Luke 11:34 - Chishemanituu Utayimuwin: Kaa Uskaach Testament

³⁴ Chischiishikw eukw uyuu uwaashtenamaakan chiiyuu. E miywaach chischiishikw tekash waashteu chiiyuuhch mikw maak ekaa miywaache chischiishikw naashch taapwe ukaashteyaau chiiyuuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᒋᔅᒌᔑᒄ ᐁᐅᒄ ᐅᔫ ᐅᐙᔥᑌᓇᒫᑲᓐ ᒌᔫ᙮ ᐁ ᒥᔻᒡ ᒋᔅᒌᔑᒄ ᑌᑲᔥ ᐙᔥᑌᐤ ᒌᔫᐦᒡ ᒥᒄ ᒫᒃ ᐁᑳ ᒥᔻᒉ ᒋᔅᒌᔑᒄ ᓈᔥᒡ ᑖᐺ ᐅᑳᔥᑌᔮᐤ ᒌᔫᐦᒡ᙮

Luke 11:34 Iomraidhean Croise

Mark 4:12

Aat e waapahtahkwaau namui chii nisituunamuch nesht suuhk e nituhtahkwaau namui chii nisituhtamuch. Wesh chii nisituunamuwaakupanenich kaye chii nisituhtamuwaakupanenich nipaa pechi chiiwe naatikuch chechii wepeyihtamuukwaau.”

Mark 7:22

maak che pisikwaatisiit, maak chechii mushteneyihtamuwaat aweyuu chekwaayuu e ishi ayaayich, maak chechii machihtwaat, maak chechii wiyeshihiiwet, maak chechii wiinishuwaatisiit, maak chechii uhteyihtahk, kaye chechii machaayimuumaat aweyuu, maak naashch chihchiwe chechii iteyimisut, kaye chechii chiishkwe pimaatisiit.

Mark 8:18

Chitayaanaawaau mischiishikw, namui aa maak chiwaapahtenaawaau. Kaye mihtuukaih chitayaanaawaau, namui aa maak chipehtenaawaau. Namui aa chichischisinaawaau

Luke 11:35

Yaakwaamiih ekaa chechii ihtakuhch chipimaatisiiwinihch wanitipiskusiiwin, anite chipaa ihtakun waashtewin.

ᐊᐸᔅᑕᓚᒡ 13:11

Chiwiihtamaatin anuhchiish nuwach chika waaweshihiikw Utipeyihchikeu, weipishchiish maak namui chika uhchi waapamaau piisim,” chii iteu Saul aniyuu kaa maamaahtaawaatisiyich naapeu. Tiiwehch maak chii muushihtaau e piichishepayiyich kaye e uhchi tipischipayiyich e iteyihtahk an naapeu ekw namui uhchi waapahtam, ekw kaa naanitumiskunaat aweyuu chechii papaatahkunischehtahiikut.

ᐊᐸᔅᑕᓚᒡ 2:46

Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau.

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”

2 Corinthians 1:12

Maau maak e ishi maamihchisiyaahch, mitun nicheshtinaahunaan muush kuiskw e chii ihtiyaahch taanite mikw kaa ati ihtaayaahch, etituu maak mekwaach anite e ihtaayekw kaa ihtaayaahch. Kaye maak muush e chii taapweucheyihtaakusiyaahch. Chishemanituu nichii miikunaan ushaweyihchichewin uu chechii ihtiyaahch. Namui niyaan nikachehtaaweyihtamuwinaahch uhchipayuu.

2 Corinthians 11:3

Nikushpanaateyihten chechii pisiiwiikuyekw, muyaam taan kaa ishi pisiiwiikut Eve chinepukw e chii nanataimikut, nikushpanaateyihten chek ekaa chechii iteyimekw Christ taan e iteyimekw anuhchiish, tekash chit ishi nuushuushkuwaawaau kaye mikw wiya chinanaakataweyimaawaau.

2 Corinthians 4:4

Namui taapwehtamuch wesh ihtaayuuh aniyuuh kaa machimanituyich kaa uchimaahkahtamiyich uyuu aschiiyuu. Eukunh maak aniyuuh e ihtuutaakutwaau ekaa chechii waapahtahkwaau aniyuu waashtewiniyuu anit chechii uhchi pimaachihutwaau. Namui chii nisituhtamuch aniyuu miywaachimuwiniyuu ati wehchi waapahtiikuyihkw Jesus Christ uchisteyihtaakusuwin. Wesh mwehch e ishi chisteyihtaakusit Chishemanituu ekun mwehch e ishi chisteyihtaakusit Jesus.

Ephesians 1:17

Ninitutamuwaau Chishemanituu Chitipeyihchikeminuu Jesus Christ Uhtaawii an maauch kaa chisteyihtaakusit chechii miitaakw Utahchaahkwa aniyuuh che kachehtaaweyihtamihiitaakw kaye che chischeyihtamihiitaakw taanite chechii uhchi chischeyimekw Chishemanituu.

Ephesians 6:5

Chiyawaau kaa atushkuwekw awen chipaa nanihiihtuwaawaauch anichii kuuchimaamuwaauch. Yaakwaau iteyimaahkuch kaye yaakwaamiishtuwaahkuch kaye kuiskw ishi atushkuwaahkuch muyaam taan chipaa ishi atushkuwaawaau Christ.

Colossians 3:22

Chiyawaau aapachihaakanitikw muush nanihiihtuwaahkuch kuuchimaamuwaauch taan e ititaakuch. Ekaawii mikw e naanaakachihiitaakuch chika uhchi nanihiihtuwaawaauch e wii naniheyihtamihekuch. Kwaast e ihtiyekw chipaa miyu atushkuwaawaauch e chisteyimekw Utipeyihchikeu.