Luke 10:34 - Chishemanituu Utayimuwin: Kaa Uskaach Testament

³⁴ Kaa naataat ekw kaa nituhkuhaat e kutapinamuwaat tuuminikaniyuu e nituhkuiinuuniyich kaye maak shuuminaapuuyuu taanite anit kaa mishwaakanihkaataakanuyich kaye chii wiiskweyaapihkaatamuweu. Ekw kaa tehtahaat anit utuuhkaan uspiskuniihch, kaa ituhtahaat anite nipeukamikw kaa ihtakuniyikwaauh ekute maak kaa naanaakachihaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᑳ ᓈᑖᑦ ᐁᒄ ᑳ ᓂᑐᐦᑯᐦᐋᑦ ᐁ ᑯᑕᐱᓇᒧᐙᑦ ᑑᒥᓂᑲᓂᔫ ᐁ ᓂᑐᐦᑯᐄᓅᓂᔨᒡ ᑲᔦ ᒫᒃ ᔔᒥᓈᐴᔫ ᑖᓂᑌ ᐊᓂᑦ ᑳ ᒥᔣᑲᓂᐦᑳᑖᑲᓄᔨᒡ ᑲᔦ ᒌ ᐐᔅᑴᔮᐱᐦᑳᑕᒧᐌᐤ᙮ ᐁᒄ ᑳ ᑌᐦᑕᐦᐋᑦ ᐊᓂᑦ ᐅᑑᐦᑳᓐ ᐅᔅᐱᔅᑯᓃᐦᒡ, ᑳ ᐃᑐᐦᑕᐦᐋᑦ ᐊᓂᑌ ᓂᐯᐅᑲᒥᒄ ᑳ ᐃᐦᑕᑯᓂᔨᒀᐤᐦ ᐁᑯᑌ ᒫᒃ ᑳ ᓈᓈᑲᒋᐦᐋᑦ᙮

Luke 10:34 Iomraidhean Croise

Mark 14:8

Uu iskweu chii ihtuutam wiya taan kaa wii ihtit. Niyaakan chii tuuminam niyuuyuu e ayeskuwiihkahk che chiskashtaakanuyich.

Luke 10:33

Miin kutak naapeu, Samaria aschiihch e uhchiit chii utihteu aniyuu naapeu, ekw naashch kaa chistimaacheyimaat.

Luke 10:35

Miin chiyechishepaayaayich, kaa miyaat shuuliyaayuu aniyuu kaa naanaakachihtaayich aniyuu nipeukamikuyuu, ekw kaa itaat, ‘Naanaakachihii uu naapeu. Chika tipahamaatin taan an che ishpish masinahamaataan iskutak miin pimuhteyaane utah.’ ”

Luke 2:7

Nipeukamikw maak mitun chii saakaschinaanuuyuuh ekw anite uhkaanikamikuhch kaa ihtaatwaau. ekute anite kaa pimaatisiyich aniyuu uniishtamuushaan Mary, e chii naapeshiiwiyich. Kaa wiiskweyechinaat machunishihch ekw kaa pimishimaat anit uhkaanich kaa chii uhchi miichisutwaau.

Romans 12:20

Teyakuch maa ihtuutah uu kaa itashtech Chishemanituu utayimuwinihch, E siiweyikwe an awen kaa uhkaatisk, ashamah. Waa minihkwekwe, minihii. Wesh uyuu ihtuutuute, naashch taapwe chika pimaameyimuhaau.

1 Thessalonians 5:15

Namui yaaitei chipaa uhchi taapishtuwaawaau awen e wanituutaataakw teyakuch muush chipaa miyutuutaatunaanuu kaye misiwe kutakach awenich.