Luke 1:78 - Chishemanituu Utayimuwin: Kaa Uskaach Testament

⁷⁸ Wesh Chichishemanituuminuu chistimaacheyimuweu kaye saachihiiweu chechii petwaatahkw pimaachihiikusiiwiniyuu, muyaam piisim e chihkaashtuwet e chechishepaayaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷⁸ ᐌᔥ ᒋᒋᔐᒪᓂᑑᒥᓅ ᒋᔅᑎᒫᒉᔨᒧᐌᐤ ᑲᔦ ᓵᒋᐦᐄᐌᐤ ᒉᒌ ᐯᑣᑕᐦᒄ ᐱᒫᒋᐦᐄᑯᓰᐎᓂᔫ, ᒧᔮᒻ ᐲᓯᒻ ᐁ ᒋᐦᑳᔥᑐᐌᑦ ᐁ ᒉᒋᔐᐹᔮᔨᒡ᙮

Luke 1:78 Iomraidhean Croise

John 3:16

Wesh Chishemanituu e ishpish chii saachihaat misiwe aweyuu utah aschiihch chii miiweu kaa peyakushiyich Ukusisa, misiwe aweyuuh kaa taapweyimaayich ekaa chechii nishuunaatisiyich maak chechii ayaayich kaachiche pimaatisiiwiniyuu.

Ephesians 5:14

Eukw maak wehch iinaanuuhch maan, “Wanishkaah chiya kaa wiihchihkwaamuyin, wanishkaah anit nipuwinihch uhchi. Ekw maak Christ che miisk waashtewiniyuu.”

Philippians 1:8

Chishemanituu chischeyihtam taan e ishpish naashch wii wiicheutakuch ekw miin, wesh Christ Jesus nichii ihtuutaakw naashch chechii saachihiitakuch.

Philippians 2:1

Christ chitihtuutaakunuu chechii yaaichikaapuuhiituyihkw. Christ chitihtuutaakunuu chechii saachihiituyihkw kaye chechii kaachiichimituyihkw. Kaa payehchisiit Ahchaahkw chitihtuutaakunuu chechii miyu wiicheutuyihkw. Christ chitihtuutaakunuu chechii chishewaatutaatuyihkw kaye chechii chistimaacheyimituyihkw.

Colossians 3:12

Chiyawaau Chishemanituu kaa wiyaapamitaakw kaa payehchisiyich utiiniimh kaye kaa saachihaat, chishewaatisiikw, chistimaacheyimaahkuhch awenichii, tipihteyimisukw, yuuspaatisiikw kaye siipiiwesiikw.

2 Peter 1:19

Ekut maak wehchi etituu cheshtinaateyihtamihiikuyaahch taan kaa ishi aayimuutahkwaau uyuu miywaachimuwiniyu aniyehkaanaanich uchischiwehiichesuuch. Chika miywaau maak taapwe yaakwaau chechii ishi nanaakatuweyihtamihiikuyekw uu miywaachimuwin, wesh mwehch taapwe waashtenamaakan e chiihkaayaastech anite e ukaashteyaach ekun e iteyihtaakuhch. Ekun maak e ishinaakuhch che ishpish ekaa utihchipayihch an e chiishikaach che takushihk Utipeyihchikeu. Wiya maak uwaashtewin muyaam e ishpish chiihkaayaashtuwet chechishepaayaau achahkush ekun che ishpish waashtenamaakuwekw chitehiiwaahch.

1 John 3:17

Waapamaate awen e nuuhtepayiyich aweyuuh chekwaayuu, ekaa maak nuuhtepayit wiya chekwaayuu, ekaa maak chistimaacheyimaate, taanite chechii uhchi itwet e piihchishkaakut Chishemanituu usaachihiiwewiniyuu.

Revelation 22:16

Niya, Jesus, nichii itishahwaau nitenchilam taanite e ati ihtaayekw chechii wiihtamaataakw uyuuh chekwaayuuh, chiyawaau umaamuuayimihaautikw. David e ihtaat nuuhchi aanische pimaatisiin. Eukw niya an waapan achahkush naashch kaa chiihkaayaashtuwet.” Eukw uyuu kaa itwet Jesus.