Luke 10:7 - Chishemanituu Utayimuwin: Kaa Uskaach Testament

⁷ Ekut maak che ihtaayekw anit an waaskaahiikan kaa ihtaatwaau anichii e wii ayaatwaau chiyaameyihtamuwiniyuu. Ekut che miichisuyekw kaye che minihkweyekw taan che ishi miikuyekw, wesh awen kaa aapatisit taapwe iteyihtaakusuu chechii tipahamuwaakanuut. Ekaawii aashuupiihchekw waaskahiikan, ekut mikw anit ihtaakw taanit kaa piihtakahiikuyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᑯᑦ ᒫᒃ ᒉ ᐃᐦᑖᔦᒄ ᐊᓂᑦ ᐊᓐ ᐙᔅᑳᐦᐄᑲᓐ ᑳ ᐃᐦᑖᑣᐤ ᐊᓂᒌ ᐁ ᐐ ᐊᔮᑣᐤ ᒋᔮᒣᔨᐦᑕᒧᐎᓂᔫ᙮ ᐁᑯᑦ ᒉ ᒦᒋᓱᔦᒄ ᑲᔦ ᒉ ᒥᓂᐦᑴᔦᒄ ᑖᓐ ᒉ ᐃᔑ ᒦᑯᔦᒄ, ᐌᔥ ᐊᐌᓐ ᑳ ᐋᐸᑎᓯᑦ ᑖᐺ ᐃᑌᔨᐦᑖᑯᓲ ᒉᒌ ᑎᐸᐦᐊᒧᐙᑲᓅᑦ᙮ ᐁᑳᐐ ᐋᔔᐲᐦᒉᒄ ᐙᔅᑲᐦᐄᑲᓐ, ᐁᑯᑦ ᒥᒄ ᐊᓂᑦ ᐃᐦᑖᒄ ᑖᓂᑦ ᑳ ᐲᐦᑕᑲᐦᐄᑯᔦᒄ᙮

Luke 10:7 Iomraidhean Croise

Mark 6:10

Chii iteu kaye, “Anit che piihtakahiikwekwe waaskaahiikan ekut anit ihtaakw paatish nakatamekwe an ihtaawin.

Luke 10:6

Ekw maak anichii anit kaa ihtaatwaau meyeyihtamuwaakwenich chiyaameyihtamuwiniyuu kata ayaauch. Ekw maak ekaa meyeyihtamuwaakwenich chiyaameyihtamuwiniyuu namui kata uhchi ayaauch.

Luke 9:4

Kaye an waaskaahiikan taanite che piihtakahiikuwekwe, ekut anit che ihtaayekw paatishkaan nakatamekwe an ihtaawin.

ᐊᐸᔅᑕᓚᒡ 16:15

Chii siikahaahtuwaakanuu maak Lydia kaye misiwe anit wiichihch kaa wiichimikut. Ekw kaa wiishaamikuyaahch anite wiichihch chechii wiichimachiht e itikuyaahch, chiyeshtinaahuwekwe e taapweyimak Utipeyihchikeu, pechi piihchekw niichihch anit che ihtaayekw. Nichii shaakuuchimikunaan maak.

ᐊᐸᔅᑕᓚᒡ 16:34

Ekw anite wiichihch kaa ituhtahaat aniyuu Paul ekw maak Silas, kaa miyaat miichimiyuu chechii miichisuyich. Naasch maak chii miyeyihtam kaye aniyuu anit e peyakuteusiit chii muuchicheyihtamiyuu e taapweyimaatwaau Chishemanituu.

ᐊᐸᔅᑕᓚᒡ 16:40

Ekw maak Paul kaye maak Silas anite aniyuu iskweu Lydia e ihtaayich ekute kaa ituhtetwaau. Ekut utah pasch kaa ihtaayich chiichishaanuuh kaa taapwehtamiitwaau, ekw kaa ayimihaatwaau chechii yaaichikaapuyich e taapwehtamiyich. Ekw kaa chistuhtetwaau.

Galatians 6:6

An awen kaa chiskutamuwaakanuut miywaachimuwiniyuu chipaa miyeu aniyuuh kaa chiskutamaakut chechii aapachihtaayich misiwe taan e ishi miyu ayaat chekwaayuuh.

1 Timothy 5:13

Kutakach uchii kaa ushchipimaatisiitwaau kaa peyakutwaau iskweuch wetaach namui wiyesh chika uhchi iteyihtamuch ekaa mitun chekwaayuu ihtuutahkwaau. Mikw papaa piihtakuweuch aweyuu wiichiihch, mikw e papaa chiiutetwaau. Namui maak mikw uyuu ihtuuch, chek papaa pakunuumuweuch kaye papiichiskwehtaasuuch e aayimuutahkwaau chekwaayuu aniyuu ekaa chipaa uhchi aapateyihtamihiikuuch.

2 Timothy 2:6

Kaye maak nihtaauchihchesuu suuhk kaa aapatisit iteyihtaakuniyuu wiya niishtam chechii pahkwenimaasut aniyuu taan kaa ishi nihtaauchihtaat.