Luke 10:28 - Chishemanituu Utayimuwin: Kaa Uskaach Testament

²⁸ Jesus maak chii itikuu, “Chitaapwen an kaa itweyin. Misiwe an ihtuutamane chika ayaan kaachiche pimaatisiiwin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᒌᓴᔅ ᒫᒃ ᒌ ᐃᑎᑰ, ᒋᑖᐺᓐ ᐊᓐ ᑳ ᐃᑗᔨᓐ᙮ ᒥᓯᐌ ᐊᓐ ᐃᐦᑑᑕᒪᓀ ᒋᑲ ᐊᔮᓐ ᑳᒋᒉ ᐱᒫᑎᓰᐎᓐ᙮

Luke 10:28 Iomraidhean Croise

Matthew 19:17

Ekw Jesus kaa itaat, “Chekwaan wehchi kakwechimiyin chechii wiihtamaataan chekwaan meyaashich. Namui awen ihtaau tekash chechii miyu ihtit, mikw Chishemanituu. Wii ayaayine kaachiche pimaatisiiwin misiwe nanihiihta kacheskwewinh.”

Mark 12:34

Jesus maak piyehtawaat uyuu e ishi kachehtaaweyihtamuuhtaakusiyich chii iteu, “Namui chiwaahyuwaapahtamuwaan Chishemanituu uchisheuchimaawin.” Namui maak uhchi ihtaau awen e tepeyimut etituu chechii ishi kakwechimaat chekwaayuu.

Luke 7:43

Simon maak chii iteu, “Kiipaa aniyuu maauch mistahii kaa masinahamaakut eukun aniyuu maauch che saachihiikut.” Jesus kaa itaat, “Ehe, taapwe.”

Romans 10:4

Kaa takushihk Christ chii ihtuutam wiishuwewiniyuu ekaa chechii aapateyihtaakuniyich, ekw maak misiwe aniyuuh che taapweyimikuukwe eukunh aniyuuh ukuiskutaatisiiuh che ishi kanawaapamikuyich Chishemanituuh.

Romans 3:19

Chichischeyihtenaanuu anichii kaa miyaakanuutwaau uyuu wiishuwewiniyuu chipaa nanihiihtamuch misiwe taan e itashuwemakaniyich. Eukw maak uu che uhchi ekaa mitun chii itwet awen ekaa uhchi chischeyihtahk e chii machituutahk kaye maak ekun wehchi misiwe awen utah aschiihch ishinaakuniyich chechii wiyaaskunikut Chishemanituuh.

Romans 7:10

Ekw an wiishuwewin kaa miiwaanuuhch ati chechii uhchi pimaatisiistuuk Chishemanituu, ekut kaa uhchi chischeyihtamaan e nipiyaan.

Galatians 3:12

Anite maak wii Jewa ayimiheu wiishuwewinihch namui mitun aayimuuteu taapwehtamuwin. Maau e itashtech, An awen tekash kaa nanihiihtahk taan e itashuwemakaniyich Jewa ayimiheu wiishuwewiniyuu eukun an kaachiche che pimaatisiit.