Luke 10:33 - Chishemanituu Utayimuwin: Kaa Uskaach Testament

³³ Miin kutak naapeu, Samaria aschiihch e uhchiit chii utihteu aniyuu naapeu, ekw naashch kaa chistimaacheyimaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³³ ᒦᓐ ᑯᑕᒃ ᓈᐯᐤ, ᓴᒣᕆᔮ ᐊᔅᒌᐦᒡ ᐁ ᐅᐦᒌᑦ ᒌ ᐅᑎᐦᑌᐤ ᐊᓂᔫ ᓈᐯᐤ, ᐁᒄ ᓈᔥᒡ ᑳ ᒋᔅᑎᒫᒉᔨᒫᑦ᙮

Luke 10:33 Iomraidhean Croise

Matthew 10:5

Ekw uchii niishushaap kaa chihchitishahukutwaau Jesus e itikutwaau, “Ekaawii ituhtekw anite iinuuch ekaa Jewa iinuuch kaa itiskaanesitwaau e ihtaatwaau kaye ekaawii ituhtekw anite ihtaawinh Samaria aschiihch kaa ihtakuhkwaauh.

Matthew 18:33

Namui aa maak chipaa uhchi chistimaacheyimaau chiya an aapachihaakan mwehch niya taan kaa ishi chistimaacheyimitaan.’ Eukw uyuu kaa itaat an chisheuchimaau aniyuu utaapachihaakanh.

Luke 10:32

Chek miin kutak naapeu chii pechi pimuhteu, Levi iinuu e itiskaanesit. Chii waapameu kaye wiya aniyuu naapeu kaa mishwaakanihkaataakanuyich kaye wiya maak namui uhchi wii wiichiheu ekw mikw kaa ishi miyaaskawaat nete kwestehcheskanuu e pimuhtet.

Luke 10:34

Kaa naataat ekw kaa nituhkuhaat e kutapinamuwaat tuuminikaniyuu e nituhkuiinuuniyich kaye maak shuuminaapuuyuu taanite anit kaa mishwaakanihkaataakanuyich kaye chii wiiskweyaapihkaatamuweu. Ekw kaa tehtahaat anit utuuhkaan uspiskuniihch, kaa ituhtahaat anite nipeukamikw kaa ihtakuniyikwaauh ekute maak kaa naanaakachihaat.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

John 4:9

Naashch maak chii kushkupayuu an iskweu aniyuu kaa itikut Jesus ekw kaa itaat, “Jewa naapeu chiya. Niya maak Samaria iskweu niya. Chekwaan wehchi nituweyihtaman chechii minihiitaan.” Namui mitun uhchi papiskaateuch Jewa iinuuch aniyuu iinuuh anite Samaria aschiihch kaa uhchiyich, eukw uyuu wehchii itwet uyuu an iskweu.

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”