Luke 11:32 - Chishemanituu Utayimuwin: Kaa Uskaach Testament

³² Iskutak maak wiyaaskunicheu chiishikaache, aniyehkaanaanich iinuuch anite Ninevehch kaa chii ihtaatwaau chika uhpakaapuuch che itwetwaau chechii waweshihiikuwekw chiyawaau anuhchiish kaa pimaatisiyekw. Wesh ekut kaa uhchi kweskaatisiitwaau iskutak kaa pehtawaatwaau Jonah e kacheskweyich. Ihtaau maak awen utah uste e iteyihtaakusit ishpishaat Jonah.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐃᔅᑯᑕᒃ ᒫᒃ ᐎᔮᔅᑯᓂᒉᐤ ᒌᔑᑳᒉ, ᐊᓂᔦᐦᑳᓈᓂᒡ ᐄᓅᒡ ᐊᓂᑌ ᓂᓀᕓᐦᒡ ᑳ ᒌ ᐃᐦᑖᑣᐤ ᒋᑲ ᐅᐦᐸᑳᐴᒡ ᒉ ᐃᑗᑣᐤ ᒉᒌ ᐗᐌᔑᐦᐄᑯᐌᒄ ᒋᔭᐙᐤ ᐊᓄᐦᒌᔥ ᑳ ᐱᒫᑎᓯᔦᒄ᙮ ᐌᔥ ᐁᑯᑦ ᑳ ᐅᐦᒋ ᑴᔅᑳᑎᓰᑣᐤ ᐃᔅᑯᑕᒃ ᑳ ᐯᐦᑕᐙᑣᐤ ᒞᓇ ᐁ ᑲᒉᔅᑴᔨᒡ᙮ ᐃᐦᑖᐤ ᒫᒃ ᐊᐌᓐ ᐅᑕᐦ ᐅᔅᑌ ᐁ ᐃᑌᔨᐦᑖᑯᓯᑦ ᐃᔥᐱᔖᑦ ᒞᓇ᙮

Luke 11:32 Iomraidhean Croise

Matthew 12:39

Ekw Jesus kaa itaat, “Anuhchiish awenichii kaa pimaatisiitwaau naashch taapwe machaatisiyuuch kaye pisikwaatisiyuuch. Kaa kakwechihchemuyekw chechii waapahtiikuyekw maamishkaach waapahtiiwewin, namui chika uhchi waapahtiikunaawaau. Mikw aniyuuh taan kaa ishi maamishkaach ispayit aniyaa uchischiwehiichesuu Jonah eukw mikw an che waapahtiikuyekw.

Matthew 12:41

Iskutak maak wiyaaskunicheu chiishikaache, aniyehkaanaanich iinuuch anite Ninevehch kaa chii ihtaatwaau chika uhpakaapuuch che itwetwaau chechii waweshihiikuyekw chiyawaau anuhchiish kaa pimaatisiyekw. Wesh ekut kaa uhchi kweskaatisiitwaau iskutak kaa pehtawaatwaau Jonah e kacheskweyich, ihtaau maak awen utah uste e iteyihtaakusit ishpishaat Jonah yaapach maak namui kuuhchi kweskaatisiinaawaau.

Luke 11:31

Iskutak maak wiyaaskunicheu chiishikaau utihchipayihche, aniyaa chisheuchimaaskweu shaawinuutaahch kaa tipeyihchichekupane chika uhchi pisikuu che nishuuwanaachimaat aniyuu iinuuh anuhchiish kaa pimaatisiyich. Wesh wiya naashch taapwe waahyuu chii uhtuhteu mikw chechii nituu nituhtamuwaat aniyaa chisheuchimaau Solomon ukachehtaaweyihtamuwiniyuu. Ihtaau maak utah awen uste e iteyihtaakusit ishpishaat Solomon, namui maak aapatihtawaakanuu.

Hebrews 7:26

Jesus eukw chisheayimiheuchimaaut chihchiwe chechii wiichihiitahkw. Namui wiiskaat machituutam. Mitun tekash kuiskutaatisiyuu kaye payehchisiyuu. Namui mitun iteyihtaakusuu taan e iteyihtaakusuuhkw chiyaanuu e machaatisiihkw. Namui mitun ihtakuniyuu chekwaayuu chechii ishi ataameyihtaakusit. Chishemanituuh chii wiyaapamikuu kaye chii ahiikuu anite maauch e ispeyihtaakuniyich anite kihchikiishikuhch.