Luke 10:21 - Chishemanituu Utayimuwin: Kaa Uskaach Testament

²¹ Ekut maak Jesus naashch taapwe kaa muuchicheyihtamiskaakut Kaa payehchisiyich Ahchaahkwa. Chii itweu maak, “Nuuhtaa, chiya kaa tipeyihtaman kihchikiishikw kaye aschii chinanaaskumitin, wesh chinakaahamuwaauch anichii kaa kachehtaaweyihtahkwaau ekaa chechii nisituhtamuwaakupanenich uyuuh chekwaayuu. Ekw anichii ekaa naashch kaa kachehtaaweyihtahkwaau chichii ihtuutawaauch wiyawaau chechii nisituhtahkwaau. Ehe, Nuuhtaa eukun uu kaa ishi naheyihtamihiikuyin chechii ihtuutaman.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐁᑯᑦ ᒫᒃ ᒌᓴᔅ ᓈᔥᒡ ᑖᐺ ᑳ ᒨᒋᒉᔨᐦᑕᒥᔅᑳᑯᑦ ᑳ ᐸᔦᐦᒋᓯᔨᒡ ᐊᐦᒑᐦᑾ᙮ ᒌ ᐃᑗᐤ ᒫᒃ, ᓅᐦᑖ, ᒋᔭ ᑳ ᑎᐯᔨᐦᑕᒪᓐ ᑭᐦᒋᑮᔑᒄ ᑲᔦ ᐊᔅᒌ ᒋᓇᓈᔅᑯᒥᑎᓐ, ᐌᔥ ᒋᓇᑳᐦᐊᒧᐙᐅᒡ ᐊᓂᒌ ᑳ ᑲᒉᐦᑖᐌᔨᐦᑕᐦᒀᐤ ᐁᑳ ᒉᒌ ᓂᓯᑐᐦᑕᒧᐙᑯᐸᓀᓂᒡ ᐅᔫᐦ ᒉᒀᔫ᙮ ᐁᒄ ᐊᓂᒌ ᐁᑳ ᓈᔥᒡ ᑳ ᑲᒉᐦᑖᐌᔨᐦᑕᐦᒀᐤ ᒋᒌ ᐃᐦᑑᑕᐙᐅᒡ ᐎᔭᐙᐤ ᒉᒌ ᓂᓯᑐᐦᑕᐦᒀᐤ᙮ ᐁᐦᐁ, ᓅᐦᑖ ᐁᐅᑯᓐ ᐆ ᑳ ᐃᔑ ᓇᐦᐁᔨᐦᑕᒥᐦᐄᑯᔨᓐ ᒉᒌ ᐃᐦᑑᑕᒪᓐ᙮

Luke 10:21 Iomraidhean Croise

Matthew 16:17

Ekw Jesus kaa itaat aniyuu Peter, “Chishaweyihtaakusin Simon, John ukusisa, wesh uu kaa ishi chischeyimiin, namui iinuu kuuhchi wiihtamaakw, Nuuhtaawii kihchikiishikuhch kaa ihtaat ekute kaa uhchi miikuyin uu chechii ishi chischeyimiin.

Matthew 21:16

Ekw kaa itaatwaau aniyuu Jesus, “Chipehtawaauch aa taan e itwetwaau.” Jesus kaa itaat, “Nipehtuwaauch, namui aa wiiskaat chuuhchi ayimihtaanaawaau Chishemanituu utayimuwinihch anit kaa itashtech, Chishemanituu chii ihtuutaweu awaasha kaye apishtawaasha chechii miyu maamihchimikut.”

Matthew 3:7

Iskutak maak John wiyaapamaat mihchetu Phariseeh kaye Sadduceeh e pechi takushiniyich chechii siikahaahtuwaakanuyich, chii iteu, “Muyaam taapwe chinepukuch e iteyihtaakusiyekw. Awen kaa ititaakw chechii ushimututamuwekw Chishemanituu utaahkuiwesuwin.

Mark 10:15

Chihchiwe chititinaawaau, michihpin awen ekaa che taapweucheyihtamuwaakwe Chishemanituuh uchimaawiniyuu e ishi taapweucheyihtamiyich awaasha namui kata chii piihcheu taanite wechimaawiyich Chishemanituu.”

Luke 15:5

Iskutak maak miskawaate naashch taapwe chika miyeyihtam, ekw utihtiminihch ekut che tehtahaat, che nituu chiiwehtahaat.

Luke 15:9

Iskutak maak meskawaat, ekw maamuu wiishaamaat uwiichewaakanh kaye wiichishaan e itaat, ‘Naashch taapwe nimiyeyihten e chii miskawak an shuuliyaaunaapiskw kaa wanihiik. Wiichi miyeyihtamuumikw maa.’ ”

John 11:41

Ekw kaa iichehtahaatwaau aniyuu asinii. Jesus maak e tastasaapit chii iteu, “Nuuhtaawii chinanaaskumitin e pechi nituhtuyin.

2 Corinthians 4:3

Ihtaauch awenichii e iteyihtahkwaau ekaa misiwe chekwaayuu wiihtamuchiht e waawiihtamuchiht uyuu miywaachimuwiniyuu ekw maak namui chii nisituhtamuch. Wanishinuuch anichii awenichii ekun maak wehchi ekaa chii nisitutahkwaau.

Ephesians 1:11

Muush ihtuutam Chishemanituu taan kaa ishi wiyeyihtahk che ihtuutahk. Christ maak e wiicheumuhkw ekut kaa uhchi wiyaapamitahkw Chishemanituu wesh eukw uyuu kaa ishi wiyeyihtahk shaash anite weskach.

Ephesians 1:5

E saachihiitahkw Chishemanituu eukw uyuu wehchii wiyeyimitahkw wiya chechii utawaashiimituutaatahkw Jesus Christ e ihtaayich uhchi. Eukw uyuu kaa ishi naheyihtamihiikut chechii ihtit kaye eukw uyuu kaa wii ihtit.