Luke 11:1 - Chishemanituu Utayimuwin: Kaa Uskaach Testament

¹ Peyakwaau iskutak Jesus kaa chiish ayimihaat, peyakw aniyuu uchischinuhamuwaakanh chii itikuu, “Utipeyihchikeu, pechi chiskutamuunaan maa kaye niyaan taan che ishi ayimihaayaahch mwehch John kaa ihtuutawaat uchischinuhamuwaakan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐯᔭᒀᐤ ᐃᔅᑯᑕᒃ ᒌᓴᔅ ᑳ ᒌᔥ ᐊᔨᒥᐦᐋᑦ, ᐯᔭᒄ ᐊᓂᔫ ᐅᒋᔅᒋᓄᐦᐊᒧᐙᑲᓐᐦ ᒌ ᐃᑎᑰ, ᐅᑎᐯᔨᐦᒋᑫᐤ, ᐯᒋ ᒋᔅᑯᑕᒨᓈᓐ ᒫ ᑲᔦ ᓂᔮᓐ ᑖᓐ ᒉ ᐃᔑ ᐊᔨᒥᐦᐋᔮᐦᒡ ᒬᐦᒡ ᒞᓐ ᑳ ᐃᐦᑑᑕᐙᑦ ᐅᒋᔅᒋᓄᐦᐊᒧᐙᑲᓐ᙮

Luke 11:1 Iomraidhean Croise

Luke 10:42

Peyakw wesin chekwaan naashch nituweyihtaakun, Mary maak shaash chii wiyaapahtamaasuu aniyuu chekwaayuu uste e miywaashiyich e nituweyihtaakuniyich. Namui maak aweyuu chika chii miskamikuu aniyuu.”

Luke 11:2

Jesus chii iteu, “Maau che ishi ayimihaayekw, ‘Nuuhtaawiinaan, kihchikiishikuhch kaa ihtaayin, nitayimihaanaan chitishinihkaasuwin e payehchisiimakahch chechii chisteyihtaakuhtaakanuuhch. Chuuchimaawin katawii utihchipayuu. Chititeyihtamuwin katawii ihtuutaakanuu utah aschiihch, taapishkuuch kihchikiishikuhch.

Luke 6:12

Peyakwaau e chiishikaayich Jesus chii ituhteu wachiihch, che nituu ayimihaat. Ekut kaa ihtaat iskan tipiskaau e ayimiheshtawaat Chishemanituu.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

Luke 9:18

Peyakwaau, Jesus chii ayimihaau mikw e peyakushit, uchischinuhamuwaakanh maak peschiish chii ihtaayuuh ekw kaa nituu kakwechimaat e itaat, “Awen niya e iteyimitwaau awenichii.”

Luke 9:28

Wiyesh yaanaaneu chiishikaau Jesus uyeyuu kaa ishpish ayimitutahk chii chistuhtaheu Peter, John ekw maak James e chii wiichewaat wachiihch anite chechii nituu ayimihaatwaau.

Hebrews 5:7

Mekwaach utah aschiihch kaa papaamuhtet Jesus mihchetwaau chii ishinaakusuu suuhk e nitutamuwaat aniyuuh kaa chischeyimaat chechii wiichihiikut ekaa chechii nipahaakanuut. Chii pehtaakuu maak wesh chii nanihchiishtuweu.

Jude 1:20

Chiyawaau maak wii, niichishaanitikw, suuhk etituu wii yaaichikaapuhiisukw e taapwehtamekw an kaa payehchisiimakahch. Ayimihaakw taan e ishi miitaakw maskuusiiwiniyuu Kaa payehchisiit Ahchaahkw.