Luke 11:26 - Chishemanituu Utayimuwin: Kaa Uskaach Testament

²⁶ Uyuu maak wiyaapahtahk e ishinaakuniyich ekw chestuhtet, niyaanituweyimaat niishwaashch machiahchaahkwa uste e iteyihtaakusiyich e iteyihtaakusit wiya chechii wiichimikut anit aniyuu naapeu piihch e ihtaayich. Ekw maak an naapeu etituu chika iteyihtaakuhiikuu aniyuu niishwaashch machiahchaahkwa taan kaa iteyihtaakuhiikut niishtam, mikw e chii peyakushiyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐅᔫ ᒫᒃ ᐎᔮᐸᐦᑕᐦᒃ ᐁ ᐃᔑᓈᑯᓂᔨᒡ ᐁᒄ ᒉᔅᑐᐦᑌᑦ, ᓂᔮᓂᑐᐌᔨᒫᑦ ᓃᔣᔥᒡ ᒪᒋᐊᐦᒑᐦᑾ ᐅᔅᑌ ᐁ ᐃᑌᔨᐦᑖᑯᓯᔨᒡ ᐁ ᐃᑌᔨᐦᑖᑯᓯᑦ ᐎᔭ ᒉᒌ ᐐᒋᒥᑯᑦ ᐊᓂᑦ ᐊᓂᔫ ᓈᐯᐤ ᐲᐦᒡ ᐁ ᐃᐦᑖᔨᒡ᙮ ᐁᒄ ᒫᒃ ᐊᓐ ᓈᐯᐤ ᐁᑎᑑ ᒋᑲ ᐃᑌᔨᐦᑖᑯᐦᐄᑰ ᐊᓂᔫ ᓃᔣᔥᒡ ᒪᒋᐊᐦᒑᐦᑾ ᑖᓐ ᑳ ᐃᑌᔨᐦᑖᑯᐦᐄᑯᑦ ᓃᔥᑕᒻ, ᒥᒄ ᐁ ᒌ ᐯᔭᑯᔑᔨᒡ᙮

Luke 11:26 Iomraidhean Croise

Matthew 12:45

Uyuu maak wiyaapahtahk e ishinaakuniyich ekw chestuhtet, niyaanituweyimaat niishwaashch machiahchaahkwa uste e iteyihtaakusiyich e iteyihtaakusit wiya, chechii wiichimikut anite aniyuu naapeu piihch e ihtaayich. Ekw maak an naapeu etituu chika iteyihtaakuhiikuu aniyuu niishwaashch machiahchaahkwa taan kaa iteyihtaakusit niishtam, mikw e chii peyakushiyich. Ekun maak che ispayitwaau anichii anuhchiish awenichii kaa machaatisiitwaau.”

Matthew 23:15

“Chekwaan chika ishi machipayinaawaau chiyawaau wiishuwewin kaa chiskutamaacheyekw ekw maak chiyawaau Phariseech mikw kaa ayimihehkaasuyekw. Misiwe e ispichiskamikaach uu aschii chitituhtenaawaau peyakw awen chechii ihtuutawekw chechii taapwehtaataakw maak chechii ihtuutahk taan e ishi chiskutamaachewekw. Iskutak maak kaa saakutaaskunekw chitihtuutawaawaau uste wii chechii machaatisiit ishpishaat chiyawaau. Niishwaa chitahkuchishtaawaanaawaau taan e iteyihtaakusit chechii uhchi ituhtet machishkutehch.”

Luke 11:25

Kiipaa kaau e ishi chiiwet an machiahchaahkw e naanituweyihtahk anit kaa uhchi wiiwiit waaskaahiikaniyuu. Iskutak maak paahchet ekw meskahk naashch e payehchinaakuniyich kaye naashch e miyunaakuniyich.

Luke 11:27

Mekwaach uyuu e ayimit Jesus, iskweu anit e ihtaat aniyuu e mihchetinaanuyich chii uhchi tepweu e itwet, “Taapwe shaweyihtaakusuu an iskweu anit e ihtaat kaa uhchi nihtaauchiyin kaye kaa nuushaanihiisk.”

John 5:14

Paatimaa maak anite chisheayimiheukamikuhch Jesus chii nachishkaweu aniyuu naapeu kaa miinuwaachihaat ekw kaa itaat, “Nituhtuuh, shaash chimiinuwaatisiin. Ekaawii miin machituut, ekaa netuweyihtamuwane uste e maayaatahch chekwaan chechii ispayin.”

1 John 5:16

Awen waapamaate wiichishaan e machituutamiyich ekaa maak nipuwinihch ituhtahiikuyich aniyuu kaa ishi machituutamiyich, chipaa ayimiheshtamuweu, ekw maak che miikuyich Chishemanituuh pimaatisiiwiniyuu. Eukun che ispayiyich aniyuuh ekaa nipuwinihch kaa ituhtahiikuyich aniyuu kaa ishi wanituutamiyich. Mikw maak ihtakun machihtwaawin che ituhtahiikut awen nipuwinihch. Uyuu maak ishi machituutahke awen, ekush ekaa ayimiheshtamuu.