta kaachiche. Amen.

James 2:13

Awen ekaa kaa chistimaacheyimaat kutak aweyuu namui kaye wiya kata uhchi chistimaacheyimaakanuu iskutak wiyaaskunaakanuute. Mikw maak an awen kaa chistimaacheyimaat kutak aweyuuh namui kata uhchi kushtaachuu chechii wiyaaskunaakanuut.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”

Revelation 3:10

An e chii siipiiwesiyekw taan e ishi nachishkamekw muyaam kaa itashumitakuch chechii ihtiyekw, chika kanuweyimitinaawaau anit mekwaach pimipayihche e aayimuhutwaau awenichii, anit mekwaach che nituu chischeyimaakanuutwaau misiwe awenichii utah aschiihch kaa ihtaatwaau.