Luke 11:19 - Chishemanituu Utayimuwin: Kaa Uskaach Testament

¹⁹ Taapwe Beelzebul umitewin aapachihtaawaauche e wiiwiitishihukwaau machiahchaahkuch, kaye maak chitiiniimuwaauch e wiiwiitishihwaatwaau machiahchaahkwa, aweyuu maak kaa wiichihiikutwaau wiyawaau uyuu chechii ihtitwaau. Chika chii wiihtamaakuwaauch taapwe e nanatayekw an e itweyekw machimanituu e wiichihaat aweyuu chechii wiiwiitishihwaayich machiahchaahkwa.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᑖᐺ ᐯᓪᓴᐳᓪ ᐅᒥᑌᐎᓐ ᐋᐸᒋᐦᑖᐙᐅᒉ ᐁ ᐐᐐᑎᔑᐦᐅᒀᐤ ᒪᒋᐊᐦᒑᐦᑯᒡ, ᑲᔦ ᒫᒃ ᒋᑏᓃᒧᐙᐅᒡ ᐁ ᐐᐐᑎᔑᐦᐙᑣᐤ ᒪᒋᐊᐦᒑᐦᑾ, ᐊᐌᔫ ᒫᒃ ᑳ ᐐᒋᐦᐄᑯᑣᐤ ᐎᔭᐙᐤ ᐅᔫ ᒉᒌ ᐃᐦᑎᑣᐤ᙮ ᒋᑲ ᒌ ᐐᐦᑕᒫᑯᐙᐅᒡ ᑖᐺ ᐁ ᓇᓇᑕᔦᒄ ᐊᓐ ᐁ ᐃᑗᔦᒄ ᒪᒋᒪᓂᑑ ᐁ ᐐᒋᐦᐋᑦ ᐊᐌᔫ ᒉᒌ ᐐᐐᑎᔑᐦᐙᔨᒡ ᒪᒋᐊᐦᒑᐦᑾ᙮

Luke 11:19 Iomraidhean Croise

Matthew 10:25

Chipaa miyeyihtam maak an kaa chiskutamuwaakanuut, iteyihtaakusit e iteyihtaakusiyich aniyuu kaa chiskutamaakut, kaye an aapachihaakan iteyihtaakusit e iteyihtaakusiyich uchimaam. Niya maak aat e uchimaawiyaan chischisikw maa taan kaa ishi maayeyimitwaau e chii itwetwaau an machiahchaahkw uchimaau Beelzebul e aawiyaan. Chiyawaau maak etituu chika maayeyimikuwaauch.”

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Luke 19:22

Ekw aniyuu uchimaam chii itikuu, ‘Chiya kaa machikuuhpaanewiyin, nika aapachihtaan an kaa itweyin e nishuuwanaachimitaan. Chititeyimin e machihtwaayaan, e utinamaan chekwaan ekaa tipiyeusiyaan kaye e maamuushtinamaan chekwaan ekaa niya uhchi nihtaauchihtaayaan.

Luke 9:49

Ekw John kaa itaat, “Chiskutamaachesuu, nichii waapamaanaan naapeu e wiiwiitishihwaat machiahchaahkwa chitishinihkaasuwiniyuu e aapachihtaat, ekw kaa chistahamuwachiht, wesin taapaa ute chiyaanuu e ihtaayihkw ishi wiichihiiweu.”

ᐊᐸᔅᑕᓚᒡ 19:13

Pasch maak Jewa iinuuch kaa chii wiiwiitishihwaatwaau machiahchaahkwa chii papaamuhteuch e kuchihtaatwaau chechii wiiwiitishihwaatwaau machiahchaahkwa Utipeyihchikeu Jesus utishinihkaasuwiniyuu uhchi. Chii iteuch aniyuuh machiahchaahkwa, “Jesus, aniyuu Paul kaa aayimuumaat e kacheskwet, eukun an utishinihkaasuwin uhchi chititashumitinaawaau chechii pechi wiiwiyekw.”

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.