Luke 10:1 - Chishemanituu Utayimuwin: Kaa Uskaach Testament

¹ Iskutak kaa chiishipayihch an taan kaa ispayihch Utipeyihchikeu chii wiyaapameu niishwaashumitanuu niishu kutak aweyuu che uchischinuhamuwaakanit ekw kaa niikaanitishihwaat e naaniishuhteyitwaau. Chii iteu misiwe ihtaawinihch chechii ituhteyich misiwe taanite che aituhtekupane, kaye misiwe taanite e ati ihtaayitwaauh aweyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐃᔅᑯᑕᒃ ᑳ ᒌᔑᐸᔨᐦᒡ ᐊᓐ ᑖᓐ ᑳ ᐃᔅᐸᔨᐦᒡ ᐅᑎᐯᔨᐦᒋᑫᐤ ᒌ ᐎᔮᐸᒣᐤ ᓃᔣᔓᒥᑕᓅ ᓃᔓ ᑯᑕᒃ ᐊᐌᔫ ᒉ ᐅᒋᔅᒋᓄᐦᐊᒧᐙᑲᓂᑦ ᐁᒄ ᑳ ᓃᑳᓂᑎᔑᐦᐙᑦ ᐁ ᓈᓃᔓᐦᑌᔨᑣᐤ᙮ ᒌ ᐃᑌᐤ ᒥᓯᐌ ᐃᐦᑖᐎᓂᐦᒡ ᒉᒌ ᐃᑐᐦᑌᔨᒡ ᒥᓯᐌ ᑖᓂᑌ ᒉ ᐊᐃᑐᐦᑌᑯᐸᓀ, ᑲᔦ ᒥᓯᐌ ᑖᓂᑌ ᐁ ᐊᑎ ᐃᐦᑖᔨᑣᐤᐦ ᐊᐌᔫᐦ᙮

Luke 10:1 Iomraidhean Croise

Luke 1:17

John maak chika niikaanitishihwaakanuu chechii wiichihaat Chishemanituuh utiiniimiyuu chechii ayeskuwiyich takushiniyichen Utipeyihchikeuh. Chika ayaaweu aniyuu ahchaahkwa kaa pimipayihiikuyich aniyaanaah Elijah kaa ishinihkaasuyich Chishemanituuh kaa chii ayimishtamuwaayich kaye aniyuu suuhkaatisiiwiniyuu taan kaa ishi ayaayich ekun kaye wiya che ishi ayaat. Chika ihtuutaweu uhtaawiimaau kaa machipayihkahtaatuyitwaau utawaashiimiyuuh miin kaau chechii saachihiituyich. Kaye aniyuu ekaa kaa kuiskutaatisiyich chika ihtuutaweu chechii ishi kachehtaaweyihtamiyich taapishkuuch aniyuu kaa kuiskutaatisiyich. Eukw uyuu che aihtit John chechii ayeskuwiihaat aweyuu chechii nachihaayich Utipeyihchikeu.” Eukw maak uyeyuu kaa ishi wiihtamaakut Zechariah aniyuuh enchil.

Luke 1:76

Ekw Zechariah kaa itaat aniyuu ukusisa taan kaa ishi nituweyimikut Chishemanituu chechii itwet, “Ekw maak chii nitawaashiim maauch kaa ispeyihtaakusit Chishemanituu uchischiwehiichesiimh chika ishinihkaatikuun. Chika meskanaahkuwaau Utipeyihchikeu e ishi ayeskuwiihkamut anit che pimuhtet.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

Luke 9:52

Mekwaach maak aniyuu e ati pimuhtet chii niikaanitishihweu aweyuuh anite aniyuu ihtaawiniyuu Samaritan iinuuh kaa ihtaayitwaauh, chechii nituu ayeskuushtaayich taanite chechii ihtaakupane aniyuu che tipiskaayich.