Luke 10:16 - Chishemanituu Utayimuwin: Kaa Uskaach Testament

¹⁶ Ekw Jesus kaa itaat uchischinuhamuwaakan, “Awen kaa nituhtaataakw muyaam niya e pechi nituhtuut ekun e ishinaakusit. Awen maak kaa aatuweyimitaakw muyaam niya e aatuweyimit ekun e ishinaakusit. Ekw awen kaa aatuweyimit muyaam e aatuweyimaat Chishemanituu, aniyuu kaa pechi itishahuyich, ekun e ishinaakusit.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᒄ ᒌᓴᔅ ᑳ ᐃᑖᑦ ᐅᒋᔅᒋᓄᐦᐊᒧᐙᑲᓐ, ᐊᐌᓐ ᑳ ᓂᑐᐦᑖᑖᒄ ᒧᔮᒻ ᓂᔭ ᐁ ᐯᒋ ᓂᑐᐦᑑᑦ ᐁᑯᓐ ᐁ ᐃᔑᓈᑯᓯᑦ᙮ ᐊᐌᓐ ᒫᒃ ᑳ ᐋᑐᐌᔨᒥᑖᒄ ᒧᔮᒻ ᓂᔭ ᐁ ᐋᑐᐌᔨᒥᑦ ᐁᑯᓐ ᐁ ᐃᔑᓈᑯᓯᑦ᙮ ᐁᒄ ᐊᐌᓐ ᑳ ᐋᑐᐌᔨᒥᑦ ᒧᔮᒻ ᐁ ᐋᑐᐌᔨᒫᑦ ᒋᔐᒪᓂᑑ, ᐊᓂᔫ ᑳ ᐯᒋ ᐃᑎᔕᐦᐅᔨᒡ, ᐁᑯᓐ ᐁ ᐃᔑᓈᑯᓯᑦ᙮

Luke 10:16 Iomraidhean Croise

Matthew 10:40

“Awen e piihtakahiitaakw nipiihtakahiikw kaye niya, e piihtakahiit maak utineu aniyuu aweyuu kaa pechi itishahuyich.

Matthew 18:5

Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich.”

Mark 9:37

“Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat.”

Luke 9:48

“Awen e utinaat peyakw uyuu awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat. Wesh an awen maauch nuuhtaash kaa iteyihtaakusit anit e tashiyekw eukun an maauch chesteyihtaakusit.”

John 12:44

Jesus maak chii itweu e chishewet, “Awen tiyaapweyimikwe namui mikw niya nipechi taapweyimikw kaye taapweyimeu aniyuu kaa pechi itishahuyich.

John 12:48

An awen yaatuweyimikwe, kaye ekaa nenahiihtamukwe nimiywaachimuwiniyuu, chika wiyaaskunaakanuu. Aniyuu uhchi taan kaa itweyaan eukw aniyuu che uhchi wiyaaskunaakanuut maahchishtai chiishikaayiche.

John 13:20

Kuiskw chiwiihtamaatinaawaau, an awen che pishichihaakwe aniyuu aweyuu che itishahumach nipishichihiikw kaye niya. An maak awen kaa pishichihiit pishichiheu aniyuu aweyuu kaa pechi itishahuyich.”

ᐊᐸᔅᑕᓚᒡ 5:4

Eshkw ekaa uhchi ataaweyin chitaschii chiya chichii tipiyeusiyin iskutak maak kaa ataaweyin chichii miikuun chechii wiyeyihtaman taan che ihtuutaman an shuuliyaau. Chekwaan kaa maamituneyihtaman wehchii wiyeyihtaman uu chechii ihtuutaman. Namui naapeu chinanatayimaau, Chishemanituu eukw nenatayimat.”

Galatians 4:14

Namui maak chuuhchi aatuweyiminaawaau chechii wiichihiyekw aat e chii aayimaasinaakuhch chechii wiichihiyekw kaa ishpish wesa chii aahkusiyaan. Teyakuch naashch taapwe chichii miyu kanuweyiminaawaau, mwehch taapwe enchil kihchikiishikuhch e chii uhchi chiiutamitaakw maak wiya Jesus Christ e chii chiiutamitaakw ekun kaa ishi miyuhkuuyekw.

1 Thessalonians 4:8

Awen maak ekaa aapateyihtamukwe uyuu chiskutamaachewiniyuu namiyeyuuh naapeuh ekaa kaa aapateyimaat. Chishemanituuh, aniyuuh kaa miikuuhkw Kaa payehchisiyich Ahchaahkw eukun aniyuuh namui aapateyimeu.