Luke 10:9 - Chishemanituu Utayimuwin: Kaa Uskaach Testament

⁹ Kaye miinuwaachihaahkuch anichii kaa aahkusitwaau kaye maak che itekuch anit aniyuu ihtaawiniyuu kaa ihtaatwaau, ‘Naashch taapwe chipeshuwaapamikuwaanaawaau Chishemanituu uchisheuchimaawin.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᑲᔦ ᒦᓄᐙᒋᐦᐋᐦᑯᒡ ᐊᓂᒌ ᑳ ᐋᐦᑯᓯᑣᐤ ᑲᔦ ᒫᒃ ᒉ ᐃᑌᑯᒡ ᐊᓂᑦ ᐊᓂᔫ ᐃᐦᑖᐎᓂᔫ ᑳ ᐃᐦᑖᑣᐤ, ᓈᔥᒡ ᑖᐺ ᒋᐯᔓᐙᐸᒥᑯᐙᓈᐙᐤ ᒋᔐᒪᓂᑑ ᐅᒋᔐᐅᒋᒫᐎᓐ᙮

Luke 10:9 Iomraidhean Croise

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Mark 4:30

Ekw uyuu kaa ati itwet Jesus, “Chekwaan maak chechii wiihtamuhkw chechii itweyihkw ekun e iteyihtaakuniyich Chishemanituu uchisheuchimaawin. Chekw tipaachimuwin chiskutamaachewin chechii wiihtamuhkw chechii uhchi chischeyihtaakuhch.

Mark 6:13

Chii wiiwiitishihuweuch machiahchaahkwa kaa piihchishkuwaayich aweyuu kaye chii tuumineuch mihchetu aweyuu kaa aahkusiyich, chii miinuwaatisiyuu maak.

Luke 10:10

Ekw maak utihtamekwe ihtaawin ekaa nituweyimikuyekw chechii ihtaayekw che ishi ayaakwaamimekuch anichii iinuuch e itekuch,

Luke 10:11

‘Tekash nikaasiihtitaanaan nisitinaanh taan kaa ishpish papaamuhteyaahch utah chitihtaawiniwaahch. Eukw uu e nuukuhtaayaahch e chii aatuweyihtamuwekw Chishemanituu uchisheuchimaawin. Mikw maak chiwii wiihtamaatinaan cheshtinaash chechii nisituhtamekw e chii peshunaakuniyich Chishemanituu uchisheuchimaawin anit e ihtaayekw.’ ”

Luke 9:2

Ekw kaa chihchitishahwaat chechii nituu kakacheskweyich Chishemanituu uchisheuchimaawiniyuu e waawiihtamiyich eyuu chechii miinuwaachihaayich aweyuuh kaa aahkusiyich.

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

ᐊᐸᔅᑕᓚᒡ 28:28

Ekw Paul kaa itwet, “Che wii chischeyihtamekw maak Chishemanituu e itishahukuyaahch chechii waawiihtamaahch chechii pimaachihaakanuutwaau kaye anichii ekaa Jewa kaa itiskaanesitwaau awenichii. Chika nituhtamuch maak uchii wii.”

ᐊᐸᔅᑕᓚᒡ 28:31

Chii aayimuutamuweu maak Chishemanituu uchisheuchimaawiniyuu, kaye chii chiskutamaacheu Utipeyihchikeu Jesus Christ e aayimuumaat. Chii suuhchiteheu maak mitun kaye namui uhchi chistahamuwaakanuu uyuu e ihtit.