Luke 10:41 - Chishemanituu Utayimuwin: Kaa Uskaach Testament

⁴¹ Utipeyihchikeu chii itikuu, “Martha, Martha naashch e mukushkaateyihtamihiikuyin mihchetu chekwaayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᐅᑎᐯᔨᐦᒋᑫᐤ ᒌ ᐃᑎᑰ, ᒪᕐᑕ, ᒪᕐᑕ ᓈᔥᒡ ᐁ ᒧᑯᔥᑳᑌᔨᐦᑕᒥᐦᐄᑯᔨᓐ ᒥᐦᒉᑐ ᒉᒀᔫ᙮

Luke 10:41 Iomraidhean Croise

Mark 4:19

mikw maak aniyuu naashch e mukushkaachishtaatwaau aschiiyuu chekwaayuuh kaye naashch mikw e wii ushuuliyaamitwaau e ihtitwaau kaye pishikw e mushtenahkwaau chekwaayuu chechii ayaatwaau eukw uyuu wehchi chek wanaataniyich utaapwehtamuwinawaau. Ekw maak namui chii miinisuuch upimaatisiiwiniwaahch.

Luke 10:38

Jesus ekw maak uchischinuhamuwaakan mekwaach e pimuhtetwaau chii utihtamuch ihtaawiniyuu. Chii ihtaau maak anit iskweu Martha e ishinihkaasut, eukw maak aniyuu kaa piihtakahiikutwaau.

Luke 10:40

Martha maak naashch taapwe chii utameyihtamihiikuu e mistatuschet, ekw kaa naachikaapuushtawaat Jesus ekw kaa itaat, “Utipeyihchikeu, namui aa wiyesh chititeyimaau uu niichishaan, niya mikw e iteyimit chechii aapatisuuch. Ishi maa chechii pechi wiichihiit.”

Luke 12:22

Ekw Jesus kaa itaat uchischinuhamuwaakan, “Eukw maak uu wehchi ititakuch ekaa chechii mukushkaateyihtamekw miichim taan netuweyihtamekw chechii uhchi pimaatisiyekw maak kaye chekwaan che chichishkamekw.

Luke 21:34

“Yaakwaamiikw taan e ishi pimaatisiyekw. Ekaawii utamihiisukw pisikw chechii minihkweyekw maak pisikw chechii miichisuyekw maak pisikw chechii aayimeyihtamekw taan e ishi pimaatisiinaanuuhch, wesh eukw e ihtitwaau kutakach awenichii. An ihtiyekwe chika chii ishinaakun sischikuuch chechii takushiniyaan mekwaach anit ekaa iteyihtamekwe. An maak sischikuuch takushiniyaane, muyaam nakwaakan ekaa peshuweyihtahk awesiis che nakwaasut eukun che iteyihtaakuhch.

Luke 8:14

Ekw maak an kutak shuumin kaa pahchishihk anite e kaasutewaayikwaau mashkushiih e ihtakuniyikwaauh mwehch eukw e ishinaakusitwaau awenichii kaa nituhtamuwaatwaau Chishemanituu utayimuwiniyuu. Mikw maak aniyuu utaapwehtamuwinawaau chek wanaachihtaakanuuyuu wesaa e aayimeyihtamihiikutwaau e ispayiyich upimaatisiiwiniwaahch kaye miisitisiiwiniyuu e maamituneyihtamihiikutwaau, kaye maak mikw aschiiyuu chekwaayuuh e maamituneyihtamihiikutwaau chechii uhchi miyeyihtahkwaau. Ekw maak namui chii ishi nihtaauchuuch taan aniyuuh chipaa ishi nihtaauchuuch.

John 11:1

Chii ihtaau naapeu Lazarus e ishinihkaasut, e chii mista aahkusit. Anite Bethany kaa ishinihkaateyich ihtaawiniyuu chii wiichuu. Uwiichisaaniskwem Mary ekw maak Martha chii wiichimikuu.

John 11:5

Jesus chii saachiheu aniyuu Martha kaye aniyuu wiichishaaniskwemiyuu kaye aniyuuh wiichishaaniyuu Lazarus.

John 12:2

Chii makushehaakanuu maak Jesus anite, Martha chii wiichihiiweu e maatinuwaanuyich, ekw Lazarus kaa wiitapimaat Jesus anite miichisunaahtikuhch.

Philippians 4:6

Ekaawii chekwaan chika uhchi mukushkaateyihtamihiikunaawaau. Teyakuch misiwe taan che ati ispayiwekwe ayimihaakw, e waawiihtamuwekw Chishemanituu chekwaayuu e ishi nitaweyihtamuwekw. Kaye maak chipaa nanaaskumaawaau.