Luke 11:13 - Chishemanituu Utayimuwin: Kaa Uskaach Testament

¹³ Aat e machaatisiyekw yaapach chichischeyihtenaawaau chechii miyu miyekuch chitawaashiimuwaauch. Etituu maak Kuuhtaawaau kihchikiishikuhch kaa ihtaat chischeyihtam chechii miyu miiwet. Miyeyihtam e miyaat aweyuu Kaa payehchisiyich Ahchaahkwa aniyuu kaa nitutamaakut.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐋᑦ ᐁ ᒪᒑᑎᓯᔦᒄ ᔮᐸᒡ ᒋᒋᔅᒉᔨᐦᑌᓈᐙᐤ ᒉᒌ ᒥᔪ ᒥᔦᑯᒡ ᒋᑕᐙᔒᒧᐙᐅᒡ᙮ ᐁᑎᑑ ᒫᒃ ᑰᐦᑖᐙᐤ ᑭᐦᒋᑮᔑᑯᐦᒡ ᑳ ᐃᐦᑖᑦ ᒋᔅᒉᔨᐦᑕᒻ ᒉᒌ ᒥᔪ ᒦᐌᑦ᙮ ᒥᔦᔨᐦᑕᒻ ᐁ ᒥᔮᑦ ᐊᐌᔫ ᑳ ᐸᔦᐦᒋᓯᔨᒡ ᐊᐦᒑᐦᑾ ᐊᓂᔫ ᑳ ᓂᑐᑕᒫᑯᑦ᙮

Luke 11:13 Iomraidhean Croise

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

Matthew 5:45

ekw maak che ukusitutaataakw an Kuuhtaawaau anite kihchikiishikuhch kaa ihtaat. Wesh taapishkun miyeu aniyuuh kaa machituutamiyich kaye kaa miyutuutamiyich chechii waashtenamaakuyich piisim, kaye taapishkun miyeu e chimuuniyich aniyuu kaa miyutuutamiyich kaye aniyuu kaa machituutamiyich.

Matthew 6:14

“Ekw maak miin kaa itwet wepeyihtamuutwaawenich kutakach taan kaa ishi wanituutaaskwaau, Kuuhtaawii kihchikiishikuhch kaa ihtaat chika wepeyihtamaakw.

Matthew 6:30

Kaye maak Chishemanituu nihtaauchihtaau mashkushuuh. An maak kaa nihtaauchihkwaauh mashkushuuh anuhchiish kaa chiishikaach, waapahche shaash katachii ishkwaasikanuuh, namui aa chiyawaau uste chiwii miikuwaau chekwaayuu che pushchishkamuwekw, chiyawaau kaa apishaashich chitaapwehtamuwinawaau.”

Matthew 6:32

Wesh eukw uyuu chekwaayuu muush e iteyihtamihiikutwaau anichii kutakach awenich ekaa kaa taapweyimaatwaau Chishemanituu. Ekw maak chiyawaau Kuuhtaawaau kihchikiishikuhch kaa ihtaat chischeyihtam misiwe taan e ishi nituweyihtamekw.

Matthew 7:11

Aat e ishpish machaatisiyekw eyuwehch chichischeyihtenaawaau chechii miyu miyekuch chitawaashiimuwaauch chekwaayuu. Etituu maak Kuuhtaawaau kihchikiishikuhch kaa ihtaat chika miyu miiweu taan e ishi nituweyihtamuwaakanuut.”

Luke 11:12

maak nituweyihtamaask waawiyuu, chipaa chii ihtin aa chechii miyat manichuusha e pachiskuhuweyich.

Luke 11:2

Jesus chii iteu, “Maau che ishi ayimihaayekw, ‘Nuuhtaawiinaan, kihchikiishikuhch kaa ihtaayin, nitayimihaanaan chitishinihkaasuwin e payehchisiimakahch chechii chisteyihtaakuhtaakanuuhch. Chuuchimaawin katawii utihchipayuu. Chititeyihtamuwin katawii ihtuutaakanuu utah aschiihch, taapishkuuch kihchikiishikuhch.

Luke 18:7

Namui aa maak etituu Chishemanituu suuhk kata wiichiheu aniyuu utiiniim kanawaach kaa ayimihaayich e chiishikaayich kaye e tipiskaayich e nitutamaakut chechii naatamuwaat. Taapaa kata uhchi pwaashtawiyuu chechii naatamuwaat.

John 4:10

Chii iteu maak Jesus aniyuuh iskweu, “Chischeyihtamuuhpane chekwaayuu e wii miiwet Chishemanituu kaye chischeyimiyin awen e aawiyaan, chiya chipaa kakwechimin chechii minihiitaan. An maak kaa pimaachihiiwemakahch nipii eukun an chipaa minihiitin.”

ᐊᐸᔅᑕᓚᒡ 2:38

Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa.

Romans 5:17

Wesh chichischeyihtenaanuu aniyuu umachihtwaawin an peyakw naapeu ekut kaa uhchi ishinaakuhch misiwe awen chechii tipeyimikut nipuwiniyuu. Taan maak uste e ishpish miyeyihtaakuniyich taan kaa ishi ihtuutamaatahkw an kutak naapeu, eukuu Jesus Christ. Misiwe maak anichii kaa weyuuch chischeyihtamihaakanuutwaau Chishemanituu ushaweyihchichewiniyuu ukuiskutaatisiiuch e ishi kanawaapamukutwaau Chishemanituu muush kata taauch taanite e ihtaayich Jesus kaye kata wiichihiikuuch chechii suuhchikaapuutwaau upimaatisiiwiniwaahch.

Romans 7:18

Nichischeyihten ekaa mitun chii miyutuutamaan niya tipiiwe e wii miyutuutamaan, utah kiipaa muhch nipimaatisiiwinihch. Aat e ihtakuhch e wii miyutuutamaan namui yaapach nichii miyutuuten.

Romans 8:32

Namui waawaach Ukusisa chuuhchi manaatinamaakunuu. Chii pachishtineu chechii nipistamaakuuhkw. Aniyuu maak waawaach tipiiwe Ukusisa e chii pachishtinaat chechii nipahaakanuyich chiyaanuu uhchi ekut che uhchi cheshtinaahuyihkw mikw che ishi miikuyihkw kutak chekwaayuuh.

Titus 3:3

Wesh kaye chiyaanuu peyakwaau chichii chiishkwepimaatisiinaanuu, namui chuuhchi nanihiihtuwaanuu Chishemanituu, chichii wiyeshihiikunaanuu kaye chichii shaakuuchihiikunaanuu nanaahkuu machi nituweyihtamuwinh kaye machi miyeyihtamuwinh. Pisikw chichii machaatisiinaanuu kaye chichii uhteyimaanuuch awenichii. Chichii uhkaataanuuch awenich kaye wiyawaau maak chichii uhkaateyimikunuuch.